Ottawa, [MOL] 15 Aug- Shalay galab markay saacadu ahayd 4:30 waqtiga bariga waqooyiga ameerika ayaa waxaa ka go'ay korontadii gobolo badan oo ku yaal Bariga qaaradan Waqooyiga America ka dib markii ay qalabkii soo saari jiray Korontada qaadi waayay baahida Korontada ee jirtay. Magaaloyinka Toronto, Ottawa, New York, boston, iyo magaalooyin kale oo badan ayaa Koronto la'aan ah. Korontada oo ay ku shaqeeyaan qalabka casriga ah ee dadka noloshoodu ku xiran tahay sida qaboojiyaasha, qalabka cuntada lagu karsado ayaa waqti yar gudahooda waxaa lagu dareemay ciriiri dhinac walba ah. Mudugonline waxuu ka mid yahay website-yo aan badnayn lagana maamulo Waqooyiga Ameerika oo aysan arintaasi saamayn ku yeelan annagoo ka sii taxadarnay arimahaas walise aanan ogayn inay na saamayn doonto haddii aan xal deg deg ah loo helin celida Korontada ee hadda jirta.

Waxaan aqristayaasha u balan qaadaynaa intii tabarteena inaan sii wadi doono macluumaadkii iyo wararkii ay nooga barteen inta ay laga xalinayo ciladaan.

Mudugonline.com

Qardho, [MOL] 15 Aug- Waxaa saaka subaxnimadii ka dhacday xerada Xorgoble oo fariisan u ahayd ciidanka daraawshita puntland xaflad la issu daray ciidanka jabhadii GBB iyo kuwii daraawshiita Puntland si ay u wada noqdaan Darawiishta Puntland. Xafladaasi waxaa soo qabanqaabshey Taliyaha ciidanka daraawiishta puntland Col C/lahi Cali Mire Carays waxaana goob joog ka ahaa isimo uu ka mid yahay Boqor Maxamuud Boqar Muuse iyo qaar kale, dhanka dawlada waxaa ka socday wasiirka ganacsiga ahna siihayaha xilka dawlda faarax Dooxa Joog iyo wasiirka qorshaynta iyo tiro koobka Maxmuud warsame shido.

Xafldaasi oo ahyd mid si heer sare ah loo agaasimay waxaa hadalo qiimo badan ka jeediyey taliyaha ciidanka iyo boqorka oo duco qiime leh u jeediyey dhamaan askarta iyo in eebe quluubtooda isu hagaajiyo kooxaha ciidamada darwaashita Horseed ayaa tumaayey heeso qiiro leh iyadoo kooxda Banbayga loo yaqaan ay la gaafwareegayeen ciyaaro kal duwan oo ay ka mid ahaayeen gaada ka ciyaar, Walso shinbar, gabalay Saylici. iyo qaar kale yaa goobtaasi lagu soo bandhigay dhamaan dadwyne ha reer qardhood iyo marti sharaf badan ayaa ka soo qayb galay oo dhamaantood qushuucsanaa. abaanduulka ciidanka Siciid dheere ayaa amar ku bixiyey in aan askari qori la mari karaa jirin kii lagu helona la xiri doono. mid ka mid ah nabadoonada qardho oo lagu magacaabo Maxamed Aadan ayaa ku wargeliyey reer Qardhoodka in ay dhamaatay magacii hirdifaag iyo maryo calasta oo ahayd hadal ay dadku ku caayaan askarta waxaana dhamaan dadka ka muuqday farxad aad u balaaran iyo in ay dhaamatay khilaafkii puntland.

Sawir Qaade: Weriyaha Mudugonline Sheekhaduun

Magaalada Qardho maanta askartu waa is dhexgashay waana isla haasawayeen si gooni gooni ah iyagoo ay ka muuqatay muusood iyo faraxsanaan waxaana la wada fadhiyaa galabta baararka magaalada iyadoo aaney jirin cid qori sidata oo is waardiyeynaysaa, qaarkood waxay ii sheegeen in ay diyaar u yihiin in ay ka qayb qataan wax alaale waxii nabad ah oo ku saabsan dhulkooda hooyo puntland waxii horayna ay ka noqdeen xalay dhalay Ciyaalka iyo dumarka reer Qardhood ayaa maanta ka duwana jewigoodi bilihii la soo dhaafay waayo waxay qaybinayeen cabitaan iyo biyo qabow oo ay siinayeen ciidamada oo gaardis ku maraayey dhamaan dacalada magaalada iyagoo salaan sharaf ka qaadanaya taliyahooda Carays waxayna lahaayeen "HOOB... Jac.... HOOB.... jac.... Salaan Bidix ....Saalan Midig..." Taliyayaal ku lebisan dharkii tuutaha iyo calankii soomaaliyeed oo ay ka lushaan garaado aad u bilicsan ayaa hor socday ciidanka taliyaasha labada ciidan qaarkood ayaa isku lebis xirnaa waxayna ii sheegeen in maanta laga bilaabo ay isku fayl yihiin iskuna ciidan yihiin.

Magaalda Qardho oo aanan aniga laf haantaydu tegin intii colaada puntland ka aloosantay ayaa waxan kala kulmay soo dhowayn aad u tiro badan dadka qaar markay arkaan kaamirooyinka iyo rikoorada aan wato way igu soo cararayeen si ay ii siiyaan war ku saabsan sida ay u arkaan nabada iyo sida ay uga go'antahay inay ku dhaqmaan. qaarkood waxay I waydiinayeen wakaaldaha aan ka socdo runtii markaan waxaan ka socday laba idacaood oo ah Hornafrik iyo Sagal iyo webka sida wayn looga daalacdo Soomaaliya waa Mudugonline oo ahaa midka aan
safarka u galay ama suurta geliyey in aan booqdo Qardho oo ay xafladu ka socotay dadweyanaha reer qardhood waxay aan ku ilaawi doonin sida markii ay maqleen wakaaladaha aan ka socdo ay iila shaqeeyeen. Magaalada qardho xiligaan waxaa ka jira qabow aad ugu bogayso in aad sii joogto waayo magaalada Boosaaso oo xagaa ah ayaa waxa ka jira milic iyo kulyl aad u tiro badan oo naftaada dhibaaya, waxa magaaladaasi iminka ku sugan dad badan oo u hawo doontay, maqaayadaha iyo dukumaada ayaa camiran waxad xasuusanaysaa mararka qaar magaalooyinka loo dalxiiska tago qaarkood.

Weriyayaasha goobtaasi maanta joogay ee xafladaasi nagala qayb qaatay waxaa ka mid ahaa Saadiq cabdi Guunbe oo ka socday Radio gaalkacyo Faarax KK oo ah weriye madaxbanaan iyo Cabdinasir Mire Adaan oo ka socday Idaacada Midnimo.

Cudurdaar:Waxaa cilad Internetka ka jirta awgeed soo bixiwaayay sawiradii oo dhan.

Weriye c/risaaq Sheekhaduun
Mudugonline.com