Guddoomiyaha gobolka
Mudug oo amray in odayaasha Cali saleemaan Magaalada Galkacyo ka
baxaan
Bosaaso, 11 March 2003 (MOL)- Wararka aanu ka helayno
magaalada Bosaaso ayaa sheegaya in gudoomiyaha gobolka Mudug C/rashiid
Cali Xaashi (Dhuubane) uu amar ku bixiyay inay magaalada Galkacyo
ka baxaan odayaashii beesha Cali saleebaan oo ayaamahanba ku sugnaa
Magaalada. odayaasha ayaa amarkaan la soo gaarsiiyay waqtiga salaada
duhur ka dib.
Odayaasha Beesha Cali Saleebaan ayaa magaalada Galkacyo
u tagay hawlo la xiriira nabadayn iyo sidii odayaasha Puntland
isaga arki lahaayeen sidii loo soo afjari lahaa dagaalkii hubaysnaa
ee ka dhacay Puntland.
Amarka gudoomiyaha gobolka Mudug C/rashiid Cali
Xaashi (Dhuubane) ayaa lagu micneeyay in uusan jirin wax beelaha
Puntland dhexmaray oo laga heshiisiiyo arintuna ay dhexmartay
kooxo siyaasada isaga soo horjeeda sidaas darteen aan loo baahnayn
hawlaha Odayaasha maadaama aysan jirin wax ka dhexeeya beelaha,
sidaas darteed ayuu gudoomiyuhu waxuu amar ku bixiyay in la xiri
doono odayaashan haddii aysan kaga bixin gobolka Mudug mudo saacdo
ah sida laga soo wariyay.
Odayaasha Beesha Cali Saleebaan ayaa aad ugu xumaaday
sida uu ula dhaqmay gudoomiyaha gobolka Mudug, waxayna ka soo
anbabexeen magaalada Gaalkacyo abaarihii 1:30-kii duhurnimo iyagoo
u soo kicitimay dhinaca magaalada Garoowe.
Qaar ka mida ah odayashaasi oo u waramay Wariyaha
mudugonline ayaa sheegay in aaney fili hayn arinkaasi ku dhacay
iyo sida uu ula dhaqmay gudoomiyaha. iyagoo markii hore magaalada
Galkacyo si dhiiran ay ugu soo dhaweeyeen dadweynaha magaaladu.
waxay is la caawadaan joogaan odayaashu magaalda
Garoowe iyagoo la filayo isla berito in ay u soo kici doonaan
magaalda bossaso.
Wariye:C/risaaq Sheekhaduun.
Mudugonline.com
Mr. Kiblagat oo la shiray 6-da gudi ee
shirka Somalida
Nairobi , Mar 10, 2003 (AllPuntland)- Ergayga ugu
qaabilsan Kenya Shirka Somalida ahna gudoomiyaha gudiga farsamada
IGAD ee shirkaas ayaa maanta kulan kula yeeshay Mbagathi lixda
gudi ee Somalida ah ee u xilsaarnaa hawlaha wajiga labaad ee shirka.
Kulanka labada dhinac ayaa la iskula soo qaaday
siddii gudiyadu hawlahooda usoo gabagabayn lahayeen sidda ugu
dhoqso badan, si loogu gudbo wajiga 3 aad ee shirka, gudiyada
Somalida ayaa kusoo bandhigay kulankaas halka ay u marayaan shaqada
ay hayeen oo gudiyada qaar ayan wali soo dhamays tirin qoraaladii
laga sugayay inay kusoo koobaan hawshooda.
Kiblagat ayaa u sheegay gudiyadaas inay si rasmi
ah inta uga dhiman hawlahooda ay u bilaabaan barito, isla markaana
gudiga farsamadu la socon doono hadba meelaha ay wax u marayaan,
gacana laga siin doono hawshooda, iyadoo la kordhinayo khubaro
gacan ka siinaysa gudiyadaas hawlahooda wixii ay uga baahdaan.
Kulanka waxaa dhinaca Somalida uga qayb galay gudoomiyayaasha
lixda gudi iyo ku xigeenadooda iyo xog haynadooda, halka gudiga
farsamadana ay uga qaybgaleen gudoomiyaha shirka Kiblagat iyo
xubno kale IGAD ah.
Lixda gudi ee Soomaalida ah ayaa waxaa ka mid ah
hawlahooda habka federaalka Somaliya yeelan doonta, dhaqaalaha,
hubdhigista iyo dhaqan celinta iyo kuwo kale.
Allpuntland
