Bosaaso, [MOL] 18 August 2003- waxaa xalay abaarihii 10-kii fiidnimo la soo dhigay ka soo hor jeedka Gufure spare parts ilmo xalay dhashay oo banaanka la soo dhigay loogana tagay ayaa dadka qaar arkeen waxaana hilibkiisi lagu arkay laamiga korkiisa. Ilmahaasi oo lagu soo tuuray lana geliyey god ka mid ah meelaha laamiga ka bur buray isagoo bac lagu qafilay ayaa waxaa isla saacdihiiba jiiray Baabauurtii wadada mareeysay oo aan la socan waxa yaalay wadada. ilaa xalay kowdi habeenimo ayaa baabuurtu kor marayeen hilibka ilmahaasi yarkaa waxuuna laamiga ku noqday sidii hilib shiidan oo kale waxaana hilibksii lagaga guray laamiga gacmaha iyo waxii qalab kale ah oo la heli karay. Xalay waaberkii ayaa masaajida lagaga qayliyey falkaa naxdinta lahaa si dadka loo ogaysiiyo.

Ilaa asbuucaan ayaa waxaa magaalada Bosaaso indhahaygu qabteen in ka badan toban caruur ah oo derbiyada la soo dhigay ama lagu soo xooray hoyooyin qaarkood ilmayaashaasi qaateey ayaa u sheegay Mudugonline in ay ku faraxsanyihin helitaanka caruur aan cidna sheeganayn oo ay iyagu xanaanaystaan.

Weriye c/risaaq Sheekhaduun
Mudugonline.com

Bosaaso, [MOL] 18 August 2003- Waxaa saaka subaxnimadii ka furmay hoolka shirarka Huteel Gacayte siminaar loogu talagalay qaar ka mida ah ciidamada booliska Puntland. Ciidamadaas oo awal ka mid ahaa ciidankii Mucaaradka Puntland ayaa qeybtaan waxaa lagu daray ciidanka Boolisska Puntland. Waxaa siminaarkaasi socon doonaa mudo dhan 15 cisho iyadoo lagu bari doono ciidankaasi dabagalka danbiyada, baarista dacwadaha, anshaxa ciidanka iyo macluumad kale oo la xiriira shaqooyinka booliiska.

Intii aan la furin xaflada siminaarka ayaa waxaa ciidanka si gaar ah oo waano ah ula hadlay Cabdulaahi Siciid Samatar oo Puntland horay u ahaa sadexdii sano ee hore taliyaha ciidanka boliiska puntland. Intaasi ka dib waxaa la guda galay xafladii furitaanka siminaarka oo ay ka soo qayb galeen masuuliyiinta gobolka oo ay ka mid ahaayeen xaaji bakiin gudoomiyaha gobolka, taliyaha qaybta, taliyaha ciidanka booliiska puntland, xilhayaha dawlada iyo masuuliyiin badan oo halkaasi ka jeediyey khudbado la xirira ciidanka shaqadiisa iyo waano isugu jira.

Kooxaha fanaaniinta gobolka ayaa iyana halkaasi ka qaaday heeso khuseeya boliiska oo beer qaaday dadkii ka soo qayb galay xafladaasi. Abwaan Xasan Guulwade oo isna ah abwaan soomaaliyeed ayaa halkaasi ka jeediyay gabayo iyo heeso uu kula dardaarmayay madaxdii iyo ciidankii goobtaas joogay.

Weriye c/risaaq Sheekhaduun
Mudugonline.com

Bosaaso, [MOL] 18 August 2003- Waxaa beryahan danbe ku soo badanaaya magaalada Boosaaso dadka ka soo dalxiis tagay ama xagaa baxa u soo aaday degaanka puntland. Garoomada iyo Huteelada Boosaso ayaa ku mashquulay soo dhawynta iyo dajinta dadkaasi ka imaanaya qurabaha gaar ahaan dalalka Yurub.

Idil Siciid waa gabar in mudo ah ku noolayd dalka Sweden waxayna ku soo gaartay Bosaaso reerkoodi oo degan oo ay mudo la joogtay, xalay ayaan waxaa Idil ku booqday goob loogu dhigay xaflad amaba bixin ah oo lagu sagootinaayay bixitaankeeda ay dib ugu laabanayso wadanka sweden waxaana xafladaasi ka qayb galay masuuliyiin ka socota maamulka puntland oo lagu cusamay iyo dadweyne aad u tiro badan iyo fananiin. idil oo aan kala sheekaystay xaalada Yurub ayaa ii sheegtay in dalkaaga Hooyo aanay jirin wax la siistaa waxay yurub ku tilmaantay nolol yar.

Qaar kale oo ka mid ah dadka qurabaha ka yimid oo aan wax ka waydiiyey bal siday u arkaan dalka ayaa aad u soo dhoweeyay dalkooda hooyo imaatinkiisa iyagoo sheegay in aan wax la siista jirin waxa aad dareemaysid markaad wadankaada timaadid.

Weriye c/risaaq Sheekhaduun
Mudugonline.com

Shir laba maalmood aan loo kala kicin ayaa keenay in Barre Hiiraale, guddomiyaha is-bahaysigu uu diiday inuu saxiixo xubnaha cusub ee lagu wareejiyey dekadda iyo Airport.

Hiraale wuxuu sheegay in ay xiisad dhalin karto magacaabidda xubnaha oo 95% ka soo wada jeeda beesha USC.

Waxaa bishii July magacaabid tani la mid ah oo uu Seeraar ku magacaabay xubno beeshiisa ah oo badalayay kuwii horay u joogay ee beesha Barre, ka dhashay is rasaasayn dhex marta beelaha Mareexaan iyo Cayr, inkastoo markaas ka dib laga noqday magacaabistaas hore.

Sida ay xaqiijiyeen dad ku dhowdhow Barre Hiiraale, go'aankaan cusub ee Seeraar soosaaray wuu uga darnaa Barre dib ugu noqoshada shirka Somalida uga socda Nairobi.

Isla wararkaasi waxay xaqiijiyeen in sida uu ahaa magacabidda maamulka cusub ee dekadda ee uu qoray Seeraar ay ahayd sidaan:

• Maamulaha dekadda-USC-Duduble.
• Xisaabiyaha dekadda-USC Samaale
• Madaxa ilaalada dekadda, USC-Cayr
• Kormeeraha dekadda, SNF.

Sida ay wararka Kismaayo sheegayaan, ragga cusub ee Seerar magacaabay waxay bilaabeen hawlihii uu u magacaabay intii uusan Barre saxiixin warqadii oo uu muddo diidanaa, hase ahaatee markii dambe ay khasab ku noqotay inuu saxiixo ka dib markii lagu qanciyey in beeshiisu qayb kaliya ka tahay beelaha xukuma magaalada Kismaayo, sidaa darteed ay waajib tahay in la qaybsado ilaha dhaqaaluhu ka soo xaroodo.

Garabka SNF ee is-bahaysigaas ku jira wuxuu noqday mid lagaga cod bato had iyo jeer shirarka ay yeeshaan beelaha is-bahaysiga ku wada jira, oo ay uga badan yihiin beelaha USC-da.

AllPuntland

Hogaamiye kooxeedka Max’ed Cumar Xabeeb (M/Dheere) oo ka mid ah xubnaha Golaha SRRC ee ka qeyb qaadanaya shirka Mbagati aya ashegay in Marxalada Shirka dib u heshiisiinta uu marayo meel fiican haddii shirku miro dhal noqon waayana ay shir dib u heshiisiin golaha SRRC ka qaban qaabin doonaan gudaha Soomaaliya.

Wuxuu sheegay Max’ed Dheere in SRRC aysan marnaba ogoleyn in Shirka lahakiyo maadaama uu soo Jiitamayey muddo ku dhow 1 sano, Waxaa uusheegay Maxame Dheere “C/Qaasim Dhul Uu Xukumo Ma Jirto, Barre Hiiraalana Deegaankiisu Waa Gado Iyo Galgaduud waxeyna aheyd inuu nabadeynta ka soo bilaabo Golahaasi ee ma ahayn in shir uuka abaabulo Magaalada Kismaayo” ayuu yiri Max’ed Dheere oo sheegay in wax natiijo ah aysan ka soo baxeyn shir lagu fura Kismaayo xilligan oo loo fadhiyo shir dib u heshiisiin Soomaaliyeed.

Mr. Maxamed Cumar Xabeeb (Maxamed dheere) wuxuu gaashaanka ku dhuftay iney SRRC ay soo qaban qaabisay Banaanbax lagu doonayay in lagu gubo calanka Masar, Talyaaniga iyo Jabuuti.

Allsomali