Kharduum, [MOL] 26 July 2003- Waxaa 22kii bishaan aynu ku jirno soo gaaray magaalada Kharduum ee caasimada u ah dalkan Suudaan wafdi balaaran oo ka socday Maamul gobleedka P/L oo uu horkacayay Wasiirka Waxbarshada iyo Barbaarinta Mr.Xasan Maxamuud Diilood, waxaana socdaalkiisa ku waheliyay Gudoomiyaha Jaamacada Bariga Afrika ee Boosaaso Dr. C/qaadir Maxamuud iyo xubno kale. Waftiga waxaa si wayn ugu soo dhaweeyay Gagida Duyiiradaha ee magaalada Kharduum masuuliyiin sarsare oo ka tirsan xukuumada Suudaan, kadibna waxaan la dajiyay Hoteelka Hotel Boqor Faysal oo ka mida Hateelada ugu caansan magaalada Kharduum.

Wafdigu waxaa uu sheegay in booqashadan ay ka danbaysay ka dib markii ay ka heleen martiqaad rasmi ah dowlada Suudaan gaar-ahaan Wasaarada Waxbarshada ee dalkan Suudaan, waxaana ay ku sheegeen waraysiyo ay bixiyeen in ujeedada socdaalkooda ay tahay sidii xukuumada Suudaan ay ugala hadli lahayeen xiriiro dhowr ah oo ay ugu horayso waxbarshada iyo sidii uu uga heli lahaa Maamulku xayba wax ku ool ah deeqaha waxbarsho ee ay Suudaan siiso Soomaalida waxaan la wada ogsoon yahay in dowalada Suudaan ay ka mid tahay dowladaha siiya deeqaha waxbarsho Soomaaliya waloow inta badan deeqdaasi ay helaan ardayda ka timaada gobolada koonfureed gaar ahaan magaalada muqdisho.

Wafdigu waxaa uu lakulmay masuuliyiin sarsare oo ka tirsan xukuumada suudaan sida, Wasiirka waxbarshada. Lataliyaha Madaxwaynaha Arimaha Diinta iyo qaar ka tirsan madaxda jaamacdaha wadanka waxaan dhamaantood ay ka wada hadleen sidii dowlada Suudaan ay gacan uga fidin lahayd iyo waliba taageero waxbarshada ka socota maamul gobleedka p/l. Sidoo kale xukuuma soodaan waxaa ay balan qaaday in ay intii karaankeeda ah wax la qabanayso guud ahaan soomaalida gaar-ahaana Maamulka P/L. Sidoo kale wafdigu waxaa uu la kulmay ardayda soomaliyeed ee waxka barta jaamacada la yiraahdo Jaamatul Afriiqiya AL Caalamiya oo ah Jaamacad ka mida juwa ay ardayda Soomaaliyeed ee wadankaan wax ka barta aadka ugu badan yihiin.

Ardayda soomaaliya ee wax ka barta dalka Suudaan waxaan cadadkooda lagu sheegaa in ay ka badan yihiin 1000 arday waxaana ay uga warbixiyeen xaalada uu marayo dalkii soomaaliya iyo guud ahaan safarkooda. Wafdigu waxaa uu kulan gooni ah la yeeshay ardayda ka timid gobolada P/L waxaana ay uga warbixiyeen Maamul gaboleedkii ay kasoo kaceen iyo horumarka uu gaaray wadankii waxaa kale oo ay waxbixin ka siiyeen ujeedada socdaalkood waxaana ay sheegeen in sarakoodu uu dheer yahay ayna hadda ku sii jeedaan dalka Australia. waxaana intaa ay ku dareen in ujeedada safardaas oo dhan looga goleeyahay sidii sare laagu qaadi lahaa guud-ahaan xiriika P/L ay kala leedahay wadamada dunida kaalinta waxbarshada. inkastoo ay ahayd markii ugu horaysay ee wafdi noociisa ah oo kale uu yimaado dalkan Suudaan oo ka socda Maamulka P/L hadana waxaan oran karnaa waxay ahayd mid laga gaaray guulo waawayn oo wax ku ool ah.

Mohamed Hassan Yosuf, Suudaan, Kharduum
Mudugonline.com

Ceergaabo, [MOL] 26 July 2003- Wararka ka imaanaya deegaanka Fiqi Fuliye oo 50 km u jira magaalada Ceergaabo ayaa lagu soo waramayaa in halkaasi shir uga furmaayo beelaha degaankaasi. Shirkaasi oo looga hadlaayo dhul daaqsimeed ay ku muransan yihiin beelaha degaankaasi iyo beelaha dega soomaaliland.

Qaar ka mid ah madaxda puntland oo uu ay mid yihiin wafuud heer wasiir ah iyo xubno baarlamaan ah ayaa goobtaasi lagu wadaa in ay u safraan caawadan si ay uga qayb qataan shirkaasi loga hadlaayo dhul daaqsimeedka maqan.

Ciidamada daraawshiita puntland yaa iyana ku xeeran gobtaasi. qaar ka mid ah dadka deegaan kaas hadda sheegatay ayaa mar sii horasay oo ah 1993 wadahadala labadda dhinac dhex maray lagu heshiiyay ayna ogolaadeed inay dhulkaas isaga guuraan. Lama garanayo sababta sheegashada dhulkaasi u soo noqotay marba haddii waqti hore laga wada xaalay.

Weriye c/risaaq Sheekhaduun
Mudugonline.com

Colonel Khaliifa iyo wafdiga uu hogaaminayo oo beryahan joogay Puntland horena u soo maray Boosaaso, Qardho iyo Garoowe waxaa uu codsi u jeediyey dadka eer Gaalkacyo iyo maamulkuba in ay gacan ku siiyaan sidii ciidamadaas loo keeni lahaa Gaalkacyo.

Wafdiga oo ay wehliyeen madax ka tirsan xukuumadda Puntland oo beryahan safarka ku wehlisay ayaa la shiray saraakiisha maamulka Galkacyo oo uu ka mid ahaa Guddoomiyaha gobolka Mudug, Cabdirashiid Cali Xaashi.

Warbixin uu guddoomiyuhu siiyey wafdigaas AU-da (Midowga Afrika) wuxuu sheegay in ay diyaar u yihiin in la shaqeyaan ciidamadaas iyo madaxdooda.

Colonel Khaliifa wuxuu sheegay inuu aad ugu farxay soo dhaweynta, horumarka iyo ilbaxnimada ka jirta gobolada maamulka Puntland, madaxa wafdiga AU wuxuu kaloo sheegay in marka shira nabadda ee ka socda Nairobi lagu dhiso dawlad loo dhan yahay, la waydiisan doonto caalamka iyo Africa in gacan laga siiyo hub ururinta dalka iyo dib u dhiskaba, isla markaana ay ciidamada Africa degdeg dalka loo geyn doono oo ay shaqadooda bilaabi doonaan.

Sida la xasuusto sannadkan horaantiisii waxaa gobolada dalka soo maray wafdi khubaro militri oo ka socday IGAD iyo AU oo la kulmay dhamaman madaxda ururada iyo maamulada dalka Somaliya ka jira, halkaas oo ay ugu qaybiyeen foomam ay ku buuxiyeen qola waliba dhulka ay xukunto, tirada askarta iyo hubka ay hatystaan iyo fahfaahino kale.

AllPuntland