| Radio Midnimo, 9 Jun 2003,
Boosaaso- Shir uu guddoominaayo Xilhayaha Dowladda Eng.
Faarax Maxamuud Yuusuf “Dooxojoog” oo ay ka soo qayb galeen
Wasiirka Madaxtooyada Dr. C/raxmaan Siciid :Dhega weyne”
iyo Hay’adaha Caalamiga ah ee fadhigoodu yahay deegaamada
Puntland, ayaa ka dhacay xarunta Madaxtooyada DGPL.
Ugu horeyn waxaa shirkaa looga hadlay sidii wax looga
qaban lahaa beerta taariikhiga ah ee Coomaayo oo ku taal
degmada Baargal oo ay ku timid dhibaato ka soo wajahday
daadad xoog leh oo dhowaan ku soo rogmaday, kuwaasoo daboolay
ama burburiyey ishii biyaha ee beertaas waraabin jirtay,
bertan ayaa jirtay mudo Afar Qarni ah, waana beer ay ku
beeran yihiin in ka badan 10 kun oo geed.
Waxaa shirkaas lagu gudoomiyey in hay’adaha iyo Maamulka
Puntlandba ay u diraan guddi xaqiiqo raadin ah oo labada
dhinac ka socda.
Nin u hadlay Hay’adaha ayaa wuxuu ammaanay nabada Puntland,
isagoo intaas ku daray in wada shaqeyn buuxda la yeelan
doonaan Maamulka Dowlad Goboleedka Puntland.
Guddiga xaqiiqo raadinta ayaa dhaqso ugu ambabixi doona
halka ay ku taal beerta Coomaayo ee degmada Baargaal.
Guddoomiyaha Degmada Baargaal C/naasir Siciid Maxamed
ayaa shalay Idaacada Midnimo u sheegay in dhibaato weyni
ka jirto beerta Coomaayo, lagana yaabo in ay waxyeelo
ka soo gaarto boqolaal qoys oo anfacsada beertaas.
Radio Midnimo, Bosaaso
Mudugonline.com
MADAXWEYNE
KU XIGEENKA DGPL AYAA MAANTA KU SOO LAABTAY DALKA.
Radio Midnimo, 9 Jun 2003, Boosaaso- 11-kii barqanimo
ayaa Madaxweyne ku xigeenka DGPL Maxamed Cabdi Xaashi
waxaa uu ka soo degay garoonka diyaaradaha ee magaalada
Boosaaso.
Madaxweyne ku xigeenka ayaa waxaa halkaas ku soo dhoweeyey
xubno ka tirsan Golaha xukuumada iyo maamulka Puntland
masuuliyiin fara badan oo ka socday.
Madaxweyne ku xigeenku wuxuu safar ugu maqnaa in mudo
ah wadanka Mareykanka oo uu degan yahay, wuxuuna halkaas
kula kulmay Jaaliyadaha reer Puntland ee ku dhaqan gudaha
qaarada Ameerika.
Markii uu ku soo laabtay magaalada Boosaaso ayuu wuxuu
Xarunta Madaxtooyada kula kulmay Xubnaha Golaha Xukuumada
ee ku sugan magaalada Boosaaso, waxaana halkaas lagu baray
xubnaha cusub ee ku soo biiray golaha Dowladda ee ka soo
jeeday jabhadii GPB.
Radio Midnimo, Bosaaso
Mudugonline.com
SAFARKII UGU
HOREEYEY AYAA LA FILAYAA IN U BAXO
Radio Midnimo, 9 Jun 2003, Boosaaso- Wararka ka imaanaya
magaalada Muqdisho ayaa waxay sheegayaan in safarkii ugu
horeeyey uu u baxayo C/nuur Axmed Darmaan oo isgu isku
sheegay in uu yahay Madaxweynaha Soomaaliya maalinimadii
Khamiista ee toddobaadkii la soo dhaafay.
Darmaan ayaa wararku sheegayaan in uu u kicitimi doono
dalka Imaaraadka Carabta oo uu uga sii gudbi doono dalka
Mareykanka, gaar ahaan magaalada Wshiton.
Lama yaqaan sababta uu u ambabaxayo laakiin warar ayaa
sheegaya in safarkiisu ku lug leeyahay siduu u soo sameysan
lahaa lacag Soomaali been abuur ah. C/nuur Darmaan ayaa
si weyn uga mida raga lagu xanto in ay ka baayac mushtaraan
lacagaha been abuur ah ee la soo geliyo gudaha dalka Soomaaliya,
iyadoo lagu eedeeyey in uu ka mid ahaa raggii soo sameystay
lacagaha sanandihii 90-kii oo uu jiray sicir bararkii
ugu xooga weynaa Soomaaliya.
Radio Midnimo, Bosaaso
Mudugonline.com
|
