Bosaaso, [MOL] 04 Aug- Waxaa maanta meel fagaare ah lagu qisaasay gacan kudhiigle Maxamed oo 1-dii bishaan ku dilay Qare Cabdi Dheer magaalada gaalkacayo gudaheeda.

Qisaasta Gacan-ku-dhiiglahan ayaa ka danbaysay heshiis ay gaareen labada beelood una fushay si sharciga Islaamka waafaqsan, kadib markii uu uu gacantiisa ku toogtay gacan ku dhiiglaha Cabdi Dheere oo ahaa abaabaha Marxuum Qare. waxaana goobta qisaastu ka dhacday goob joog ka ahaa masuuliyiinta gobolka oo uu ka mid yahay taliyaha qaybta booliiska gobolka Mudug Aadan Nuur Qaal oo isagu asbuucaan ku dhaawacmay soo qabashadii gacan ku dhiiglaha ka dib markii gaari kula qalimay meel wax yar u jirta gaalkacyo inkastoo dhaawciisu fududaa.

Beelaha dega Puntland ayaa bilowgii dagaalkii sokeeye samaystay heshiis dhegaya in qofkii qof dila isagana la dilo si loo yareeyo aanooyinka qabiilka ee aan dhamaan.

Weriye c/risaaq Sheekhaduun
Mudugonline.com

gudoomiaha INXA A/hi Dayin

Gaalkacyo, [MOL] 04 Aug- Shir balaaran oo uu maanta ku qabtay garoonka kubada cagta ee magaalada Gaalkacyo gudoomiyaha gobolka Mudug Cabdirshiid Cali Xaashi Dhuubane ayna ka qeyb galeen masuuliyiin sar sare ayuu gudoomiyaha gobolka Mudug ku sheegay in hay'ada INXA tahay urur siyaasi ah oo aan lagu tilmaami karin hay'ad ka mida bulshada rayidka ah taasna uu ku tilmaamay inay tahay wax aan la aqbali karin. Dhuubane wuxuu sheegay in bulshada rayidka ah ay tahay ururada xamaalilayda, tagaasilayda, dhaqaatiirta, baalashlayaasha iwm. Waxuu yiri gudoomiyahu "waan soo dhaweynaynaa INXA haddii ay siyaasada faraha kala baxaan sida ururada bulshada ee rayidka ah.

Ururka INXA oo ah dalad ay ku jiraan ururo badan oo Muqdishu ka dhisan oo intooda badan sheegta inay u doodaan xaquuqda aadanaha balse danno qabiil loo aasaasay ayaa loo aaneeyaa inay qeyb weyn ka qaateen burburkii ku yimid iyo qilaafkii ku yimid Dawlada goboleedka Puntland sannadkii 2001, qilaafkaas oo markii dambe isku rogay jabhadayn iyo dagaal hubaysan ayaa waxaa ku nafwaayay dad badan oo reer Puntland ah. Cabdullahi Xaaji Dayib oo ah gudoomiyaha hay'ada INXA ayaa mar waxuu ahaa la taliyaha Jamac Cali Jamac xaga arimaha caalamiga ah. intii aan loo dooran gudoomiyaha INXA-na waxuu madax ka ahaa hay'ad kale oo hoos tagta INXA oo la oran jiray OTP oo markii dambe Dawlad goboleedka Puntland xafiiskeeda Bosaaso baaritaan lagu sameeyay lagana joojiyay shaqadii ay haysay ka dib markii lagu tuhmay inay maalgaliyeen dagaalkii sokeeye ee ka dhacay Puntland.

Gudoomiyhu ma faahfaahin dhaqdhaqaaqa siyaasadeed ee hay'ada hadda lagu eedeeyay nooca uu yahay iyo meesha ay ka wado hay'adaasi arimahaan.

Weriye c/risaaq Sheekhaduun
Mudugonline.com