G/A/S Guuleed M. Cali

Khartoum , [MOL] 19 August 2003-Ardayda Soomaaliyeed ee ku sugan dalka Sudan waxaa ay todobaadkan ku mashquul sanaayeen ololaha doorashada madaxa ardayda soomaaliyeed ee dalka suudaan. ururka ardayda soomaaliyeed ee Sudan waxaa la aas-aasay sanadii 1972, waxaana la sheegaa in uu ka mid ahaa aasaa-sayaashii ururka C/raxmaan Axmed Cali (Tuur) oo ah siyaasi wayn oo dalka Soomaaliya oo dhan laga yaqaan waxaana uu ahaa madaxweynihii ugu horeeyey ee maamulka isku magcaaba Jamhuuriyada Soomaaliland

Doorashada madaxda ururka ardayda oo sanadkiiba mar laqabto waxaa ladoortaa oo loo tartamaa 22 xubnood oo uu ka mid yahay Gudoomiyaha ardayda, ku xigeenkiis iyo walib labada gole ee kala ah golaha fulinta iyo golaha talabixinta(shuurada) xubnahaani dhamaantood waxaa ladoortaa hal maalin, waxaana lagu doortaa goob kaliya.

qaar ka mida wafuud ka timid jaamacad EAU

Adayda oo dhagaysanaysa sida doorashadu u socoto

Ardayda oo isku diyaarinaysa codbixinta

gudiga doorashada oo diyaarinaya warqadaha codbixinta

Doorashadani sanadkaan waxaa ay ahayd mid aad u xamaasad yar marka loo fiiriyo kuwii ka horeeyay dad badan oo goob joog usoo ahaa doorashooyin badan ayaa waxaa ay ku macneeyeen ama ka baxsheen jawaabo kala duwan sikastaba ha ahaatee doorashada sanadkani waxay kaga duwanayd doorashooyinkii hore arimo dhowr ah oo ay ka mid ahaayeen gabdhaha ardayda ah oo iyagu ku codaynayey meel gooni ah halka waayadii hore ay goob kaliya ku wada codayn jireen ardaydoo dhan.

sidoo kale waxaa aad ubadatay sanadkan tirada ardayda codkooda dhiibanayey waxaana ay gaareen sanadkan ilaa 925 qof oo isugu jira wiilal iyo gabdho halka ay sanadkii hore ka ahaayeen 645 qof sida uu ii sheegay C/laahi cali cabdi (xanaf) oo isagu ka mid ahaa murashaxiinta.

Codbixintu waxaa ay dhacday 15/8/2003 oo ahayda subax jimce ah, taasoo suura galisay dhamaan ardaydu inay codkooda dhiibtaan intii aan laguda galin cod bixinta. Waxaa isla goobtaas ka soo jeediyey khudbad dheer oo ubadnayd warbixin ay kaga warbixinayeen wax qabad koodii intii ay xilka hayeen qaar kamid ahaa madaxdii maamulkii xiligoodii uu dhamaaday waxaana ay xilkoodii ku wareejiyeen Gudiga doorshada, kadibna waxaa la wareegay agaasinka iyo maamulka goobta codbixinta Gudiga doorashada waxaan ay murashaxiinta ugu yeereen in ay soo is taagaan codbixiyayasha hortooda, ayadoo Murashaxiinta urashaxnayd jagooyinkaas kala duwani ay gaarayeen 42 musharax.

Ardayda ka soo jeeday Gobolada P/L oo tira ahaan aan ka badnayn 105 ayaa waxay ku lahaayeen murashaxiintaas 7 xunbood oo ay u xusheen in ay loolankaas uga qayb galaan mudo yar kadibna waxaa la guda galay bixinta codadka, inkastoo ay socotay tirada codadka mudo sadex cisho ah, waxaa si aad ah loo hadal hayey mudadaasi cida sanadkan ku guulaysan doonta maxtinimada ururka ardada ka hor inta aan lagu dhawaaqin natiijada kama danbaysta ah.

waxaana ku soo baxay Madaxnimada Ururka Mudane: Guuleed Max'ed Cali isagoo helay codad gaaraya 351 cod, waxaa kaloo isna noqday ninka labaad xaga codadka C/salaan C/laahi Jaamac labadooduna waxaa ay ka mid ahaayeen 7 xubnood ee ka soo jeeday Gobolada P/L, iyagoo noqday kuwii ugu horeeye ee jagadaas oo kale ka qabta ururka ardayda oo kayimaad M/G/P/L.Dad badan ayaa waxay iswaydiinayaan sida guusha intaa le,eg ay ku gaareen ardayda reer P/L oo tiro ahaan aad u yar, waxaase su,aashaas jawaab ka bixiyey Mr:Faarax Cali Xirsi oo isagu ah ninka uqaabilsan arimaha dibada ururka ardayda p/l ee Sudan, wuxuuna yiri waxaa guushaan lagu gaaray isku duubni iyo xiriirro aan lasamaynay qaar kamida ah ardayda soomaaliyeed wuxuu intaa ku daray in arinkaani uu tusaale u yahay siyaasad wanaaga ardayda P/L iyo kalsoonida ardayda soomaliyeed ay ku qabaan walaalahooda reer P/L.

Hadaba marka laga soo tago guushaas wayn ee ay gaareen reer P/L waxaa utaala maamulka cusub ee uu madax ka yahay Mr; Guuleed Maxmed Cali hawlo aad ufaro badan waxaana looga baahan yahay in ay muujiyaan dadaal dheeraad ah oo usuuro galin kara ama ay ku kasban karaan in markale ladoorto.

Mohamed Hassan Yosuf, Khartoum, Suudaan.
Mudugonline.com