Todobaadka naasnuujinta oo maanta la soo gabagobeeyay

Drs. Jamilo Said

Sawir qaade: C/risaaq SH.Aduun

Hoolka Shirka

Bosaaso, [MOL] 07 Aug- Waxaa maanta hoolka shirarka Dawlada hoose ee magaalada Bosaaso lagu soo gabagobeeyay xuska toddobaadka Naasnuujinta oo sannad walba 1-7 Augus lagu qabto Puntland qabanqaabadeedana ay lahayd hay'ad NGO Swedish ah oo ay madax ka tahay Drs. Jamiilo Saciid waxaana ka soo qeybgalay aqoon isweydaarsigaan masuuliyiin kakala socda laamaha kala duwan ee Dawlad goboleedka Puntland oo ay ka mid ahaayeen gudoomiyaha gobolka Bari Xaaji Bakiin, Taliyaha ciidanka poliiska gobolka bari, agaasimaha caafimaadka iyo xilhayaha dowladda ahna wasiirka ganacsiga ee puntland Faarax dooxo-joog. waxaa kaloo ka soo qeyb galay munaasibadaas masuuliyiin ka socday hay'ada Unicef. Dhamaan masuuliyiintaasi waxay sheegeen muhiimada ay naasnuujintu u leedahay kobaca ilmaha yar iyo waliba hooyada oo ka hesha caafimaad.

Hay'adan NGO-ga ah ee laga leeyahay wadanka Sweden kana hawl gasha deegaanada Puntland ayaa Puntland ka fulisay hawlo iyo mashaariic wax ku ool ah oo ay ugu waaweynaayeen dhisida ceelasha biyaha, qalabeynta Cusbitaalada iyo waliba tababarka haweenka iyo dadka danyarta si ay u helaan xirfado ay ku shaqaystaan kulana soo baxaan nolol maamoodkooda.

Shirkaan oo socday illaa 1-dii bishaan agusto laguna xusay intii aqoon isweydaarsigu socday maalintii la aasaasay Dawlada goboleedka Puntland ayaa sannad walba bisha agust 1-7 lagu qabtaa Puntland iyadoo laga faa'iideysto hadba waxii ku soo kordhay maadada caafimadka ee daryeelka hooyada iyo dhalaanka.

»» Wararkii hore ee todobaadka naasnuujinta»»

Weriye c/risaaq Sheekhaduun
Mudugonline.com

---

Bosaaso, [Radio Midnimo] 07 Aug- Hoolka shirka ee dowlda hoose ayaa manta lagu soo gabagabeeyay xuska Todobaadka naasnujinta oo sanad kasta la xuso 1-7 August aduunka oo dhana laga xuso, Aqoon iswaydaarsiga lagu qabtay hoolka shirarka waxaa ugu horayn ka hadalay C/raxaxman yusuf muuse oo ah dhakhtar ka tirasan hayda UNICEF.

C/raxman waxaa uu ka hadlay faa’iidad naasnuujintu ay u leedahay Ilmaha iyo hooayda nuujisada ah, waxaa la ogaaday ayuu yiri Dr. C/raxman in lixda bilood ee ugu horaysa nolosha ilmaha ay caanaha naaska ay ku filanyihiin isagoo u baahnayn cunugu in loogu daro biyaha macaan iyo cuntooyinka kale ee caruurta lagu nafaqeeya .waxaa kaloo la ogaaday ayuu yiri in naasnuujintu ay koriso maskaxda caruurta oo markaasi cunugu noqdo mid fahankiisu sareeyo,waxaa kaloo naasnuujinta caawisaa habka jirku iskaga digaaco cudurada. Naasnuujinta sidoo kale waxay isku soo dhawaysaa hooyada iyo cunigeeda iyadoo kalgaceel ka dhex abuurta.

Bosaaso, [Radio Midnimo] 07 Aug- Wasiirka wasaarada kalluumaysiga gaadiidka iyo dekedaha c/risaaq cali siciid shaahdoon ayaa manta ka dhoofay garoonka diyaaradaha magaalada boosaaso isagoo ku sii jeeda dalka imaaraadka ,kadibna uga sii gudbidoona wadamada taylan indunuusiya iyo malleeshiya .