Garoowe [MOL] 24 July 2003- Waxaa maanta dhex heehaabaaya magaalda Boosaso qoraal taageero ah oo ay yaaciyeen qaar ka mid ah bulshawaynta reer Boosaso oo ku hadlaya magaca shacabka reer puntland qoraaldaasi ayaa waxaa ku qornaa amaan ay u soo jeediyeen wasiirka maaliyada C/raxmaan Faroole oo ay ku tilmaameen nin hawl kar ah.

Waxaa kaloo ku qornaa qoraaladasi ay yaaciyeen dadku inuu intii uu wasiirku xilka hayey ay jireen dagaalo gudaha ah nabadayn iyo dagaal siyaasadeed oo loogga jiro dalka keenya taasina ay keentay in dhaqaalihii noqon waayo sidii la rabay, waxaa kaloo ay amaan ugu soo jeediyeen sida ay u korortay mushaaarkii shaqaalaha iyo golayaasha dawlada iyadoo ay soo kordheen wasaarado badan oo dhaqaale iyana u baahan hadaba beekhaaminta dhaqaale ee faroole ayey ku tilmaameen mid cilmiyeeysan bedelaad xiligaan la bedolona waxay ku timaameen shiqaaqo ay wadaan dad ka soo hor jeeda horumarka dhaqaale iyo amaan ee puntland.

Lakiin qaar ka mid ah shacabka reer boosaso ayaa ka dayrinaya Faroole oo u arka inuu yahay nin keligiis wax doona kuna dadaala inuu daboolo baahiyaha dawlada rag ku dhow dhow.

Dhinaca kale marka aan jaleecno dhinacyada arimahaan bulshada rayidkaa ayaa wasiirka dadka qaarkiis ku tilmaameen nin adag oo hilaamay kaliintaasi. waxaa jira warar isa soo taraya oo sheegaya in Mudane Faroole uu meel ku kayd saday hanti badan uuna ku miyir beelay urursi dhaqaale oo uu ugu talo galay inuu dagaal siyaasadeed ku galo markii ay timaado baahideeda sida khilaafka hadda jira oo kale ah. dad kale ayaa aaminsan in dadka u ole olaynaya Faroole ay yihiin dad ka haysta balanqaadyo ama uu horeyba wax uga dhadhamiyay wasiirka Maaliyada.

Suxufiyiin badan oo aan iyana wax ka waydiiyey sida ay u arkaan bedelaada Faroole ayaa ku tilmamay nin hilmaamay dabaqadihii la rabay inuu wax ka qabto. nin suxufi ah oo kaftamaya ayaa yiri “wasiiradii hore xataa waxay saxaafada siin jireen ogaysiisyo waxqabadka wasaarada iyo soo dhowayn ay kala kulmi jeen wasiirkii hore hase ahatee faroole ma garan intaasna waa gabay”

Waxaa kaloo jira dad masaakiin ah oo ku taxluqay dhaqaalaha puntland kuwaa soo isugu jira haween odayaal aan caruur lahayn oo dhaqaale bile ah ka qaata wasaarada maaliyada tan iyo xiligii SSDF qaarkood aan la sheekystay amaan ayeey u soo jeediyeen wasiirka balse waxay yiraahdeen intii nabadyntu dhacday ma helin wax dhaqaale ah walina waan sugaynaa.

»»Warkii saaka ee isla arinta Faroole halkaan ka akhri»»

Weriye c/risaaq Sheekhaduun
Mudugonline.com