Shirkii
Eldoret oo khilaaf cusubi soo wajahay
Eldoret, 6 Jan 2003 (MOL) -
Wararka ka imaanaya Magaalada Eldoret ee uu
ka socdo shirkii dib u heshiisiinta Somaliya
ayaa sheegaya in khilaaf iyo isafgaranwaa
cusub soo wajahay shirka ka dib markii habeenkii
Xalay ay gudiga qabanqaabada IGAD soo saareen
liis ergooyin cusub oo ka badan 300-kii ergay
ee awal ay ku heshiiyeen hogaamiyaasha iyo
Dawlad goboleed Puntland. tirada liiska ergada
cusub ayaa la sheegayaa inuu gaarayo illaa
396, tirada ergooyinka ayaa la soo sheegayaa
in intooda badani yihiin ergooyin cusub oo
aan ahayn kuwii horey loo soo magacaabay.
Ergayaga Kenya Muwangale ayaa
sheegay in tirada cusub ay ka dambeeyeen dawladaha
deeqda bixiya walow aysan arintaas wax xaqiijin
ah uusan ka bixin ergayga Kenya. Shirka Eldoret
ayaa illaa iyo intii uu bilaamay bartamihii
bishii Oktobar aysan wax horumar ah oo la
taaban karo laga gaarin. rajo badan ayaan
dadka Somalidu ka qabin in shirkaan ka soo
baxdo Dawlad loo dhan yahay illaa inta wax
laga badalayo habka iyo qaab maamulka IGAD
oo uu hadda ku socdo oo ah Fawdo, laaluush
iyo jaahwareer aan la garanayn meel uu u socdo
shirku.
Mudugonline.com
Madaxweynaha Puntland
Cabdulahi Yusuf oo la filayo inuu shirka
Eldoret dib ugu soo nqodo.
Garoowe, 6 Jan 2003 (MOL)
- Wararka ka imaanaya magaala madaxda Dawlad
goboleedka Puntland ee Garoowe ayaa sheegaya
in Madaxweynaha Dawlad Goboleedka Puntland
Cabdulahi Yusuf la filayo in uu dib ugu
soo noqdo madasha shirka Somalida ee magaalada
Eldoret ee Dalka Kenya dhamaadka asbuucaan
ama asbuuca dambe. Cabdulahi Yusuf ayaa
shirka ka soo qaatay fasax si uu u xaliyo
arimo xasaasi ah oo ka jiray Puntland oo
ay ugu weynayd Ciidan mucaarad ah oo uu
hogaaminayay Gen. Cadde Muuse oo isku uruursaday
buuralayda Dhuudo iyo lacago been abuur
ah oo wadanka soo galay oo loo xirxiray
saraakiil ka tirsanaa Dawlada. Ka dib dagaal
gaystay qasaare balaaran labada dhinacba
ayaa Ciidanka Daraawiishtu ku guulaysteen
inay ka adkaadaan ciidankii Gen. Cadde oo
hadda u cararay dhinaca xaduudka Dawlada
isku magacowday Somaliland.
Dawlad goboleedka Puntland
ayaa ka codsatay Dawlada Somaliland inay
u soo celiso hubkii, ciidankii iyo gaadiidka
ay la fakadeen Gen. Cade Muuse. wali wax
jawaab ah arintaas kama bixin Dawlada Somaliland
oo la rumaysan yahay haddii caawimaad u
fidayaan mucaaradka Puntland ay faraha la
gali doonaan dagaalka sokeeye ee Somaliya
taasna soo afjari doonto rajadii ay dadka
reer Somaliland ee ahayd inay Somaliya ka
go'aan.
Madaxweynaha Puntland socdaalka
uu ku imaan doono Eldoret ayaa la filayaa
inay ku wehlin doonaan qaar ka mida xukuumadiisa.
Shacabka Garoowe ayaa iyagu aad u soo dhaweeyay
soo noqoshada Dawlad ay Garoowe oo ku soo
noqotay ka dib markii si ku meel gaara ay
Dalwadu u daganayd magaalada Bosaaso. Cabdulahi
Yusuf ayaa dadka Garoowe maanta kala hadlay
Barxada weyn ee Garoowe hlkaas oo uu dad
ugu sheegay in dagaalkii sokeeye ee Carta
ay ka riday Puntland hadda soo afjarmay
haatan waxii ka dambeeyana hay'adaha Dawladu
sidii la rabay u hirgal doonaan.
Mudugonline.com
Gen.
Morgan iyo Wasiirka Malaiyada Puntland oo
Maanta Yimid Garoowe
Garoowe: Waxaa galabta soo gaaray shalay
magaalda Garoowe wafdi uu hogaminayo Gen.
Maxamed siciid Xirsi Morgan oo isagu malmihii
lasoo dhafay ku sugnaa Boosaaso, wafdi Gen.
Morgan oo ay ka mid ahaayeen xubno ka tirsan
ururka SPM/SRRC waxaa kusoo dhaweeyay Garoowe
xubno sare oo ka tirsan madaxda xukuumada
iyo gobolka.
Dhinaca kale wafdi sare oo uu hogaaminayo
wasiirka Maaliyada Puntland Cabdiraxmaan Maxamed
Maxamuud (Faroole) ayaa shalay galab soo gaaray
magaalo madaxda Puntland ee Garoowe, wafdiga
wasiirka oo ka soo kicitimay Boosaaso ayaa
waxaa ka mid ahaa xubno golaha xukuumada,
golaha xukuumada Puntland ayaa lagu waddaa
inuu manta shir halkaas uga furmo.
Iyadoo hadda la dhamaystiray ku soo noqoshaddii
maamulka ee Caasimada Garoowe
AllPuntland
