Golaha amaanka qaramada
midoobay oo cambaarayn u so jeediyay dagaal oogayaasha Somalida
NY, 13 March 2003 (MOL)- Golaha Amaanka qaramada
Midoobay ayaa qoraal ay soo saareen waxay ku cambaareeyeen dagaalada
ka dilaacay magaalada Muqdishu iyo meelo kale oo Somaliya ah asbuucyadii
aan soo dhaafnay. golaha amaanka ayaa sheegay inay aad uga xun
yihiin dagaalka dadka Somaliyeed ee dagaal oogayaashu ka dhigeen
la haystayaal. golaha amaanka ayaa sheegay in dagaaladaan cusub
dhaceen ka gadaal heshiiskii xabad joojintaa ee ay hogaamiyaasha
Somalidu kala saxiixdeen dhamaadkii bishii October ee kal hore.
cambaarayntaan ka soo yeertay golaha amaanka oo
hadda ku mashquulsan arimaha Ciraaq oo dawlada Maraykanku damacsan
tahay inay dagaal ku qaado ayaa moodaa in aan cidna dhag jalaq
u siin iyadoo Dawladaha waaweyn oo arimaha Somaliya wax ka qaban
karay ku mashquulsan yihiin arimo kale.
Mudugonline.com
kala qaybsankii kooxda Carta oo sii xoogaystay
Nairobi , Mar 13, 2003 (MOL)- wararka ka imaanaya
madasha shirka dib u heshiisiinta Somalida ee Mbagathi ayaa sheegaya
in ay sii fogaatay kala qaybnsanaantii kooxda Carta. wararka ayaa
sheegaya in kooxdaas u kala qaybsantay laba garab iyadoo ay aad
ugu kala aragti duwan yihiin hanaan socodka shirka dib u heshiisiinta.
wararka ayaa sheegaya in labada kooxood mid walba rabto in iyada
loo aqoonsado inay matalayaan Kooxda Carta. burburka ku yimid
kooxda Carta ayaa lagu micneeyay ka dib markii ay kooxda Carta
isbahaysi la samaysteen koox kale oo isku magocda G8 oo ay hogaamiyaal
u yihiin Maxamed Qanyare iyo Cusmaan Caato.
Dad badan ayaa aaminsan in laga yaabo in Cusmaan
Caato lug ku leeyahay kala furfurashada kooxda Carta oo uu waligiis
u arkayay inay qatar ku yihiin deegaanka taageerayaashiisu ay
Muqdishu ku leeyihiin. Caato ayaa intii shirka Somalidu bilaamay
waday xodxodasho uu ugu soo dhawaanayay kooxda Carta. arintu si
kastaba ha ahaatee madasha Mbagathi ayaa laga arkay jaahwareer
iyo niyad xumo ku timid waxii ka haray kooxda Carta oo shirka
dibada ka jooga oo hadda loogu yeeray inay Muqdushu ku soo noqdaan.
raga ku jira kooxdan oo aan u dhalan deegaanka Muqdishu ayaa la
sheegay inay walwal weyn ka qabaan ku noqoshada magaalada Muqdishu
ayna ka baqayaan hadday Muqdishu ku noqdaan in la afduuban doono.
raga la sheegay inay aad u walwalsan yihiin ayaa laga magacaabay
Xasan Abshir oo ah ra'iisal wasaaraha Dawlada KMG ah ee Carta
oo dhawr jeer oo hore ka caga jiiday inuu xamar ku noqdo.
Mudugonline.com
