BANAANBAX KA DHACAY
MAANTA BOOSASO IYO MACALIMIIN XABSIGA LOO TAXAABAY
Bosaaso, 19 March 2003 (MOL)-Waxaa saakay subaxnimadii
ka dhacay magaalada boossaso mudaharaad ay soo ababuleen ardayda
dhigata dugsiga al nawaawi oo ah dugsi ay gacanta ku hayso hay'ada
islamiga ah ee Tadaamun
mudaharaadkasi ayaa ardaydu ku marayeen meelo ay
ka mid tahay xarunta gobolka bari taliska qaybta iyagoo wata dhagaxaan
ay la dhacayeen goobahaasi iyo hadalo aflagaado ah o ay ku caayayaan
masuuliyiinta maamulka.
dibad baxaasi ayaa waxaa sababay ka dib markii maamulka
iskooolku ay cayriyeen 12 arday oo ay ku sheegeen kuwa rabsho
wadayaal ah hase ahatee ay ardaydii u dacwoodeen maamulka gobolka
iyagoo sheegay in looga soo cayriyey iskuulka arimo siyaasadeed
iyo in ay ka mid noqdaan ururka Al Islaax, taasi ka dib waxaa
shalay taliska qaybta boolisku amreen in uu yimaado maamulka iskuulkaasi
xafiiskoodau waxayna ka wada hadleen arimihii tagnaa waxaana ilaa
habeen hore socday shirar looga hadlayay sidii dugsiga loogu celin
lahaa ardaydaasi. shirarkaasi oo u socday gudiga waalidiinta iyo
macalimiinta.
Waxaase arinkii saakay faraha ka baxay markii talisku
qaybtu amreen in loo yeero mar kale maamulihii iskoolka waxaana
halkaasi ka dhashay mudaharaad aad u balaaran waxaan loo yeeray
dhamaan macalimiintii oo xabsiga loo taxaabay ka dib markii la
dhegaystay arimihii meesha yaaley.
Qaar ka mid ah macalimiinta yaa ii sheegay in ay
aad uga xun yihiin dhibkaasi loo gaystay waxaana goob taasi ku
arkay masuul ka mid ah ciidamada oo lagu magacaabo Axmed Adaab
Bidaar oo isagu ku sheegay macalimiinta Al-Islaax lana baari doono.
gudoomiyahagobolka bari oo hor kacaya gudiga nabad
gelyada ayaa ku saxiixnaa qoraalka xabsiga loogu diray macalimiintaa.
Wasiir ku xigeenka waxbarashada Puntland ayaa isna
amar ku baxshay in ay iyagu u taal oo keliya tayada waxbarasho
waxii amniniyana u taal gobolka iyo booliska.
waxuu kaloo sheegay in dugsigaasii oo ah dugsi ay
maalgeliso haya'do carbeed aan loo siticmaalin manhajkooda.
C/risaaq Sheekhaduun
Mudugonline.com
