|
Ottawa [MOL] 19 July 2003- Abwaano dhawr ah oo uu horkacayo
Abwaan Maxamed Ibraahim Warsame Hadraawi ayaa socdaal
ku tagay magaalada Kismaayo ee ay xooga ku haystaan isbahaysiga
Dooxada Juba oo ka kooban beelaha Cayr ee habar gidir
iyo beesha Mariixaan.,Safarkaas oo ujeedadiisa lagu sheegay
Safarkii Olelaha nabadeynta ayaa Hadraawi waxaa magaalada
ku soo dhaweeyay xoogaga Isbahasiga Jubba oo uu horkacayo
Barre Hiiraale. Hadraawi ayaa asbuucyadaan waxuu safar
ku joogay magaalada Muqdishu.
Illaa hadda ma cadda ujeedada dhabtaa ee abwaan hadraawi
iyadoo dad badan isha ku hayaan dhaqdhaqaaqa Abwaanka
oo Somali oo dhan Caan ka ah lana garanayn sababta u geysay
in uu xilligaan Kismaayo tago iyadoo dadkii magaalada
lahaa ku jiraan gumaysi iyo gumaad joogta ah. Booqashada
Hadraawi ayaa waxay siinaysaa dhiirigalin kooxaha xooga
ku jooga magaalada inay waxa ay samaynayaan sax yihiin
kuna sii dhiiri galin doonta gumaadka iyo bililiqada ay
ka wadaan magaalada Kismaayo.
MudugOnline.com
Boosaaso: Gacan ku dhiiglayaal
lagu qisaasay Maanta Bosaaso
Bosaaso [MOL] 19 July 2003- Waxaa maanta
toogasho qisaas ah lagu fuliyey askar dhan sedex askri
oo ka tirsanaa ciidanka qalabka sida ee maamulka Puntland
kuwasoo horay u dilay qaar kale oo ka mid ahaa ciidanka
Puntland. go'aanka dilkaasi ayaa waxaa xakumay maxkamda
ciidanka puntland.
Raga qisaasta lagu fuliyey ayaa waxaa
ka mid ahaa nin dilay askari ahaa dadka loo yaqaan jareerta
ee dega K/Somaliya oo ka tirsanaa ciidanka puntland.
Goobta toogashdu ka dhacaysay manata ayaa
waxay ahayd meel fagaare ah waxaana goob joog ka ahaa
masuuliyiin ka socota mamaulka o isugu jira kuwa amniga
iyo dadwayne aad u farabadan. masuuliyiinta goobtaasi
timi ayaa waxaa ka mid ahaa gudoomiyaha gobolka duqa
magaalada boosaso taliyaha qaybta boliska puntland iyo
masuuliyiin kale.
Raga qisaasta lagu fuliyey ayaa waxay
kala ahaayeen:
1. Axmed Cabdi Yuusuf
2. Deeq Barre Shiikh
3. Axmed Maxamuud Faarax
Qisaata noocaan ah yaa waxaa ku qancay
dadweynaha reer Boosaso o u arka mid sharci ah qaar
ayaa waxay ku tilmaameen in aanay dhici doonin dad ciyaar
loo dilo mar danbe.
Weriye c/risaaq Sheekhaduun
Mudugonline.com
WADAMADA SAFKA HORE OO SHEEGAY
INAY KA MIDEYSAN YIHIIN ARINTA SOMALIYA.
NAIROBI, [MOL] 19 July 2003– Wadamada
safka hore la isku yiraahdo ee xuduuda la leh Soomaaliya
ayaa waxa ay sheegeen inay ka mideysan yihiin dadaalka
ay ku doonayaan in lagu guuleeysto wada hadalka nabada
Soomaalida ee ka socda dalka Kenya, sidaasina waxaa
lagu sheegay war ka soo baxay Wasaarada Arrimaha dibeda
ee Kenya.
Warkan ayaa waxa uu daba socday sida uu
ku waramay Wasiirka Arrimaha dibeda Kenya Kalonzo Musyoka
hadal dhawaan ay sheegtay saxaafada oo sheegayay in
ay wadamada safka hore ee Kenya, Djibouti iyo Ethiopia
ay ku kala qeybsan yihiin arrinta Soomaaliya. Wasiirku
waxa uu sheegay in ay ku boorinayaan kooxaha Soomaalida
ee shirka inaanay qaadin wax talaabo ah oo Qatar gelin
kara wada hadalka oo haatan gaaray heer xasaasi ah.
Kalonzo Waxa uu uu sheegay in Dawlada
Kenya ay sii wadi doonto dhexdhexaadinta wada hadalada
nabada Soomaaliya iyo Suudaan, isagoo mar kale sheegay
in dawlada Kenya ay diyaar u tahay inay ka qeyb qaadato
ciidamo kasta oo nabad ilaalineed oo Soomaaliya la geeyo.
Dhinaca kale waxa uu beeniyey wararka
sheegaya in Kenya ay isku dayayso inay dhexdhexaadiso
xiriirka aan fiicneyn ee u dhaxeeya Soomaaliya iyo Ethiopia.
Warbixin kale oo gaar ah ayuuna ku sheegay in Kenya
marnaba aan la weydiisan inay dhexdhexaadiso labada
wadan ee deriskeeda ah.
Weriye c/risaaq Sheekhaduun
Mudugonline.com
Kismaayo oo
khatar dagaal qarka u saaran
Kismaayo, (AllPuntland)- Xaalada magaalada
dekeda ah ee Kismaayo ayaa aad u kacsan tan iyo shalay
ka gadaal markii xilalkii ay hayeen laga qaaday xubnihii
ku sugnaa labada ilood ee dhaqaalaha laga helo magaaladaasi.
Maleeshiyooyin iyo saraakiil ka soo jeeda beesha Habar-Gidir
ayaa la wareegtay xilalkii iyo mas'uuliyadii maamulka
Dekada iyo Garoonka Diyaaradaha magaalada, kuwas oo lagu
badalay kuwii horay u joogay, lama yaqaan sababta keentay
isbadalka.
Arintaas waxaa ka gadooday beesha Mareexaanka oo Maleeshiyooyin
beeshaas ka tirsan ay shalayba xirteen dhigteena jidgooyooyin
wadooyinka magaalada, goobahaas oo lagu baarayo wixii
soo mara lagana qaadayo lacag.
Shalay iyo xalay waxaaa yaraaday isu socodka gudaha magaalada
arintaan darteed, xaalada ayaana gaartay halkii ugu saraysay
oo cabsi xoog leh laga qabo inuu yimaado isku dhac keena
dagaal qarxa saacad kasta, haddaan la xalin arinta khilaafka
abuurtay.
Isbahaysi ka kooban labada beelood ayaa bartamihii 1999-kii
dagaal weerar ah oo ay kusoo qaadeen deegaankaas kula
wareegay gacan ku haynta magaalada, iyadoo xiligaas wixii
ka dambeeyay ay magaalada ka dhacayeen dagaalo dad badani
ku dhinteen oo isku dhacyo beelaha wada haysta halkaasi
ay sabab u ahaayeen.
AllPuntland
|
