Shirka Somalida ee mbagaati oo wali xayiran

Mbagaati [MOL] 21 Jun 2003- Wararka naga soo gaaraya madasha uu ka socdo shirka dib u heshiisiinta Somalida ee mbagaati ayaa sheegaya in shirku dhawrkii beri ee la soo dhaafay uusan wax talaabo oo la taaban karo uusan qaadin. Shirkaan oo la filayay inuu soo gabagaboobo 18-kii bishaan ayaa la sheegay inay hareeraysay khilaafad u dhexeeya ergada Somalida. Caqabadaha ugu weyn ee hortaagan shirka ayaa waxaa ugu duran Dastuurka Dawlada KMG ah yeelan doonto, tirada xubnaha Baarlamaanka iyo cidda soo dooran doonta.

Qodobka Dastuurka ee la isku hayo ayaa kooxda Carta iyo qabqablayaasha dagaalka ee Muqdishu waxay ku doodayaan in la sameeyo Dawlad dhexe sidii Dawladii hore halka golaha SRRC iyo Dawlad goboleedka Puntland ay rabaan in la dhiso Dawlada Federal ah oo leh Dawlad Goboleedyo midaysan, arintaas oo ergada inteeda badani rabaan.

Tirada Xubnaha uu ka koobnaan doono baarlamaanka Dawlada KMG ah ee la filayo la dhiso ayaa iyana noqotay Caqabad kale. Dawladaha xiiseeya Arimaha Somaliya ee hadda shirka jooga iyo ergayga Qaramada Midoobay ay sheegeen in tiradii ay ku hisheeyeen hogaamiyaasha Somalida qaarkood ee ahayd in tirada Baarlamaanka la gaarsiiyo 450 xubnood ayaa sheegay inaysan ahayn mid suura gal maadaama Somaliya tahay wadan ku burburtay dagaal sokeeye, dhawr iyo toban sannona aysan ka jiran wax Dawlad ah, aysan markaas awoodi karin tirada intaas le'eg.

Qodobkaan tirada xubnaha baarlamaanka ayaa waxaa wali la fahmi la yahay waxay hogaamiyaasha Somalida qaarkood ugu dhegan yihiin in lagu saleeyo 450, iyadoo la ogyahay golaha SRRC waxyaabihii shirkii Carta ay ku diideen ay ka mid ahaayeen tirada badan ee xubnaha baarlamaanka oo iska magac ahaa aanan qaban karin wax hawl ah.

Ka sokow dhaqaalaha oon lacag loo hayn 450 xubnood ayaaba waxaaba adkaanaysa sidii intaas oo qof meel la isugu keeni lahaa oo ay wax ugu heshiin lahaayeen. Waxaa xaqiiqa ah haddii la sameeyo tiro yar oo karti leh inay fulin karaan hawlaha adag ee looga baahan yahay ee Dawlada KMG ah.
Mudugonline.com

Baydhabo [MOL] 21 Jun 2003- Wararka ka imaanaya gobolka Bakool oo deegaan ka mida ay horey u joogeen ciidamo ka mid ahaa ciidankii Gen. Morgan ayaa haatan waxaa soo noqnoqanyay warar sheegaya inay ciidankaas ku soo biireen Ciidamo kale oo ka kala yimid gobolada Somaliya.

Wararkaan oo inta badan ay faafinayaan Saxaafada Kooxda Carta oo taageerta Isbahasiga walaalaha galgaduud ee haatan xooga ku haysta magaalada Kismayo ayaa aysan jirin wax xaqiijin ah oo loo hayo ciidamadaas la sheegayo. waxaad moodaa in Gen. Morgan ku noqday kooxda isbahasiga laf dhuun gashay oo ay ka wadan la' yihiin hawlahoodii bililiqada oo haatan si xawli ah uga socota Magaalada Kismayo tan iyo intii Shirka Somalidu soo gaaray heer gobogobo ah taas oo ay isbahaysigu ogaayeen haddii Dawlad loo dhan yahay dhalato in bustahooda banaanka loogu tuurayo.

Wararkaas sheegaya in Gen. Morgan ku soo socdo Kismayo ayaa waxay u muuqdaan kuwa laga leeyahay arimo siyaasadeed oo lagu qarinayo xasuuqa dhawkii bilood ee na soo dhaafay sida isdaba jooga ah uga socday magaalada Kismaayo, xasuuqaas oo asbuucii ugu dambeeyay sii xoogaystay ka dib markii hogaanka Isbahaysiga lagu wareejiyay ninka lagu magacaabo seeraar oo Cabdiqasim Salad qaraabo yihiin masuulna uga ah magaalada. Seeraar ayaa la sheegay inuu damacsan yahay sidii uu magaalada ugu beeri lahaa beeshiisa oo uu sheegay inaan Magalada loo ogolaan jirin waa sida uu yiriye. Seeraar oo qaybweyn ka soo qaatay dagaaladii sokeeye ee magaalada Muqdishu iyo Baydhabo ayaa haatan wuxuu ku qatimayaa magaalada Kismaayo.

Magaalada Kismayo ayaa haatan jid walba waxaa yaala isbaarooyin, meel kastana waxaa lagu baaranayaa laguna dilayaa dadka deegaanka ee la hastyaasha ah. haddii Ciidanka Gen. Morgan imaan lahaayeena waxaa hubaal ah in dadka deegaanka ee la haystayaasha ah ay si fiican u soo dhaweyn lahaayeen.

Mudugonline.com

20-06-2003-RG:Wakiilka Dawlada Itoobiya oo beeniyay in wadankiisu ka baxay shirka dib u heshiisiinta iyo warar kale oo xiiso leh >>>>Halkaan ka dhagayso>>>>>>>>>

Sadex qof oo ahaa ilaaladii wasiirka ayaa halkaasi dhaawac fudud ka soo gaaray , waxaase bad baaday wasiirka hawlaha guud oo u muuqday qof aan waxba qabin marka laga reebo Shock ku dhacay markii uu gaarigu la qalibmay , waxaana caafimaadkiisa lagu tijaabinayaa isbtiaalka guud ee magaalada Gaalkacyo.

Wasiirka oo in dhawaydba ku hawlanaa dhismaha garoon laga dhisayay magaalada Garoowe ayaa ka soo kici timay shalay isla magaaalda Garoowe .

Dad waynihii isugu tagay meesha uu gaarigu ku gadoomay qaar ka mid ah ayaa AllPuntland u sheegay inay la yaabeen marka la eego sida uu gaarigu u wax yeeloobay iyo sida uu dadku dhaawaca u soo gaaray inay tahayd mid aad ukala duwan ,waxayna ku tilmaameen arintaasi ku tilmaameen "GAR-GAAR EEBBE".

Isla agagaarka tuuladaasi Abaareey ayaa todobaadkii hore uu gaari kale oo ku gadoomay gaystay dhimasho iyo dhawaac soo gaaray dadkii saarna.

Cabdulqaadir C. Cusmaan (Farayaamo)
AllPuntland