Ottawa [MOL] 18 July 2003- Madaxwaynaha Wadanka Maraykanka ayaa waxaa soo food saaray eedayn xoogleh oo ku saabsan duullimaadkii wadanka Iraq oo uu cuskaday warbixino been abuur ah oo ay Sirdoonka Maraykanka iyo Ingriisku ka been abuureen Wadanka Niger, Mudanayaal Democratic ah oo ka tirsan Aqalka Odayaasha ayaa waxay sheegeen in madaxwaynuhu dhumiyay kalsoonidii looga baahnaa wakhtiga dagaalka iyo la dagaalanka argagixisada isla mar ahaantaasna uu wadanka Maraykanka usoo jiiday magac xumo iyo in been abuur lagu barto iyadoo bay yiraahdeen aan illaa iyo hadda la hayn wax caddayn ah oo tilmaamaya in Iraq ay haysatay hubka lagu eedaayay ee aad wax u gumaada.

 Sidoo kale waxay odayaashu sheegeen warbixintii uu madaxwaynuhu ka jeediyey Khudbad Sannadeedkii 2003 iyo midii Colonel Powel ka jeediyay Golaha Qaramada Midoobay ay kala duwanaayeen iyadoo bay yiraahdeen madaxwaynuhu Isticmaalay warbixinta Sirdoonka Colonel Powelna uu ka gaabsaday inuu isticmaalo, iyadoo labada Khudbo asbuuc kaliya uu u dheexeeyay.Waxaa kaloo isaguna tilmaamay eedaynta Iraq inay been tahay Hogaamiyihii hore ee Baarayaasha Hubka Iraq Mr, Henis Blex oo ku tilmaamay warbixinata sirdoonka Maraykanak iyo Ingiriiska kuwa xaqiiqda ka fog. Codbixin dhawaaan laga qaaaay dadka Maraykanka ah ayaa tilmaamaysa in boqwolkiiba konton in ka badan dadka Maraykanku inay rumaysanyihiin eedayntii madaxwaynaha ee wadanka Iraq inay been abuur ahayd, aftida ayaa intaas ku dartay inay dadku hadda wixii ka danbeeya ay tahay inay si aad ah isaga fiiriyaan Go'aamada Madaxwayne Bush iyo Maamuulkiisa Muxaafidkaa. 

Madaxa Sirdoonkla Maraykan ka George Tennet ayaa sheegay in madaxwaynuhu Isticmaalo warbixinta beentaa inuu isagu ka mas'uul ahaa inkastoo Joornaalka Washington Post  uu sheegay in Madaxwaynaha Khudbaddiisa ay CIA-du ka saartay warbixinta tilmaamaysa in Iraq Niger ka dalbatay macdanta Uraniumka. Si kastaba arrintu ha ahaatee waxaa haatan dunida u cadaatay in Maraykanku uu yahay galigi taliye xoog badan oo manaxe ah.

Todobaadka iyo Dhacdooyinka Dunida
MudugOnline.com

Ottawa [MOL] 18 July 2003- Siyaasiyiin Ka Tirsan Wasaradda Arrimaha Dibadda ee Wadanka Maraykanka ayaa sheegay inay warbixin ay u soo Gudbiyeen Siyaasiin North Korea ah ay sheegayso inay North Korea ay haatan haysato 8000 oo ah tuubooyinka laga sameeyo Qumbulo Duriyaha taas oo  North Korea u saamaxaysa inay illaa lix madax oo hor leh samaysato halkii markii hore loo malaynayay labo madax kaliya inay haysato.

Warbixintan ayaa naxdin iyo lama filaan ku noqotay maamulka Madaxwayne Bush waxay kaloo hubin la'yihiin inay North Korea arrintaan ula jeedo inay maraykanka lacag baad ah uga hesho qorshaha ku saabsan hubkeeda Nuclerka ah. Waxaa kaloo ay Maraykanku sheegeen inay hawo ay ka qaadeen Warshadda Nuclearka ay North Korea ay tilmaamayso inay North Korea dib u bilowday kordhinta quwadeeda nuclearka. Siyaasiyiin sar sare  oo ka tirsan maamulka madaxwayne Bush ayaa tilmaamay in laga yaabo in Maraykanku dagaal ku qaado North Korea isla sannadkaan dhexdiisa.

Maraykanka ayaa isagu raba wada hadalkasta o lala galayo North Korea inay ka mid noqdaan China, Japan iyo South Korea taasi oo ay si cad u diideen Maamulka Pyongyang ee North Korea.

Todobaadka iyo Dhacdooyinka Dunida
MudugOnline.com

Ottawa [MOL] 18 July 2003- Wasiirka Caafimaadka Maraykanka Tommy Thompson ayaa sheegay in ay ka dhimantahay 800 Million lacagtii loogu talo galay in lagula dagalamo Aidska, Qaaxada iyo Maleriyada, sidoo kale isla arrintan ayaa looga hadlayaa shirka Caalamiga ah ee la dagaalanka Aidska oo ka dhacaya Magaalada Paris ee Wadanka Frence. Wasiirka ayaa la filayaa inuu arrinta la wadaago wasiiro ka yimid Qaaradda Africa, Hay'adda Caafimaadka Aduunka WHO iyo UNAids sidoo kale waxa la filayaa shirarkaas inay ka soo qaybgalaan  ururada u dhaqdhaqaaqa la dagaalanka Aidska sida South African Treatment Action Campaign.

Lacagta lagula dagaalamo Aidksa ayaa waxaa horay badankeeda u ballanqaaday Madaxwaynaha Wadanka Maraykanka waxaana loogu talo galay in lagula tacaalo cudur dilaaga ah ee Aidska iyo in ka hortag loogu sameeyo dadka aan haatan Aids-ka qabin.

Lacagta Khasnadda ugu jirta ururka la dagaalanka Aids-ka, Qaaxada iyo Maleriyada ayaa lasheegay inay tahay 300 million aysanna daboolin karin dhowka bilood ee soo socda mashaariicda la rabo in la fuliyo.

Todobaadka iyo Dhacdooyinka Dunida
Mudugonline.com

Ottawa [MOL] 18 July 2003- Kuwait ayaa sheegtay inay diiday in wadanka Iran usoo gacan galiso Afhayeenkii ururka Al-Qaeda oo magaciisa la yiraahdo Sulayman Abu-Qays, waxayna Kuwait sabab  uga dhigtay diidmadeeda inay ninkaas dhalashadii ka qaaday kadib markii Abu-Qays ShaashaddaAl-jazeera laga soo saaray isagoo canbaaraynaya weerarkii Maraykanku ku qaaday dalka Afghanistan sanadkii 2001 wuxuuna Maraykanka uga digay inuu aad uga shalayn doono weerarka gardarada ah ee uu ku qaaday Dalka Afghanista.

Sulayman Abu-Qays ayaa wadanka Kuwait aad caan uga noqday sanadkii 1990 markaas oo uu dadka Kuwait ku booriyay inay wadankooda ka xoreeyaan Saddam Xuseen oo xoog ku qabsaday, markuu Maraykanku ka saaray Saddam Xusen Kuwait ayaa Abu-Qays wuxuu bilaabay inuu khudbooyinkiisa  wax kaga sheego xukunka reer Al-nahyaan ee Kuwait ka taliya, taasina waxay sababtay in Abu-Qays laga joojiyo inuu meelo fakaare ama masaajidda ka khudbeeyo. Abu-Qays wuxuu Afghanistan aaday kadib markii qaraxu ka dhacay xurintii Ganacsiga ee ku yaallay New York.

Maraykanku in muddo ah ayuu wadanka Iran ku eedaynayay inay hoy siisay dadka looga shakisaanyahay inay ka midyihiin ururka Al-qaeda iranna si kulul ayay uga jawaabtay eedaymaha ka soo yeerayay Maamulka Bush waxayna tiri  qofkii ka tirsan ururka Al-Qaeda ee wadanka Iran lagu qabto waxaan u gudbinaynaa wadankuu u dhashay.

Dad badan oo carab ah ayaa wadanka Iran uga gudbay wadamadoodii hooyo qaar badanna intay Iran qabatay ayay u gacan galisay wadamada Sacuudiga iyo Yemen.

Todobaadka iyo Dhacdooyinka Dunida
Mudugonline.com

Ottawa [MOL] 18 July 2003- Waa markii saddexaad ee Saddam Xuseen usoo diro Shaashadaha Carabta cajalad cod ah tan iyo markii maraykanku xuganka xooga uga qaaday. Cajaladaan ayaa Saddam si aad ah wax uga sheegay sababihii beenta ahaa ee Maraykanka iyo Ingiriisku u cuskadeen inay dagaalka ku qaadaan wadanka Iraq, sidoo kale wuxuu Saddam sheegay in 25 labaatanka xubnood ee Maraykanku ka taliya yiri wadanka Iraq inay yihiin rufiyaamiin calooshood u shaqaysatayaal ah.

Saddam ayaa cajaladan soo saaray iyadoo ay maanta tahay sannad guuradii 35 shanaad tan iyo intii xisbiga Al-Bacthy uu talada wadanka Iraq la wareegay. Wuxuu kaloo Saddam ka codsaday dadka reer Iraq inay iska xoreeyaan kuwa xooga ku haysta, wuxuuna kaloo waxba kama jiraan ku sheegay inay Iraq haysato hubka  Maraykanka iyo Ingiriisku ku eedayeen.

Sida wariyayaasha reer galbeedku sheegeen ciidamada Maraykanka ee jooga Iraq ayaa maalin kasta lagu soo qaadaa illa saddex iyo toban weerar ugu yaraan. John AbiZaid oo ah Generealka xukuma Ciidanmada maraykanka ee jooga Khalija ayaa sheegay inay haatan la dagaalamayaa ciidmo u dagaalamaya sidii Guriilaha dagaalkoodna ay la beegsanayaan goobaha jilicsan iyo askarta Maraykanka ah ee kaligood ah ama wadada maraya.

Todobaadka iyo Dhacdooyinka Dunida
Mudugonline.com