Bosaaso, [MOL] 08 August 2003- waxaa todbaadyadaan isku hirdiyaayay hawada magaalada Boosaaso idaacadaha SBC iyo Radio midnimo oo ah laba idaacdood oo FM ah kuwasoo laga dhegaysto magaalada Boosaaso.

Dagaalka dhexmary idacadaha ayaa ah mid ka bilowday mawjadaha ay ka hadlaan hirarkooda.

Labadii asbuuc ee la soo dhaafay waxaa dhegystayaashu dareemeen in dagaalka hawadu uu gaaray meel xun oo dhegysigoodi khal khal galiyay, waxaa habeenkii gelinka danbe maqlaysaa iyagoo si jitaabo ah hawada ugu jira Idaacada SBC oo iyadu faafisa BBC ayaa mar mar waxaa soo dhex gala Radio midnimo, halka Radio midnimo meeshay ka hadli jirtayna ay SBC soo dhexgasho. labada idaacadood dhegaysigooda ayaan si fiican beryahaan shacabku ugu bogin dhegaysigooda madaama ay ku jiraan loolan dhanka hawada ah halka ugu xun u dagaalku ka socdo ayaa ah mawjada 99.9 oo ah barta ay ka hulcayaan madaafiicda microwave-ka loo yaqaan ay isu adeegsnayaan.

Mulkiilyaasha labadasi idaacadood oo ah kuwa iyagu ku jira golaha xakuumada maamulka puntland ayaa ku guul daraystay damintii khilaafkaasi.

Dadwaynaha ayaa walaac ka muujiyey xal u helida helitaan la'aanta wararkii ay uga barteen idaacadaha.

Wasaarda warfaafinta Puntland ayaan iyana wax ka qaban hawsha idaacdahaasi.

Gudi uu ka mid yahay weriyaha Mudugonline Al xaaji Shiikhaduun iyo Tafaftiraha wargeyska Kaaha Bari Khaliif Maxamed Bare ayaa mar hore sanadkii la soo dhaafay mar heshiis ka dhex abuuray masuuliyiinta idaacadaha balse xiligaan uma bixin in ay wax ka qabtaan, arintu siday doonto ha ahaatee dagaalka hawada ayaa ah mid ku cusub degaanadan Puntland iyadoo idaacadaha xamar ay si joogto ah bil bil hawada ugu dhex maro dagaal culus oo aan waxba la iskula harin.

Dhegayste Barkhad shire yuusuf oo ah nin si wayn ula socda dhagaysigooda ayaa walaac lixaad leh ka muujiyey sida hagar daamada ah ee ay idaacadahu isugu haystaan wax aan micno lahayan oo fudud.

waxuuna ugu baaqay mulkiilayaasha in ay joojiyaan dirirta hawada ayna kala degaan mawjado gaar u ah oo aan xad gudib lahayn.

Weriye c/risaaq Sheekhaduun
Mudugonline.com

Bosaaso, [MOL] 08 August 2003- Waftigii nabada ee uu horkacaayey Abwaan Hadraawi ayaa maantay soo gaaray magaalada Qardho oo ka tirsan gobolka Bari oo si wayn looga soo dhoweeyey.

Dadwayne raxan raxan ah ayaa tunaa hareeraha dariiqyada magaaladaasi waxaana la filayaa inuu galabta halkaasi kula hadlo meel fagaare ah dadka reer Qardhood oo ah dad xadaariyin ah.

Magaalada boosaasona waxaa dar dar la geliyey soo dhaweyntii loogu jiray waftigaasi

Gudoomiyaha gobolka ayaa maanta wareegto uu soo saaray waxuu u magacaabay inuu gudiga soo dhowaynta madax u noqdo Khalar Bun Cun oo ah gudomiye ku xigeenka gobolka, kooxda fanaaniinta loo yaqaan walaalaha ayaa iyaguna laga dareemaayey isu diyaarinta waftigaasi iyagoo xirnaa dhar isku jaad ah oo bilicsan, waxay hoolka loogu tala galay inay ku maaweliyaan dadka kooxdaasi dadka u yimaada u tumayeen musig aad u macaan.

Gudoomiyaha kooxdaasi Mr Layli ayaa Mudugonline u sheegay in ay ku jiraan hawsha soo dhowaynta Ibrahin Cajaaib oo isna ah Abaan soomaaliyeed oo kooxdaasi ka mid ah ayaa isna mudugonline u sheegay in hadraawi iyo isagu ay ahaayen abwaanadii somaaliyeed ilaa xiligii bur burkana aaney is arag argoodana uu ku faraxsanyahay.

Weriye c/risaaq Sheekhaduun
Mudugonline.com

Dhinaca kale waxaa shalay si buuxda loo ansixiyay qodabadii laga doodayay ee dastuurka dawlada federalka Somaliya oo ay ugu dood dheeraayeen qodobka ka hadlayay in sidooda loo aqoonsado maalul goboleedyada hadda ka jira Somaliya kuwa aan maamulka lahayna la soo gaarsiiyo kuwa maamulka leh, qodobadaan oo doodoodu dheeratay ayaa ugu dambayntii sidoodii la isugu raacay.

Maanta ayaa la filayaa in lasii amba qaado dooda iyo ansixinta qodobada dastuurka ee wali harsan.

AllPuntland