Ku soo dhawaada waxaan iri:-

1. Soomaaliya markii lasyku dagay qaranna daandaamay,
2. Sidii laysu dilay bay dadkii kala dillaameene,
3. Doqoniyo dullaal baa ka dhigay beelo doorsamaye.

4. Goortii uu dabayshaday Siyaad hororki daafeeyey!
5. Caydiidkii danniyey oo qabiil ugu dinnaahyeeyey!
6. Dakanuu u doobinahayey ubase daaduunye;

7. Iska daa inuu dawladnimo u dabbaaldego e,
8. Muqdisha oo dallaalimo ahayd olol ma duulduulay!
9. USC sidii doolli bay ugu dareereene!

10. Ninkii diirka kaa neceb la waa inuu ku doojaaye,
11. Afweynaba ka sii daran kuwii daarihii galaye!
12. Alla Danabkii Ruushkii muxuuu wada dambaabsiiyey!

13. Markay dogobyo qaateen dayay wada ahaayeene,
14. Waatay dalkoodii gubeen oo dundumiyeene!
15. Waatay dafirayeene xaqii daahirka ahaaye!

16. Waatay damqaayeen duqow ama dilaayeene,
17. Waatay duraayeene habraha la iska daayaaye!
18. Waatay dagaagii cuntada kala dafaayeene!

19. Waatay ducufyadoodii guryaha dagan galaayeene,
20. Waatay damiir li'i darteed deriski boobeene!
21. Waatay dadkaan Irir ahayn dibad u saareene.

22. Daaroodka mooye e Dirkii deyr isaga meeri;
23. Waatuu Isaaq kaga dawaday duhur dharaareede,
24. Haddii la is-daryeelaba illayn la isma diideene.

25. Waatii Ibliis duufsadoo u durbaan tumaye!
26. Mooryaanta doorsani Islaam uma duggaalaane,
27. Biliiliqo siday ugu dageen qaran ma duugoobay!?

28. Maansada ma deelqaafiyee daacad ma u sheegay,
29. Dood kalena waa eray yaroon idin dareensiine.

30. Niman baa datoor sheegtayoo daalib ku ahayne,
31. Waa wixii dadkii uga daroon doocna garanayne,
32. Waatay dabkii ugu shideen doollarka Carbeede!

33. Nimankii caruur dooxdayoo dumarna aaneeyey!
34. Oo wada dadqalatoobayoo digirta soo fuulay!
35. Waa niman daliilkii Alliyo diinta caasiyaye!

36. Waa niman dagaal doortayoo layska daafaco e,
37. Waa niman haddaan dayey sidii dabato duur jooge!
38. Waa niman damaacigu dardaray dalandalkoodiiye!

39. Waa nimanka diihaalku baday falaan la doonayne!
40. FEDERAALBA waa diidayeene duqushadoodiiye!
41. Waakaa DASTUUR ma leh raggii wada dubbaysnaaye!

42. Waa duni ninkii dayn qabaa duudsinahayaaye!
43. Dubaabkii Siyaadkii korsaday oo ku dano seegay,
44. Maandeeq sidee ugu dacwiyin waa durqamayeene?!

Dhammaan.
W/T Aden Dirie 09/08/03