Gaalkacyo [MOL] 09 July 2003- Halka lagu magacaabo But-but oo ka rirsan deegaanka Golol ee Afbarwaaqo ayaa lagu soo waramay in uu ka socdo dagaal xoogan oo laysku adeegsanayo hubka culus iyo kuwa fudud, dagaalakan oo dhexmaraya laba beelood oo halkaasi wada degan, ayadoo labadan beelood ay maalmahanba isku qalab aruursanayeen.

Waxana aad u adag in war laga helo halka dagaalku uu ka soconayo isigaarsiin la'aan awgeed, kadib markii laga waayey khadka hawada raadiyaashii halkaas ka shaqayn jiray kuwaas oo halmar soo gudbiyey in uu dagaal kharari uu socodo, ayna qaxayaan dadkii rayidka ahaa ee halkaasi ku sugnaa, ka dibna hawadii laga waayay raadiyayaasha.

Waxaa kale oo isgaarsiinta halkaasi laga helay in dagaalkani uu saaka 9kii aroornimo ee saacada Afrikada Bari uu bilowaday ilaa haddana uu socdo, majiraan ilaa iyo hada wax xaqiijinaya khasaaraha dhabtaa ee dagaalkaasi uu sababay, marka laga reebo warar kala duwan oo ka soo yeeray beelaha diriritu dhex marayso, kuwaas oo sheegaya in dhimashadu ay marayso ilaa iyo 18 iyo 25 ruux dhaawacana uu intaasi ka badan yahay, dagaalka ayaa waxuu u dhaxeeyaa beesha Dir iyo beesha reer Nimcaale ee Habar Gidir.

Waxaa wali soconaya gurmadyo isdaba jooga ah oo beelba beesha kale ay u dalbanayso. gudoomiyaha gobalka Mudug Abdirishiid ali Xaashi oo ka hadlay saaka qalabka warbaahinta ayaa ku baaqay in beelaha dagaalamaya ay joojiyaan dagaalkan, qaataana wadahadal nabdeed si loo baajiyo dhiiga daadanaya.

Weriye C/risaaq (Sheekhaduun)
Mudugonline.com

Garoowe [MOL] 09 July 2003- Waxaa xarunta Dawlad Goboleedka Bunt-land ee Garoowe lagu qabtay Isu-soo bax lagu taageerayo go'aamadii ka soo baxay madaxda siyaasada soomaliyeed ee ku shirsan dalka kenya, waxaan qudbado kal duwan halkaasi ka soo jeediyey madax kala duwan oo ka tirsan xukuumada DGPunt-land,waxaana madaxadaasi ka mid ahaa Madaxweyne ku xigeenka DGPL Max'ed Abdi Xashi wuxuuna sheegay ahmiyada ay qodabadani leeyihiin iyo sida puntland ay ugu farxsan tahay qodobadan.

Wuxuu kale oo uu xusay Madaxweyne ku-xigeenku in aan loo baahanayn in xukuumadii siyaad bare habkeedii hore oo kale la raaco, balse loo baahan yahay in la qaato habka fadaraaliga ah, si uu san dalku burbur haduu dhaco ay qaybi u badbaado. wax kale oo uu sheegay in fikirada noocaan ah ay yihiin kuwo dadka soomaaliyeed ay ku diirsan doonaan.

Sidoo kale waxaa isna halkaasi ka hadlay Ali Abdi Awaare oo ah Wasiirka Dawladaha Hoose iyo hormarinta miyiga oo sina madaxda soomaaliyeed ugu baaqay in ay ummaddooda ay ka samatabixiyaan mushkildaha gaafmareenka ah ee ku habsaday mudada badan,waxaa kale oo banaanbaxan ka hadlay gudoomiya gobalkam Nugaal Abdulaahi Faarax Baasaweyne oo uga hanbalyeeyay madaxda siyaaada Soomlida sida ay dantooda iskugu raaceen.waxa kaloo banaanbaxaas ka qayb galay wasiirka Hawlaha Guud iyo Gaadiidka, gudiga biyo galinta iyo madax kale oo badan, waxaana dhawaan ay magaaladu helidoontaa biyo nadiif ah oo macaan.

Weriye C/risaaq (Sheekhaduun)
Mudugonline.com