Bosaaso, [MOL] 27 August 2003- Sideedii subaxnimo ee saaka ayaa ciidamada Booliska G/Bari waxay galeen guri ku yaal ka soo horjeedka Bangiga Boosaaso, oo lagu sheegay in ay taal lacag gobolka Bari lagu soo galiyay si sharci daro ah. gurigaan lacagta laga helay ayaa dabaqiisa sare u kiraysanyahay wasaarada kaluumaysiga Dawlad Goboleedka Puntland.

Ciidamada booliska Puntland ayaa waydiiyey odayaal guriga ilalaalo ka ahaa in guriga lacagi taal waxayna qireen in ay taalo lacag badan oo horey utaalay guriga waxaana buuq dheer ka dib la isla gartay in lacagtaasi lagu xareeyo Baanka dawlada. Qaar kamid ah masuuliyiinta Dawlada ayaa sheegay in lacagtaani ay tahay mid been buur ah oo la soo sameeyey si maamulka khal khal loogu geliyo. ilaa iminka ma jirto cid cadaynaysa in lacagtaasi tahay been abuur iyo in kale hase ahatee maamulku weli waa ku adkaysanayaan in lacagtaasi tahay mid sharci daro wadanka lagu keenay.

Dhawrkii maalmood ee u dambeeyay ayaa ciidanka boliiska Puntland ku daba jireen raadka lacag la sheegay in laga soo dajiyay xeebaha gobolka bari oo ay keensadeen ganacsato reer Puntland ah. Waxaa kaloo shalay xabsiga loo taxaabay qaar ka mida Sariflayaasha Bosaaso iyadoo lagu eedeeyay inay lug ku leeyihiin lacagtaas sida tuugaysiga ah Puntland ku soo gashay.

Weriye c/risaaq Sheekhaduun
Mudugonline.com

Qaahira, [MOL] 27 August 2003- Waxaa jira muran soo badanayay malinba maalinta ka dambaysa oo u dhexeeya hay'adda UNHCR xafiiska ay ku leedahay Qaahira iyo dadka soomalida ah murankaasi wuxuu ka taaganayahay iyadoo dadka soomalida ah loo diiday in la siiyo wax la yiraa dib u dejin oo loo qaado dalalka maraykanka iyo kanada iyo australia oo dadka loo qadi jiray. Maxamed saadiq oo ah weriye halkaasi ku sugan oo maanta la so xiriiray xafiiska mudugonline ee magaalada boosaaso ayaa sheegay Markii sababta la waydiiyay qolada UNHCR waxay yiraahdeen dowladaha dadka qaada soomali waa diideen inkastoo soomalida broceska qaxootinimo ee la maro si loo aqbalo ku qaadato labo sano iyo in ka badan waxa la soo maraa xilliyo kala duwan ilaa ugu dambaynta qofka la aqbalo ama la diido.

Sida caadada ahaan jirtay qofkii la aqbalo oo xafiisku aqoonsado waa la qaadi jiray laakiin diidmada waa cusub tahay markii ay soomalidu waydiiyeen xafiiska sababta dowladahaasi ku diideen ayuu xafiisku sheegay in dowladaasi soo hordhigeen sababo badan sababahaas waxa ka mid ah waxa soomaalidu u tegi wayeen dalalka deriska la ah soomaliya sida kenya, yemen itoobiya oo intaba ay xeryo qaxooti ka furanyihiin. intaas ka dib soomaalidu waxay la xiriireen hay'ad u doodda xuquuqda dadka oo xafiis ku leh meeshaaan aan joogno ee magaceeda la yiraahdo "Legal Aid" waxayna dadka kala talisaa uguna dooddaa wixii uu xaq u leeyahay wixii uusan xaq u lahaynna waa u sheegtaa.

Soomaaliduna waxay samaysteen guddi ka kooban beelaha soomalida oo dhan oo ay wada shaqaynayaan Hay'addaas oo daba gal ku samaynaysa sababta soomalida wax loogu diidanyahay isla markaana dacwadda soomaalida furaysa hadana waxaa weli socda dacwadaas ku saabsan sababta Soomalida wax loogu qaban waysan yahay iyadoo hay'adasi ku doodayso dadkani waa qaxooti waxayna xaq u leyihiiin haddii xafiisku aqoonsado in wax loo qabto laakiin xafiiska UNHCR wuxuu leeyahay annagu cidii aan u aqoonsanno inay qaxooti tahay waa qaxooti laakiin dadka ma qaadno dawladahaas ayaa iska leh amarka iyagaana dadka qaada. dacwaduna weli way socotaaaa wax kasoo baxay oo natiijo ahna ma jiraan lakiin weli gudiga soomalida ah iyo Legal aid ayaa wada dadaaaal soomaliduna way ka niyad jabsanyihiin oo waxay door bidayan inay u sii socdaalan meelo kale intii waqti kale ka sii lumi lahaaa.

Weriye c/risaaq Sheekhaduun
Mudugonline.com