Khartoum [MOL] 29 July 2003- Waxaa waayadanba booqasho ku joogay magaalada Khartoum ee dalka Sudan.Wasiirka wax-barashada ee maamul goboleedka Puntland.Mudane Xassan Max'ed Dhiilood.

Hadaba war baahinta la iska arko iyo kuwa la dhagaysto ee dalkan oo ay waliba weheliyaan jariiradaha aadka loo akhriyo ee dalkan Sudan ayaa qaadaa dhigay booqashada wasiirka oo si heer wasiir loo soo dhaweeyey.iyadoo ay telfishinada muujinayeen sawiro kayd ah oo ay ka hayeen guud ahaan madaxwaynaha Puntland Mudane C/lahi Yuusuf Axmed iyo Qariirada halka ay kaga taal Puntland oo ay ku tilmaameen inay tahay Puntland sadex meelood meel marka Somaliya la eego.

Wasiirka ayaa maalmihii ugu danbeeyey ee todobaadkan aad ugu mashquulsanaa kulamo uu la yeelanayey mas'uuliyiinta dalka,oo awal iyagu marti galiyey.waxaana uu ilaa hadda la soo kulmay lataliyaha madaxwaynaha xaga diinta, ninka isagu jagadiisa oo kale ka haya dalka waa wasiirka wax-barashadee, mas'uuliyiin sarsare oo iyagu ka tirsan wasaarada arimaha dibadda, maamulada jaamacadaha iyo masuuliyiin kale oo badan.

Waxaana wasiirka la siiyey balan qaadyo fara badan oo ku saabsanaa dib u dhiska hanaanka wax-barasho ee Puntland, waxaa wasiirka si aada u soo dhaweeyey ardayda Somaliyeed ee Sudan wax ka barata, iyo gaar ahaanba kuwa reer Puntland xaflado isdaba jooga ah oo soo qaban qaabiyeen maamulka sare ee ardayda oo horkacayo Xog-hayaha arimaha dibadda Farax Cali Xirsi iyo kan Bulshada ayaa waxay u dhacaday si aan caadi ahayn oo agaasim sare loo yeelay.

Waxaa qoraalkayga weheliya sawirada wasiirka oo uu dhinaca midig ka taagan yahay xog hayaha arimaha dibadda ee ardayda, dhinaca bidixna nin ka mida ah waftiga Wasiirka la socday.Sawirka hoosena waa guud ahaan ardaydii iyo jawiga guud sida uu ahaa.

Kulankani waa kii ugu danbeeyey oo dhacay maalintii shalay ahayd oo wasiirka socdaalkiisa ku soo khatimayey waxaana wasiirka la filayaa inuu isaga iyo wafdigiisa u an ba baxaan Dalka Austarelia oo ay ka haystaan casumaad taa la mid ah.

C/lahi Cali
Khartoum, Sudan
Mudugonline.com