|
Gaalkacyo [MOL] 10 July 2003- Wararkii ugu dambeeyay
ee ka imaanaya deegaanka tuulada Afbarwaaqo ee ka tirsan
degmada Jariiban ayaa sheegaya in Maanta deegaankaasi
xasiloonaa dagaalkii
shalay ka dib. warka ayaa intaas ku daraya in wararka
soo gaaraya magaalada Gaalkacyo sheegayaan in dagaalku
iskiis u istaagay shalay gabal dhicii iyadoo qolo walba
ku mashquulsan tahay asturka meydka iyo daryeelka dhaawicii
shalay. dhimashada dagaalkii shalay ayaa la sheegay labada
dhinacba inuu gaarayo 43 qof halka dhaawacuna ku dhawyahay
illaa 100 qof.
Waxaa meelo badan oo Puntland ah iyo Somaliyaba laga
soo diray baaqyo xabad joojin ah walise ma cadda in dagaalkaas
dhamaaday iyo in uu dib u bilaaban doono. Labada beelood
ee dagaalku u dhaxeeyo oo deegaankaan wada dega ayaa waxaa
ka dhexeeyay aanooyin qabiil oo socday mudo dhawr sanno
ah taas oo odayaasha beelahu ku guulaysan waayeen inay
heshiis kama dambays ah ka gaaraan.
Mudugonline.com
Wararkii ugu dambeeyay Dabkii
shalay qabsaday xaafad Bossaaso ka mida.
Bosaaso [MOL] 10 July 2003- Sidii uu shalay
war deg
deg ahaa nagu soo gaarsiiyay weriyahaga Magaalada
Bosaaso C/risaaq Sheekhaduun waxaa shalay dab qabsaday
xaafad ka mida xaafadaha Bossaaso oo loo yaqaan Buulo
Eelay oo ay deganaayeen dad qaxooti ah oo ka kala yimid
Koonfurta Somaliya iyo wadanka Itoobiya. Dabkii shalay
oo holiciisa oo badnaa dabayl xoogana hurinaysay aan
lagu guulaysan dabintiisa ayaa xaafadaas u geystay qasaare
balaaran oo naf iyo moodba leh. inta la ogyahay 6 qof
ayaa ku dhintay dabkaas boqolaal dad qoxooti ahina waa
ku guryo beeleen.
Maamulka Gobolka yaa balan qaaday inay
u gurman doonaan dadkaas qaxootiga ah iyadoo hawsha
ugu horeysa ay tahay sidii dadkaas loo gaarsiin lahaa
teendhooyin ay dabaysha iyo kulaylka Bosaaso oo xilagan
sareeya ka galaan.
»»Halkaan
ka aqriso war kale oo arintaas la xiriira iyo Sawiro
tusinaya waxyeelada dabkaas geystay»»
Mudugonline.com
|
