| Gaalkacyo,
[MOL] 24 August 2003- Weriyayaaashii Wargeyska Yamayska
iyo bulsho ee maalintii dhalay duqa magaalada Gaalkacyo
xirxirey ayaa maanta Xabsiga gaalkacyo laga sii daayay ka
dib markii taliyaha Booliska Puntland ku tilmaamay arintaan
midaan sharciga waafaqsanayn xadgudubna ku ah xaquuqda qofka
wadaniga ah. Maalintii Shalay ayaa amar la sheegay inuu
ka soo baxay xafiiska duqa Magaalada Galkacyo Xuseen Jaamac
Yabaq lagu xiray labada weriye oo kala ah Aadan Nuur Maxamed
oo ka mida weriyayaasha Radio Galkacyo (iyo
wargeyska Yamayska) iyo Daahir Cabdulqaadir (Aflow)
oo ka mida weriyayaasha wargeyska Bulsho oo ka soo baxa
magaalada Gaalkacyo. Wareyayaashaan ayaa duqa magaaladu
ku xiray ka dib markii ay dabagal ku sameeyeen sidii uu
u dhacay xaraashkii xeraddii Daraawiishta Galkacyo oo Duqa
Magaalada lagu eedeeyay in rag uu ku jiraa ay wax isdaba
mariyeen.
Waxaa
xariga wareyayaasha sidoo kale ku tilmaamay mid aan sharciga
waafaqsanayn Wasiir ku xigeenka Warfaafinta C/shakur Mire
ahna siihayaha wasaarada warfaafinta. C/shakuur ayaa sheegay
in aan wasaarada Warfaafinta waxba ka ogayn xiritaanka
weriyayaashaas falkaasna ka soo horjeedo qaanuunka u dhigan
Puntland iyo xoriyada warbaahinta.
Duqa
Magaalada Gaalkacyo ayaa in mudo ah waxaa lagu soo eedaynayay
musuqmaasuq iyo waxqabad la'aan iyo eex iyadoo dadweynaha
magaaladu ku eedeeyaan in duqa magaalada laftigiisu ka
baayacmushtaro dhulka la kala gato taasna ay keentay qasaarooyin
badan ka dib markii dad badan isku qabsadeen dhul qof
walba wato caddaymo sheegaya inuu yahay mulkiilaha saxdaa
ee dhulkaas xafiiska duqa magaaladuna ay dadkaas si cadaalad
ah ukala saari waayeen.
Halkaan
ka aqri warbixin la xiriirta sida loo xiray weriyayaashaas
shalay.
Weriye
c/risaaq Sheekhaduun
Mudugonline.com
Gudigii
Hub ka Dhigista oo mar labaad ku soo laabtay Degganka
Puntland
Bosaaso,
[MOL] 24 August 2003- Gudiga hub ka dhigista Somaliya
ayaa waxay soo gaareen magaalada Bosaaso, waxayna isla
xalay la kulmeen mas’uuliyiinta Gobolka bari oo ay ka
qaateen tira koobka ciidamada ka hawl gala Gobolka bari.
Gudigu sidoo kale waxay u gudbi dooonaan gobolada kale
ee Puntland oo ay iyagana ka qaadi doonaan tirada ciidamada
ka hawl gala. Gudiga ayaa sheegay inay iyagu ma’suul ka
noqonayaan ciidamada Somaliya inta ay jirto Dawladda ku
meel gaar ah ee haatan la damacsanayahay inay ka soo baxdo
shirka Nairobi.
Gudigaan
ayaa bil ka hor kormeer ku soo kala bixiyay gobolada Somaliya
oo dhan iyagoo indha-indhaynayay meelaha ay dajin doonaan
ciidamada nabad illaalinta ee Dawladaha Afrika u soo diri
doonaan Somaliya markii lagu dhawaaqo Dawlad Soomliyeed
oo ku meelgaara. Gudiga ayaa horey u doortay In magaalada
Gaalkacyo ay noqon doonto xurunta ciidamada nabad illaalinta
waxaase taas ka biyo diiday qaar ka mida beelaha USC oo
ku tilmaamay inaysan Gaalkacyo u qalmin marti galinta
ciidamada nabad illaalinta haddii sidaas dhacdana ay qaadici
doonaan. Gudiga Nabad illaalinta ayaa iyagu taas kaga
jawaabay inay Gaalkacyo u doorteen meesha ay ku taal oo
ah bar istaraaji ah kala barta wadanka iyo xasiloonida
ka jirta.
Weriye
c/risaaq Sheekhaduun
Mudugonline.com
Shir
Buug Cilmi Baaris oo Garoowe lagu soo gabagabeeyay
Garoowe,
[MOL] 24 August 2003- weriyaha mudgonline c/risaaq shiikhaduun
ayaa safar ku adaay magalada
caasimada u ah ee puntland ee Garoowe isagoo halkaasi
kaga qayb galay shir looga doodayo
buug cilmi baaris ah oo ay diyaarisay haya'ada Dakonia
laguna qabtay xarunta cilmi baarista puntland. Buugaan
cilmi baarista oo ku saabsan xeer Soomaaliga, diinta Islaamka,
Deegaanka iyo habka Magta loo kala qaato ayaa looga dooday
magaala madaxda Garoowe. waxaa shirkaas ka soo qayb galay
indheergarad badan oo ka kala socda magaalooyinka waaweyn
ee Puntland.
Ugu dambeyntii ayaa dadkii ka qayb galay dooda Buugaas
waxay isku raaceen soona jeediyeen in dib buugaas loogu
noqdo lana iswaafaqsiiyo Diinta Islaamka iyo dhaqanka
Somalida si uu u noqdo mid wax tara ah.
Weriye
c/risaaq Sheekhaduun
Mudugonline.com
|
