|
Nayrobi,
[MOL] 31 August 2003- Wararka ka imaanaya madasha shirka
dib u heshiisiinta Somalida ee Mbagathi ayaa sheegaya
in ay halkaas soo gaareen ergay dhawr nin ah oo ka socota
Cabdiqaasim Salaad. Ergadaas ayaa la sheegayaa inay horudhac
u yihiin imaatinka Cabdiqaasim oo la filayo inuu soo gaaro
madasha shirka asbuucaan fooda inagu soo haya. Cabdiqaasim
ayaa madax u ah qeyb ka mida kooxdii Carta ee kala qeybsantay.
Cabdiqaasim
Kooxdiisa ayaa la sheegay inay sheegteen in loo ogolaaday
lagana aqbalay dhamaan sharuudihii ay ku xireen ka qaybgalka
iyo inay dib ugu soo noqdaan shirka dib u heshiisiinta
kaas oo Cabdiqaasim isaga huleelay ka dib markii uu waayay
tixgalintii uu ka filayay shirgudoonka shirka.
Waxaa
isna shirka wali ka maqan Muuse Suudi iyo Cusmaan Caato
oo iyaguna ka biyo diiday sida uu shirku u socdo. Kooxda
haysata Kismaayo ayaa iyaga la filayaa inay shirka tagaan
mar haddii Cabdiqaasim oo ciidan ahaan dabaanad qaada
kooxdaas uu shirka tagayo.
Mudugonline.com
Ilaalada
Cabdiqaasim oo weeraray guriga Xasan Abshir
Muqdisho,
(AllPuntland)- Wararka ka imaanaya magaalada Muqdisho
ayaa sheegaya in shalay guriga ra'iisul wasaarihii hore
ee maamulkii C/qaasin Salaad Xasan , Xasan Abshir Faarax
ay weerar ku soo qaadeen ciidamo hubaysan oo ka amar
qaata C/qaasin Salaad Xasan.
Wararka
ayaa sheegaya in ciidamadan weerarka soo qaaday ay iska
hor yimaadeen ciidamo kale oo ah ilaalada Guriga Xasan
Abshir Faarax , halkaasina wax khasaare ah kama uusan
dhicin balse waxaa khasaare yari soo gaaray guriga la
soo weeraray.
Cusmaan
Cabdulle Xasan oo ka mid ah ilaalada gurigaasi welibana
ka tirsan ciidamada DKG- kooxda Carta Ayaa saxaafadda
u sheegay inay soo weerareen ilaalada Madaxtooyada isla
markaana ay isdifaaceen.
Xasan
Abshir ayaa isagu ku sugan nairobi oo uu kaga qaybgalayo
shirka Somalida, Cabdiqaasim ayaa sheegay in xilkii uu
ka qaday Xasan, halka taasna uu Xasan ku gacan sayray.
AllPuntland
|
