Ciraaq
oo labo Guulood Usoo Hoyatay!
Ottawa, 29 March 2003 (MOL)-
Ciraq ayaa maraykan
kaga guulaysatay
aragtida Aduunka, Warbaahinta iyo Waliba kala qaybinta
golaha ammaanka
oo ay la safteen saddex ka mid ah shanta diidmada qayaxan leh Rushka, Fransiska iyo China,
guusha labaad ee
ay Ciraaq heshay ayaa
noqotay iyadoo Ciidan ahaan u jabisay xulufada uu maraykanka horkoca
ka yahay oo
aan illaa iyo
hadda ka qabsan
Ciraaq magaalo dhaafsan Umm-Qasaar oo aan
xuduudda Kuwayt waxba
u jirin laguna qiyaasay
dadka ku nool inaysan ka badnayn afar kun oo qof (4000), taasi oo beenaysay in muddo seddex maalmood
ah ay ku qabsan
doonaan Magaala madaxda Baqdaad.
Muddo afar maalmood
ka badan ayay
dhaafi la’yihiin xulafadu magaalada al-Nasariya oo ay haatan hakad
ku yiihiin hal buundo oo
ay sheegeen in saadka
ciidamada aysan uga maarmin dagaalkuna
uusan dhaafi
doonin goobaha uu haatan ka socdo
tan iyo inta
ay ka imaanayaan boqol iyo labaatan kun(120,000) oo askarta Maraykan
ah oo loogu talo
galay inay kaliya waardiyeeyaan saadka ciidamada lagu wado inay
ka dagaallamaan Magaalada
Baqdaad, waxaa kaloo caddaatay
inuu shaqayn
waayay qorshahay ugu talo galeen
in dagaalku ku
socdo sida laga
soo xigtay Hogaamiyayaal Maraykan ah oo haatan ku
sugan goobaha
dagaalka inay yiraahdeen “sidaan moodaynay iyo sidaan aragnay
waa kaaf iyo kala dheeri”
taasi oo ku tusinaysa sida
ay u niyad jabsanyihiin
ciidamada safka hore ee dagaalka
ka jooga xulufada
maraykanku hormoodka u yahay.
Sagaalka maalmood
ee dagaalku
socdo ayaa labo
jeer Wasiirka Difaaca
ee Marakanka uu
Rushka, Siiriya iyo Iran ku
eedeeyay inay qalab
Ciidan ku daldalayaan dalka Ciraaq hadalkaan oo ka danbeeyay canbaarayn Donald Ramsfeld
uga timid maamulka
uu ka tirsan yahay
iyo Warbaahinta
oo ku eedeeyay
inuu dhayalsaday
iska Caabiga iyo
Awooda ciidamada
Ciraq marar badanna uu
iska indha tiray warbixino ku saabsan Quwadda
Iraq oo ay soo
gudbiyeen CIA'da iyo sirdoonka Ciidamada
Marakanka labaduba.
Mudugonline.com
Maraykanka
oo Caloolxumo ka Muujiyay
Sida aan
Warbaahintooda Luugu kalsoonayn Loogana Maarmay!
Ottawa, 29 March 2003 (MOL)- Qarnigii
la soo dhaafay
ayaa waxaa weerar ballaaran
oo u badnaa
dhinca Warbaahinta lagu
soo qaaday Dunida
Muslimka Dhamaateed
xoogeedu ku jeeday
Dalalka Carabta
si Muslimka looga
dhaadhiciyo afkaar
iyo dhaqamo Diinta
Islaamka ka soo
herjeeda oo
lagu soo jiidanayo
da’yarta iyo
dadka aan Saqaafadda
Aduunka iyo
Ilbaxnimada Islaamka waxba ka aqoon, wixii ka horeeyay 1980 waxaa dunida Muslimka caan
ka noqotay Reer Galbeedku Been ma Sheegaan (Al-Khawaaji
Maa Yakdib) iyo in aad loola yaabo
quwadda horumar
iyo Ciidan ee
ay leeyihiin taasi
oo sababtay in marka la yiraahdo war gaalada ha layska caliyo in dad badan oo Muslimiin ah ay ku
jawaabaan oo ma suurto galbaa
nimankaan dayaxa
tagay in qori kow
iyo tobanle
ah laysaga celin karo?
gaalada in layska
celin karo waxay
Muslimiintu ogaadeen
markii ay Afghanistan ay Rushka ka saartay
wadankeeda sannadkii
1989 dhacdadaas ka dib ayaa waxaa reer galbeedku
ku baraarugeen
in wiilal yar yar
ah ay oo diintooda
iyo dunidaba aqoon
dheeraad ah u leh
ay ku soo badanayaan
Caalamka Islaamka
markaas ayay si
ay khatartaas uga
hortagaan ku tilmaameen
inay Aduunka
ku soo fool leedahay
Argagixiso aan
arxan lahayn oo khatar
galinaysa Dunida
oo dhan ammaankeeda
haddaan laga
hortagin haddana ay shalayto ku noqonayso
Aduunka oo idil.
Waxaa kaloo
khatar iyo dhacdo lama hilmaamaan ah ku noqotay Maraykan
iyo xulufadiisa
in ay dunida Muslimka ka xorowdo Warbaahinta reer Galbeedka oo ay helaan Idaacado isugu jira maqal
iyo aragaba
oo soo tabinaya
dhacdooyinka aduunka
oo dhan muhiimad
gaarana siinaya
kuwa Muslimka khuseeya
sida Falastiin iyo
Ciraq oo Al-jazeera
ka haqab tirtay
dadwaynaha Muskimiinta waxaa dhacaya iyo
meesha ay ka dhacayaanba
waxayna Maraykanka ku kaliftay inay
Al_Jazeera wariyayaasheedii
ka cayriyaan Suuqyada
Ganacsiga ee ku yaal
New York taasi oo
dad badani ku tilmaameen inay
tahay weerar
cad oo Maraykanku ku
soo qaaday warbaahinta xortaa ee Aduunka ka dib markuu ku guulaystay
inay warbaahinta
Dalkiisa ka jirta oo ay ugu horayso
CNN ay ka mid noqdeen Waax
ka tirsan Wassaaradda Difaaca ee loo yaqaan
Pentagon, waxaa kaloo
aan haatan xiiso
badan loo hayn Warbaahinta Ingiriiska oo ay ugu horayso BBC oo
ku tilmaanta akhbaarta uu Raage Omaar
ka soo diro
Baqdaad mid uusan xor u ahayn soo
tabinteeda oo
uu naftiisa u baqayo
sida la wada
ogyahayna muuqaalada uu soo gudbiyo
Raage Omaar
waa kuwa uu
ka soo qaado
meelaha Shacabka ee ay sida aan
u turidda lahayn
ay duqaynta ula beegsanayaan
Diyaaradaha Maraykanka
iyo Ingiriisku taasoo muujninaysa sida ay Marakanka iyo Ingriisku ay u doonayaan inaan aduunka loo muujin
fool xumada ay samaynayaan.
Mudugonline.com
