BAABUURKII QAADKA MIIROWGA
OO DAD LAGU LAAYEY.
Bosaaso, 15 March 2003 (MOL)- waxaa habeen hore jidka
u galay baabuurkii qaadka miirowga u siday magaalada Bosaaso koox
burcad ah oo rabay in ay boobaan qaadka saranaa gaarigaasi.
waxaana halkaasi ay waxyeelo ka soo gaartay dadkii
saarnaa garigaasi oo laba qof ku dhimatay sadex kalena ku dhaawacmeen.
cusbataalka magalaadan boosaaso ayaa la keenay dhawaacyadaasi iyadoo
aan ilaa iyo iminka la aqoon cidii falkaasi ka danbaysay booliska
puntland oo wareyaha mudugonline isku dayey inuu wax ka waydiiyo
falkaasi ayaa sheegay in weli baaritaano ay wadaan laguna daba jiro
dadkii ka dambeeyay falkaas.
C/risaaq Sheekhaduun
Mudugonline.com
Dawlada KMG ee Carta oo
lagu qanciyay inay ka qayb qaataan shirka dib u heshiisiinta
Nayrobi, 15 March 2003 (MOL)-Wararka naga soo gaaraya
Galbeedka magaalada Nayrobi goobta uu ka socda shirka dib u heshiinsiinta
Somalida ee Mbagathi ayaa sheegaya in ergayga gaarka ah ee Dawlada
Kenya uga masuulka ah shirka Mr. Bethwel Kiplagat warsaxaafadeed
uu khamiistiii soo saaray ku sheegay inuu ka dib markii uu shir
gooni ah la yeeshay ra'iisal wasaaraha Dawlada KMG ah ee Carta in
kooxda Carta lagu qanciyay inay ka qayb qaataan shirka oo mowqofkoodii
hore ee ay ku hanjabeen inay shirka ka baxayaan hada ay wax iska
badaleen, shirkana ka qayb gali doonaan.
Goloha SRRC ayaa iyaguna hadda soo dhaweeyay inay
Kooxda Carta aysan ka bixin shirka oo ay ka wada shaqeeyaan sidii
Somaliya loogu samayn lahaa Dawlad ay kaga samata baxdo aafada dagaalka
sokeeye oo wadanka ku habsatay 12-kii sanno ee u dambeeyay.
Kooxda isku magacda G8 oo ay kala hogaamiyaan Cusman
Caato iyo Moxamed Qanyare oo iyagu ka dambeeyay inay kooxda Carta
ku qanciyaan inay shirka ka baxaan markii hore ayaan wax wara laga
hayn. wali lama oga inay kooxdaas shirka ka bixi doonaan sidii ay
awal ku hanjabeen iyo inay ka qayb qaadan doonaan shirka dib u heshiisiinta
Somalida.
Mudugonline.com
Maleeshiyadii Ceel-Afweyn oo Qaar u soo galeen
Daraawiishta Puntland
Boosaaso , Mar 14, 2003 (AllPuntland)- Warar ku dhaw
dhaw xagga ciidamada Daraawiishta ayaa xaqiijinaya inay ciidanka
Daraawiishta Puntland ee fadhigoodu yahay gobolka Sanaag ay isu
soo dhiibeen tiro ka mid ah maleeshiyada Cadde Muuse ee fadhigoodu
yahay Ceel-Afweyn oo ka tirsan gobolka Sanaag dhinaca maamulka la
baxay Somaliland uu maamulo.
Warka oo goor dhaw soo dhacay ma sheegin sababta ay
isu soo dhiibeen maleeshiyadaasi iyo tiradooda midna.
Waxaa maalmahaan soo kordhayay cadaadis maleeshiyadaas
kaga imaanayay dadka deegaanka Ceel-Afweyn iyo xubno ka mid ah siyaasiyiinta
Somaliland, marka laga reebo Madaxweynaha maamulka Hargaysa Daahir
Riyale Kaahin, kuwa diidan joogitaanka maleeshiyada mucaaradka Puntland
ayaa dalbanayay inay maleeshiyadaasi isaga baxaan deegaankooda.
Allpuntland
dowladda sudan oo qabqabasho ku biloowday
somalida sharci darada ku joogta dalkooda
Khratum, 15 March 2003 (MOL)-wararka naga soo gaaraya
caasimada khartoum, ayaa sheegaya in la qabqabtay soomli badan,
kuwaas oo qaarkood sharci darro ku joogeen wadanka qaar arday
ahina ay sharciyadoodii kasoo tageen, waxaase isla markiiba la
siidaayey kuwii ardada ahaa ee sharci ku lahaa wadanka, iyadoo
amar lagu siiyay inay sharciyadooda jeebka ku wataan markasta
si ay uga badbaadaan tarxiiladaas. intaan sharciga lahaynna waxaa
loo taxaabay xabsiga. dadkaas oo u badnaa dad tarhiib u socda
ayaan la garanayn goor la masaafirin doono.
Waxaa la aaminsan yahay inay Raafkaani horudhac u yahay qaban
qaabo Dawlada Suudaan ugu jirto marti galinta shirka Dawladaha
ku bahoobay Comesa, iyadoo dawladu ku yaraynayso kuna xanibayso
socodka dadka ajnabiga ah si ay u sugto amaanka shirkaas. waxaa
isla asbuucaan sawiradooda darbiyada magaalada Khartoum lagu oo
dhajiyay Ra'iisal wasaaraha Dawlada Itoobiya Malez Zanaawi iyo
Madaxweynaha Dawlada KMG ah ee Carta Cabdiqasim Salad oo ka qayb
gali doona shirkaan. Dadka Somalida oo aan lahayn Dawlad ay ku
midaysan yihiin ayaa arintooda jirin cid kala hadlaysa Dawlada
Suudaan.
Dadka Somalida ee tahriibka ah ayaa la sheegay inuu
wadanka ku soo batay, kuwaas oo inta badan isku miidaamiya dhul
saxaro ah oo intooda badan ku nafwaayaan. Dawlada Suudaan ayaa
arintaas uga jawaabta raaf ay ku qabqabanayso waxii loo garto
Somali arintaas oo dhib u keenatay ardada Somalida oo iyagu inay
wax ka bartaan i yimid wadankan.
Mudugonline.com
