| Radio Midnimo, (Bosaso)
5 Jun 2003- Shir balaaran oo ay ka soo qayb galeen masuuliyiin
kala duwan oo maamulka Puntland ka socday, ganacsato iyo
sariflayaasha magaalada Boosaaso ayaa manta lagu qabtay
xarunta gobolka Bari.
Shirkaas waxaa furay Gudoomiyaha Gobolka Bari Ibraahin
Cartan Ismaaciil, wuxuuna ku soo dhoweeyey hadalka ganacsatada
iyo sariflayaasha, waxaana ugu horeyn hadalka qaatay Sarifle
Axmed Caseyr “Faruur” wuxuuna sheegay in dhibaatada jirtaa
ay tahay iyadoo la waayey Shilinkii Somaaliga. Aadan Doolar
oo isaguna ka mid ah sariflayaasha suuqa lacagaha qalaad
ayaa hadalka ku raacay Md. Faruur.
Liibaan Yuusuf oo ka mid ahaa Ganacsatada ayaa isaguna
dhaliil weyn u soo jeediyey Maamulka DGPL, wuxuuna sheegay
in Afar maalmood uu hoos u sii dhacayey sarifka Doolarka,
laakiin shalay oo keliya dekedda wax laga canshuuran waayey,
shalyna shirka ay Maamulku isugu yimaadeen ay arrintaasi
khasabtay.
Wssiirka Maamliyada Dr. C/raxmaan Maxamed Faroole oo
isaguna shirkaas hadal dheer ka jeediyey ayaa sheegay
adduunka oo dhan ay ka jirto hoos u dhac ku yimaada sarifka
lacagaha, laakiin ay xuduud u sameeyaan, markaas kadib
in dareenku uu yimaado.
Wuxuu kaloo Wasiirku sheegay in dareenkaasi uu ku jiray,
bishan Juun Kowdeediina uu Doolarku marayey Laba Milyan
iyo Labab Boqol oo kun, bishii Labadeediina wuxuu sheegay
in uu noqday Hal Milyan iyo Sagaal Boqol, bisha Saddexdiina
wuxuu sheegay in Hal Miyan iyo Sideed Boqol uu ahaa, laakiin
shlay oo bishu aheyd Afar ayuu carabka ku adkeeyey in
uu gaaray Hal Milyan iyo Laba Boqol Boqolka Doolar, shalayna
uu dareenku dhacay.
Wuxuu kaloo eedeyn u soo jeediyey dad uu sheegay in ay
curyaamin wadaan oo iyagu ururinayaan lacagaha dababdeedka
ka faa’iideystaan
Warkaan oo tifaftiran waxaad ku maqli doontaan barnaamij
gaara oo aad ku maqli doontaan khudbadihii iyo hadaladii
la is weydaarsanayey.
Radio Midnimo, Bosaaso
Mudugonline.com
SHIR LOOGA
HADLAY SHUBAN BIYOODKA AYAA MAANTA LAGU QABTAY ISBITAALKA
GUUD EE MAGAALADA BOOSAASO.
Radio Midnimo, (Bosaso) 5 Jun 2003-Shir ay ka soo qayb
galeen Sii hayaha xilka Maamulka Dowladda Faarax Maxamed
“Dooxojoog”, Wasiiru dowlaha Madaxtooyada Dr. C/raxmaan
Siciid “Dhegaweyne”, iyo dhakhaatiirta Caafimaadka iyo
weliba Hay’adaha A70 iyo Bisha Cas, shirkaan ayaa looga
hadlayey sidii wax looga qabn lahaa dhibaatada shuban
biyoodka oo dhowrkii maalmood ee la soo dhaafay ay dad
gaaray Sideed qof ay ku dhinteen, qaar kalena ay isbitaalka
u jiifaan.
Shirkaan oo mudo gaaban socday ayaa la iskula gartay
in subaxnimada Sabtida ah la qabto shir ballaaran oo ay
si wadajira uga soo qayb galaan Hay’adaha Caalamiga ah
ee caafimaadka sida WHO, UNICEF, OXFAM, Wasaaradda Caafimaadka,
iyo Dhakhaatiirta, si loo xakameeyo waxyeelada shuban
biyoodku ku hayo magaalada Boosaso.
Radio Midnimo, Bosaaso
Mudugonline.com
MADAXWEYNAHA
DGPL OO KULAN KULA YEESHAY SARAAKIIL MAREYKAN IYO ITOOBIYAAN
AH HALKA LOO YAQAAN BALI SOOFE
Radio Midnimo, (Galdogob) 5 Jun 2003- Maanta barqanimadii
ayaa Madaxweynaha DGPL C/laahi Yuusuf oo ay weheliyaan
Ambasador C/laahi Sheekh Ismaaciil, Dr. Hilowle Iimaan
cumar oo labaduba ka mida hogaanka SRRC iyo Maxamed Maxamuud
Guuleed oo ah Guddoomiyaha Xisbiga Aragtida cusub waxay
ay kulan kula yeesheen halka loo yaqaan Balli Soofe oo
18 KM u jira magaalada Goldogob una dhexeeya degmooyinka
Goldogob iyo Dhudub saraakiil Mareynkan iyo Itoobiyaan
ah.
Kulankan ayaa wararku sheegayaan in looga wada hadlay
arrimo ku saabsan amniga iyo ka hortaga waxa loogu yeero
argagixisada. Gen. Cadde Muuse ayaa isagu ku sugan magaalada
Gaalkacayo oo aan ka mid aheyn xubnaha la kulmaya weftigaas.
Warar aan la xaqiijin ayaa sheegaya in Saraakiishaasi
ay kala hadlayaan qaabkii iyo wadadii ciidamada shisheeye
lagu soo gelin lahaa gudaha wadanka Soomaaliya marka lagu
soo dhiso dowlad Soomaaliyeed meesha loo yaqaan Imbigaati
oo ku taal duleedka magaalada Nayroobi
Radio Midnimo, Bosaaso
Mudugonline.com
|
