Dawlada Maraykanka oo
ku duushay Ciraaq
Ottawa, 20 March 2003 (MOL)-Xalay waaberigii subaxnimo
ayaa waxaa laga maqlay qaraxyo culus duleedka xaafad ka mida magaalada
Bagdaad ee dalka ciraaq, qaraxyadaas ayaa astaan u ahaa inuu bilaamay
dagaalkii in dhawaalaba laga cabsida qabay in Dalwada Maraykanka
iyo Ingiriiska ku qaadaan Dawlada Ciraaq. Qaraxyadii xalay ayaa
Dawlada Maraykanku ku sheegtay kuwo si gooniya loola beegsaday
hogaamiyaasha Ciraaq waxaana ku dhintay illaa 10 qofood. hay'adaha
sirdoonka Maraykanka ayaa soo ogaaday in Sadam xuseen kula shirayay
qaar ka mida dawladiisa meesha qaraxyadu ka dhaceen. Saaka Waaberigii
ayaa la ogaaday in Sadam Xuseen ka badbaaday isku dayga dilkaas
ka dib markuu dadka Ciraaq kala hadlay TV-ga.
Caawa waqtiga 1700 gmt-ga ayaa ciidamada Maraykanku
u gudbeen xaduudka ciraaq ka dib markii ay waqti badan duqaynayeen
meelihii ay ku tuhmayeen inay ku jiraan ciidamada ciraaq. wali
lama oga in weerarka Maraykanku guulaysan doono ilaa ciidamada
Maraykanku gaaraan magaalooyinka waaweyn ee ciraaq oo la filayo
in ay ciidamada ciraaq awoodooda isugu gayn doonaan sidii ay isaga
caabin lahaayeen waararkaan.
Dawladaha aduunka ayaan u kala harin cambaaraynta
ay dusha uga tuureen Dawlada Maraykanka iyagoo sheegay in dawlada
Maraykanku ka taaalbsatay shircigii qaramada Midoobay.
Waxyaabaha dagaalkaan ku cusub ayaa waxaa ka mida
in si ula kac ah loo dilo hogaamiye wadan taas oo awal aduunka
mabnuuc ka ahayd tan iyo inta la xasuusan yahay. arintaan ayaan
la ogayn meel ay salka dhigan doonto.
Magaalooyinka Somaliya oo dhan ayaa aad looga dareemay
dagaalka Ciraaq lagu qaaday, waxaana moodaa in arintaani tahay
hal arin oo Somalidu isku fikrad ka qabaan kana soo horjeedaan
in la weeraro Dalwada ciraaq oo ay u baqayaan dhibaatada soo gaari
karta dadka shacabka ah ee aan waxba galabsan.
Mudugonline.com
Macalimiintii Bosaaso lagu xiray oo la
soo daayay
Bosaaso, 20 March 2003 (MOL)-War naga soo gaaray
Magaalada Bosaaso goor dhaweyd ayaa sheegaya in Maanta la sii
daayay macalimiintii Maamulka Gobolka Bari shalay
xirxiray ka dib markii ardayda Skoolka Imaamu Nawaawi ay sameeyeen
Mudaharaad ay uga soo horjeedeen Baaritaan Bolisku ku wadeen Skoolka
oo ay ka soo dacwoodeen 12 arday oo horey Skoolka looga eryay.
Maamulka Skoolka ayaa ardaydaas ku eedeeyay inay
fadqalalo ka wadeen Skoolka aanana loo ogolaan karin inay fidnadooda
gaarsiiyaan ardayda kale halka ardayduna ku dacwiyeen ina arinta
looga eryay Skoolka la xiriirto siyaasad tahayna mid diin ku lug
leh, waxay ardaydu sheegeen in maamulka dugsigu isku dayeen inay
ardayda ku qasbeen inay qaataan mabaadii'da ururka Al Islaax ee
ka jira magaalada Muqdishu.
Mudugonline.com
