degmada burtinle
oo Bandow lagu soo rogay iyo Ciidan daraawiish ah oo amaanka
sugaya iyo Cabdulahi yusuf oo saaka booqosho u aaday isla
degmada Burtinle
Gaalkacyo, 15 Jan 2003 (MOL) -Wararka saaka
naga soo gaaraya degmada burtinle ee gobolka nugal ayaa sheegaya
in ciidamada daraawiishta Puntland oo ka kala yimid magaalooyinka
Garoowe iyo Galkacyo ay illaalinayaan amaanka magaalada Burtinle,
magaaladana Bandow lagu soo rogay ka dib markii xalay fiidkii
laba nin oo ganacsato ah lagu dilay magaalada iyagoo fadhiya
baqaaradoodii ay ka ganacsan jireen. 4 nin ayaa la soo sheegay
inay dilkaas ka dambeeyeen. gacan ku-dhiiglayaasha ayaa wali
la garanayn cid ay yihiin haatana ay u carareen baadiyaha
degmada Burtinle iyadoo ay ku raad joogaan Ciidamada Daraawiishta
Puntland.
Wararka aan saaka helay ayaa sheegaya in madaxweynaha
Dawlad goboleedka Puntland Cabdulahu Yusuf oo awal ku sugnaa
magaalada Galkacyo uu saaka aaday magaalada Burtinle si uu
u dajiyo xaalada. ciidanka daraawiishta ayaa shaqadoodu noqon
doontaa inay sugaan amaanka si aan arintaas marnaba isugu
badalin aargoosi qabiil.
Dilka labadaan nin oo aan waxba galabsan ayaa
la sheegayaa in ay gaysteen dad ka soo horjeeda
heshiis dhamaystiran oo asbuucii hore laba beelood
oo ka tirsan beesha Cumar Maxamuud ku dhexmaray magaalada
Galkacyo. dilkaana ujeedadiisu ahayd burburinta heshiiskaas
iyadoo loo malaynayo ina arintu laga yaabo inay siyaasadna
ku lug leedahay iyadoo saxaafada mucaaradka ay arinta sii
qasayaan iyagoo raba in meeshaa qas iyo dhibaato aan dhamaan
ka dhalato.
Waxii arintaas ku soo kordho kala soco Mudugonline.com
Mudugonline.com
