Hasan
Abshir oo ka badbaaday shil gaari
Nayrobi,
17 Feb 2003 (MOL) -Wararka ka imaanaya magaala Madaxda dalka
Kenya ee Nayrobi ayaa sheegaya in ra'iisal wasaaraha Dawlada
KMG ee kooxda Carta uu ka badbaaday shil gaari ka dib markii
gaarigii uu la socday ay isku dhaceen gaari kale. Gaariga
Xasan Abshir saaraa ayaa la soo sheegay inuu dhawr jeer is
rogrogay uuna gaaray khasaare weyn. Xaalada Xasan Abshir ayaa
la sheegay inuu nabad qabo oo uu ka badbaaday shilkaas balse
warar saxan wali lagama hayo. Xasan Abshir iyo dadkii la socdayba
waxaa isla markiiba loo daad gureeyay cusbutaal ku yaal magaalada
Nayrobi.
Xasan
Abshir ayaa ka mid ahaa ergada Somalida ee ku shirsanaynd
magaalada Eldoret. dhamaan ergada Somalida ayaa maalintii
Sabtida iyo Axada waxaa loo soo daad guraynayay madasha cusub
ee shirka oo ah xaafad ka mida Nayrobi oo lagu magacaabo Mbagathi.
Ergada Somalida ayaa la soo raray ka dib markii urur goboleedka
IGAD awoodi waayeen inay bixiyaan qarashka ku baxaya ergada.
Mudugonline.com
Waraysi
ay Gen. Cadde Muuse la yeelatay idaacada Hornafrik
Muqdishu
, 17 Feb 2003 (MOL)
-Idaacada FM-ka ee laga dhagaysto nawaaxiga magaalada Muqdishu
ayaa waraysi la yeelatay Gen. Cade Muse oo hogaaminayay ciidankii
Mucaaraadka Puntland ee dhawaanta looga itaalka roonaaday
dagaalkii ka dhacay deegaanka dhuudo. Waraysigaas oo dad badan
la yaabeen sida uu u hadlay Gen. Cadde oo ay ka muuqatay xanaaq
badan iyo caro iyo waliba Gen. oo ah nin afgaaban oo aan oo
dhib ku tahay inuu gudbiyo waxa uu ka cabanayo ayuu waraysigaasi
ku dhamaaday ka dib markii Jen. Cade telefoonkii ku damiyay
wariyihii idaacada Hornafrik. su'aasha uu Jen. Cade ka xanaaqay
oo uu diidayay in la weydiiyo ayaa ahayd bal haddii uusan
Dawlada Somaliland ka helin caawino ciidan iyo saanad xagee
kale oo wax uga yimaadaan? Su'aashaas ayaa Gen. Cadde ka taabatay
meel xun ka dibna uu si degdeg ah u soo afjaray waraysigii.
bilihii u dambeeyay ayaa waxaa la soo sheegayay warar isa
soo taraya oo sheegaya in Dawlada Somaliland hubaynayso Mucaaradka
Puntland oo hadda uu hogaamiyo Gen. Cade Muse. arintu si kasta
ha ahaatee su'aasha hadda la isweydiinayo ayaa waxay tahay
maxaa dheriga karka ka keenay? Maxaa Gen. Cadde su'aashaas
uga xanaaqay haddii uusan caawino ciidan iyo mid hub ka helin
Somaliland? waxaa iyana waraysigaan ku cad in Gen. cadde Muuse
uusan haatan diyaar u hayn wax nabad ah oo uu la galo Maamulka
Cabdulahi Yusuf oo iyaga sida muuqata raadinaya in qilaafkaan
si nabad galyo ah lagu soo afjaro.
Afgaabnida
oo ay Caadiyan u badan yihiin saraakiisha Puntland ku abtirsada
kuna dhashay Koonfurta Somaliya haatana ku jira siyaasada
Puntland ayaa noqotay arin muhiim ah dadka Puntlandna si gooni
ah ugu dhaga nuglaadaan, Deegaanka Puntland ayaa caadiyan
xushmo gooniya bulshadu u haysaa hogaamiyaasha afmaalka ah
oo ajendahooda siyaasadeed si sahlan bulshada ugu cadayn kara.
Jan. Cadde iyo Jamac Cali Jamac ayaa labaduba u hadlaan sida
dhalinta Magaalada Muqdishu ku barbaartay, Lahjada lagaga
Hadlo Magaalada Muqdishu ayaa inta badan dadka Puntland ku
maadeeystaan taas oo adkaynaysa si Gen Cade iyo Jamacba u
helaan dad dhagaysta oo arimaha ay ka hadlayaan siiya muhiimad
gaara. (Halkaan
ka dhagayso waraysiga oo maqal ah)
Waxaan
hoos idinku soo gudbinaynaa waraysigaas oo qoraal ah oo kooban.
HA:
Generale sidee hadda u aragtaa xaaladaan hadda socota?
Gen.
Cadde: Haah, xaaladayadu waa fiican tahay, insha ALLAAH haddana
ciidankayagu guduhuu ku jiraa, waa fiicanahay, ee haddeed
dagaalkaas baa jirah, haddee anagu waxkeelo kuu hayo ma jirto,
Anaga dagaalbaa Cabdullaahi nagu qaaday, dhulkayagii buu bixiyay,
haddeed baaqna inuu sameeyay, uu lee yahay nabad baan rabaa,
haddee Cabdullaahi Yusuf hadduu nabad rabo, wax yaalihii lagula
hadlay markuu fuliyo waa lala hadli karaa laakiin inta kale
lama hadli karno, ciidankayagu waa diyaar dhawaan idaacadaha
aduunka waxbaad ka maqli doontaa.
HA:
Marka hadda adigu halkeebaad igala hadlaysaa Jeneraale?
Gen.
Cadde:
Anigu dhulkaan kaala hadlayaa ee gobolkaas baan kaala hadlayaa
Bari, meel ah baan jooga.
HA:
Markaa hadda kolay dagaalkii ka dhacay Dhuudo, een waxaa wararku
sheegayaan in adiga xoogaa khasaarooyin farabadan dhinacaaga
ay soo gaareen, marka bal ka waran maxaad khasaaro ah oo kala
kulantay dagaaladii ka dhacay Dhuudo?
Gen.
Cadde Anigu taas ka hadli maayo, maxaa jira ee dhulka ninkii
yimaadaa ogaan kara, ee waana ka xumahay dagaalka dhacay oo
dadkayagii famiil ahaan baan isugu dhimanay meel kastaba waxaa
weeye dad wada dhashay baa wada dhintay, marka anigu sheegi
mayo labadayada midkii khasaaro gaartay.
HA:
Wararka qaar waxay sheegayaan in een wasiiro ka tirsan maamulka
kornayl Cabdullaahi Yusuf aad is aragteen oo aad wada kulanteen,
wararkaas baa Boosaaso naga soo gaaray ee maxaa ka jira?
Gen.
Cadde: Waa been wax ka jiraa ma jiraan, mid Cabdishakuur
la yiraahdaa been qoray, afar baa nala hadleen, hadday yiraahdeen
iyagaa soo doontay nin nala shaqeeyay la hadleen, anay ii
dhiibeen aniguna wax wanaaga kalama kulmin, wanaag uma samaynin
oo waxay wateen oo waxaan iri la taga, mar dambana hana soo
wicina.
HA:
Marka ma is aragteen mise waa wicitaan uun?
Gen.
Cadde: Teleefoon ay nin u soo direen weeye.
HA::
Marka maxay idin waydiisanayaan adiga, Telefoonka waa maxay
sababta ay idiinku soo direen?
Gen.
Cadde:
Walaahi ma naqaan, ninkay is yaqaaneen, oo wasiir ay isla
ahaayeen, xaga isla joogeen Boosaaso, ninkaas bay soo waceen
HA::
Ninkaasi marka waa kuma?
Gen.
Cadde:
Waa nin Maxamuud Shido la yiraahdo, weeye.
HA:
Hadda adigu ma doonaysaa in haddii siddaas oo kale lagaaga
dalbado in wadahadal lagu yeesho inad aqbasho?
Gen.
Cadde: Anigu waxaan ku iri siyaasi ma'ihi, ee dhibaatada
dadka haysata inaan ka saaraan rabaa, maalintay ii dhamaatana
Kanadaan ku noolaan jiray iyadaan aadayaa.
HA:
Kornayl Cabdullaahi Yusuf wuxuu ku eedaynayaa Somaliland inay
gacan weyn ku siisay oo hub iyo saanad iyo siddii aad dib
maad aragtay isugu hubayn lahayd inay gacan weyn ka gaysato,
taas maxaa ka jirah?
Gen.
Cadde:
Waa beentaa adigaa been sheegaya iyo isaga, ciddee la jirtaa,
Cabdullaahi Yusuf hadduu kugu yiri... war maqal waryaa, Cabdullaahi
Yusuf wuxuu kugu yiri aniga ha ii sheegin.
HA:
Marka haddee halkee baad hubka iyo saanada aad doonayso halkee
bay kaaga imaanayaan? Generale
Gen.
Cadde:
Yaanan ku caynin.
HA:
Marka hadda adigoo mahadsan ma nabad baad wax ku doonaysaa
mise haatan waxaad doonaysaan inaad abaabul samaysaan, adoo
mahadsan?
Gen.
Cadde:
Adeer raali ahoow nabadeey.
HA:
waa tahay aad baad u mahadsan tahay, kaasna waxuu ahaa Jen.
Cadde Muse.
(ka
dhagayso halkaan Riix-Guji)
Mudugonline.com
Shir
ka furmay Xurunta Cilmi Barista Puntland
Garoowe
, Feb 16, 2003 (AllPuntland)- Shir balaaran oo ay soo qaban
qaabisay hay'adda laga leeyahay dalka Swededen ee Diakonia
ayaa saaka 8:30 kii ka furmay xarunta cilmi baarista Puntlanda
ay ku leedahay magaalada Garoowe ee caasimadda Puntlnad.
Shirkaan
oo uu abaabulay Madaxa xarunta Cilmi baarista iyo hawlaha
Puntland C/raxmaan Cabdille Shuuke, waxa uu socon doonaa sadex
maalmood.
Waxaa
furay wasiirka arimha gudaha iyo dawladaha hoose Axmed Cabdi
Xaabsade iyo latliyaha madaxwaynaha ee dib udhiska iyo horumarinta
Maamulka Puntland C/kaafi Cabdi Abshir, waxaana kasoo qayb
galay xubno ka socda Baarlamaanka Puntland hay'ado caalami
ah iyo NGO yo kala duwan iyo sidoo kale aqoonyahano ka kala
yimid dawlad goboleedka Puntlnd.
Waxaana
shirkaan looga wada hadlayay siddii sare loogu qaadi lahaa
hawlaha ay qabtaan hay’adaha amniga ee ay ka mid yihiin
maxakamadaha.
Madaxadii
kasoo qaybgashay ee ajnabiga ahaa waxaa ka mid ahaa Madaxa
iskaashiga Caalamiga ah ee hay'addda Diakonia Mr Uwa.
Farayaamo
AllPuntland
