QABAN-QAABO
LOOGU JIRO SIDII LOO DHISI LAHAA URUR KULMIYA SUXUFIYIINTA
PUNTLAND.
Bosaaso,
17 Feb 2003 (MOL) -Waxaa in mudo ah lagu hawlanaa sidii loo
dhisi lahaa Urur ay ku midaysan yihiin Suxufiyiinta deegaanka
Puntland.kaasoo wax weyn la filayo inuu ka taro dhibaatooyinka
soo Wajaha had iyo goor ama soo foodsaara inta badan Saxaafadda.
Bile
Maxamuud Qaboowsade ayaa loo doortay in uu noqdo Guddoomiyaha
Qaban-qaabada Shirweyne ay yeelanayaan dhamaan Bahda Saxaafadda
Puntland. Bile ayaa wuxuu laba todobaad ka hor kula soo kulmay
Suxufiyiin ku sugan magaalada Gaalkacyo iyo Garoowe, waxayna
isku afgarteen in muhiim tahay sidii loo dhisi lahaa Urur
kulmiya dhamaan Suxufiyiinta.
Marar
badan oo hore ayaa la isku dayey in la taabo geliyo dhismaha
Urur ay yeeshaan Suxufiyiinta Puntland, hase ahatee waxaa
ku yimi caqabado badan, lakiin Xiligan ayaa wuxuu u muuqdaa
mid ay kuwada qanacsan yihiin bal in marka hore shirweyne
looga hadlayo qaab dhismeedka Ururka la iskugu yimaado dhamaan
Suxufiyiinta.
Suxufiyinta
Magaalada Boosaaso ayaa aaminsan in lagama maarmaan tahay
in la dhiso Ururkan wax walba oo ku yimaada waqtigan saxaafada
Puntland. Kulanka Suxufiyiinta ayaa la filayaa in uu ka dhaco
magaalada Garoowe oo caasimad u ah Maamul Goboleedka Puntland
dabayaaqada bisha March.
C/risaaq
Cumar Sheekhaduun Boosaaso
Mudugonline.com
Qof
ku dhintay iyo 6 qof ku dhaawacantay Tacshiirad ay isweydaarsadeed
laba nin oo dablay ah.
Galkacyo, 17 Feb 2003 (MOL) -Hal qof ayaa ku dhintay 6 kalena
waa ku dhaawacantay ka dib markii laba nin oo dablay ah
isweydaarsadeen Tacshiirad Bartamaha
suuqa magaalada Galkacyo Maanta duhurnimadii. Labada nin
oo la soo sheegay in ukala dhasheen beelaha Mariixaan iyo
Ogaadeen ayaa la sheegay inay dagaalku ka bilaamay muran
ka dhashay qalabka Fooneeyaha oo la isku qabsaday. Dadkii
dhaawacmay ayaa haatan lagu daaweeynayaa Cusbitaalka magaalada
arintiina waxaa gacanta ku haya Poliska magaalada.
Shilalka noocaan
oo kale ayaan looga baran deegaanka Puntland inta badana
ka dhaca Koonfurta Somaliya, waxaa muuqata in dhaqan xumada
Koonfurta Somaliya loo soo raray deegaanka Puntland taasna
ay keeni doonto xasilooni la'aan iyo cabsi.
Mudugonline.com
