|
Radio Midnimo, Boosaaso 12/06/2003- Weriyaha Radio Midnimo
ee jooga magaalada Laascaanood ayaa wuxuu ku soo waramayaa
in magaalada Laascnood ay timid Hay’ad lagu magacaabo
HALLOW Trust, hay’adan ayaa shaqadeedu tahay siday dhulka
miinada uga saari laheyd.
Warku wuxuu intaas ku darayaa in Hay’adani ay horay u
timid magaaladaas iyadoo la socota wefti uu hogaaminayey
Madaxweynaha Somaali-land Md. Daahir Riyaale Kaahin.
Hay’adan waxaa hogaaminayey nin lagu magacaabo Dr. Whuu
oo afrika u qaabilsan miino saarida, ayaa waxay howsheedii
ka bilowday deegaanka ku xeeran magaalada waxyaabaha qarxa
ka ururiyey dhinaca waqooyi ee magaalada, waxayna hay’adu
iminka howlo ka wadaa meel magaalada u jirta 12 Km.
Imaanshaha ha’adan ayaa dad badani waxay ku eedeeyeen
in hay’adani ka soo jeedo dhinaca maamulka Soomaali-land,
waxaana la hadlay gudi odayaal ah ee deegaanka, balse
masuuliyiinta hay’ada oo uu ka mid yahay Jamaal Saleebaan
Warsame ayaa sheegay in hay’adani aysan ka socon wax maamul
ah, howshooduna ay tahay in ay raadsadaan waxyaabaha qarxa
Waxay kaloo masuuliyiinta hay’ada Hellow Trust intaas
ku dareen in ay ku socdaan deegaanka Puntland oo ay ka
dhowrayaan ogolaasho buuxa, wuxuuna intaas ku daray masuulku
in ay wada hadleen qaar masuuliyiinta Puntland ka tirsan.
Mashruucan ayuu ku tilmaamay mid faa’iido u soo hoynaya
bulshadda Soomaaliyeed ee deegaanka Sool iyo meelaha kale
ee ay miinooyinka ka saaraan.
Odayaasha deegaanka ayaa waxay go’aamiyeen in sugi doonaan
hay’ada ammaankeeda ilaa iyo wakhti kama danbeys ah oo
ay soo saari doonaan go’aan kama danbeys ah marka ay la
tashadaan maamulka iyo xubnaha kale ee maamul goboleedka
Puntland ee ku sugan magaalada L/caanood.
Radio Midnimo, Bosaaso
Mudugonline.com
DHUL MURAN
KA TAAGAN YAHAY MAGAALADA CEERIGAABO
Radio Midnimo, Boosaaso 12/06/2003- Wararka
ka imaanaya magaalada Ceerigaabo ayaa sheegaya in uu sii
siyaadayo muran xoog leh oo beryahaanba ka taagnaa magaalada
Ceerigaabo, murankan oo salka ku haya dhul la isku hayo.
Heshiis dhulkan iminka la isku hayo ayaa lagu soo waramayaa
in la gaaray sanadkii 1993dii, hase yeeshee sida weriyaha
Midnimo ee magaalada L/caanood noogu soo waramyo waxaa
heshiiskan fulin waayey dadka degan Waqooyiga magaalada
L/caanood, tanina ay dhalisay in dadka degan Koonfurta
Sanaag in ay ka muujiyaan caro fara badan.
Shir balaaran oo arrintaan looga hadlayey oo lagu qabtay
magaalada Ceerigaabo oo ay ka qayb galeen odayaal iyo
waxgaradka deegaankaas, iyo cuqaal ka tegay magaalada
L/caanood ayaa looga wada hadlay sidii arrinta dhulkaas
loogu soo dabaali lahaa nabadgelyo.
45 maalmood ayaa guddi loo saaray in arrintan ay kaga
soo baaraan degaan go’aan kama danbeys ahna ay ka soo
gaaraan. Labada Beelood ee dhulkan isku haya ayaa ciidamo
fara badan oo Maleeshiyooyin ah soo dul dhoobay magaalada
maalmihii la soo dhaafay tanoo cabsi looga qabo in arrintu
faraha ka baxdo.
Radio Midnimo, Bosaaso
Mudugonline.com
|
