Shirka haatan ka socda duleedka nairobi, laguna xalinayo hardanka siyaasadeed ee soomaalida ka dhaxeeyey dhowr iyo tobankii sano ee la soo dhaafay, ayaa waxaa laga hadal hayaa in uu cabdullahi yusuf ugu rajo weyn yahay xilka madaxweynenimada ee lagu wado in halkaa lagaga dhawaaqi doono kadib markii ay doorashadu qabsoonto.

Siyaasiyiin badan, iyo kuwo dhawaan siyaasda ku soo biiray ayaa hadaba ka kala baxshay aragtiyo kala duwan, waxaana arintaasi ay saameeyn ku yeelatay qabaa'ilo badan oo soomaaliyeed, iyada oo kuwo aad u badana ay soo dhaweeyeen. Hadaba hadal heynta cabdullahi yusuf ayaa waxaa ay tahay toobig-ga ugu badan ee laga hadlo, meel kastaba haday ahaan laheyd masaajidada, goobaha lagu qayilo, iyo goobaha waxbarashadaba.

Qabaailada Marexaan, Ceyr [Habargidir], Abgaal, ayaa badankood isku aragti ka ah shirka ka socda wadanka kenya, waxaana ay aragtidoodu ku saleysan tahay naceyb ay u qabaan cabdullahi yusuf, mana ah dan sare oo somaliyeed. Hadaba Labada hogaamiye ee kala ah Cabdulkasim salaad iyo Muuse suudi ayaa midna daliishiisu waxa ay tahay Ethiopia, halka midka kalena uu hadal hayo awood qabiil.

Dhammaan qabaailada kale ee Daaroodka, hawiyaha sida Beelaha sacad Saleebaan saruur oo habar gidir isku ah, Duduble, Murursade, Dir, Sheeqaal iyo kuwo kale oo badan aya iyaguna taageero, iyo ka aamusid isku darsaday halka Beelaha Digil iyo Mirif ay full support siiyeen hogaamiyaha Puntland cabdullahi Yusuf.

Qofkii taga madasha shirka ayaa garanaya xaqiiqda ka jirta halkaa, hase ahaatee waxaa xaqiiq ah in is bedel weyn uu ku dhacay shacab weynaha somalida, ayna runtii hadal hayaan badankood Cabdullahi Yusuf oo lagu dooranayo wax yaabaha ay kamidka yihiin hal adeyga iyo siinta uu nabada iyo kala dambeynta siiyo mudnaanta koowaad. Cabdullahi yusuf waxaa lagu bartay kala dambeyn iyo nidaam halka uu ku sugan yahay, waxaana soomaalidu ay muujisay dareenka ay u qabaan arintaas.

Qabaa'ilada diidan cabdullahi Yusuf, ayaa laga yaabaa in ay ka baqayaan in ay waayaan sad ay is lahaayeen badsada, waxaana isla cabdullahi yusuf uu diiday in uu la hadlo kooxaha qaarkood oo iyagu damacsanaa in ay gor gortan la galaan. Xanta ugu badan ee haatan socotaa ayaa ah mid u dhexeysa Hogaamiyaha beesha Murursade maxamed qanyare oo isaga iyo cismaan caato ay soo kala dhex galeen khilaaf xaga kooxda G-8 ka ah, iyo labada hogaamiye ee gacan yaraha u ahaa muuse suudi oo iyana maanta kaga haray qaadhicista uu shirka qaadhacay.

Hadaba waxaa ay soomaalidu tiraahdaa war jiraaba cakaaruu iman, mid lahayaana xiiso ma leh. waxaan qoraalkeyga ku bilaabay: Raga beelahoodu soo dirsadeen oo gafuurka taagaya shirkana ka socon la yahay

Xirsi caamiroow lagu hiif laguna haaraanye
Alleylehe habaar baad qabtaa waana lahubaa
Rag haduu horfuul kaa dhigtoo heybad laguu yeelo
Waa loo hagaajaa anfaca hadasho waa cdeebee.

Qore : Shirwac Cabdi
ragyaqaan@yahoo.com