MUNAASABADLE ,TIR .40aad ,Kismaayo ,Jimco, 7 dii Febraayo ,2003 , waxaa soo saara Waamo Information Center- Cali Saciid Max’ed , Tel :254722723344.Email :assiyaasa_newspaper@yahoo.com

---

Wararka Assiyaasiya ee Toddobaadkan waxaa ka mida:

KU TUMASHADA XUQUUQDA AADANAHA OO HEERKII UGU XUMAA GAARAY REER SOOL & SANAAG OO CANBAAREYN U SOO JEEDIYEY UN-SOOMAALIYA . DUQII HORE MAGAALADA BURCO OO LOO XIRAY CALANKA SOOMAALIYEED OO AY KA SUREEN BURCO. CUSMAAN CAATO OO CARQALAD CUSUB WADA WAA CUSUB OO U BARYEY URURADA BULSHADA RAYIDKA BEEN ABUURKA AH MUDANE C/LAAHI CADDOW OO MUSHARAXNIMADIISA AY SOO FOOD SAARTAY DHIBAATOOYIN WARGEYSKA KULMIYE OO AY SUMCADDIISA BAABA’DAY Beesha Dir ee shirka Eldoret oo bayaan wada jir ka soo saaray qaabka Soomaliland ay uga soo qeyb galeyso Nin Soomaali oo Kiristaan oo sheegtay inuu u doodayo xuquuqda dadka Kiristiyaanka ah

Jimco,7/2/03, KISMAAYO

KU TUMASHADA XUQUUQDA AADANAHA OO HEERKII UGU XUMAA GAARAY

Magaalada Kismaayo oo ay 3dii sano ee ugu dambeysay ay ku hoos jirtay gacanta malleeshiyada Reer Galgaduud oo ka ammar qaadata Dambiilayaasha Dagaal ee la kala yiraahdo Barre Aadan Shire ( Barre Hiiraale )oo ah reer Caabud Waaq ah iyo Seraar oo reer Guuro Ceyl ah waxey magaalada Kimaayo u geysteen dhibaatadii ugu badneyd kolka loo eego kufsashada faraha badan oo ay la kulmeen dumarka reer Kismaayo labadii toddobaad ee la soo dhaafay , Hey’adda Xuquuqda Aadanaha Soomaaliyeed waxey ku eedeyneysaa iney howshaasi ay ka dambeeyaan labada dambiile dagaal ee shirka Eldoret jooga kuwaasoo ka soo jeeda guryo tarbiyad la’aani ay ka jirtay xilligii ay caruurta ahaayeen , si ducfiga heysto ay kabid uga dhigaan ayey dhaqan xumidaasi uga sameynayaan Halkaa .

REER SOOL & SANAAG OO CANBAAREYN U SOO JEEDIYEY UN-SOOMAALIYA .

Annagoo ah xubnaha beelaha Soomaaliyeed ee deggan gobollada Sool iyo Sanaag uga soo qeyb galaya Shirka dib u heshiisiinta Soomaalida ee Eldoret waxeynu halkan ku canbaareyneynaa UN / Soomaaliya laanteeda ugu qaabilsan Isku xirka howlaha Bani’aadannimo oo marka lasoo gaabiyo loo yaqaan SACB, sababtana waxa weeye qoraal ay faafisay Jannaayo 2003 waxey ku sheegtay degaannadeena Sool & Sanaag iney Somaaliland ay ka tirsan yihiin , taasoo caddeyneysa faragelin iyo isku dir dadka Soomaaliyeed oo ay daashadeen dagaallada sokeeye 12kii sano ee la soo dhaafay .

Waxeynu ka xurownay gumeystayaashii reer yurub 26kii Juun 1960kii ilaa iyo maanta waxeynu nahay ummad xur ah oo madax bannaan annaga ayaa ka tashanna aayahayaga hadba waxa nala gudboon oo aynu u aragno maslaxaddayada iney ku jirto ayaan ku dhaqaaqnaa, keliya waxaa ina heysta burburkii saameeyey ummadda Soomaaliyeed meel kasta ay joogto .

Waxeynu go’aansannay ineynu innaga & ehelladayada ku nool gobollada Woqooyi bari Soomaaliya ineynu wada jir u dhisanno maamulka Puntland , waxaase jirtay muddadii Soomaaliya ay burbursaneed taakulada iyo deeqaha UN Soomaaliya ay ugu talogashay degaannadeenna ay wiilshii ay dhaleen gumeystayaasha Reer yurub ee mas’uulka looga soo dhigay UN-ta laanta ugu qaabilsan Isku xirka howlaha Bani’aadannimo iney Hargeyso geeyaan , si ay inoogu khasbaan inaan u hoggaasanno maamulka dowladda iskeed is magacowday ee Somali land , annagu taasi weynu diidnay kana go’imeyno walaalahayaga Soomaaliyeed , waxeynu ka codsanay-in haddii ay diideen iney deeqaha inoo soo marsiiyaan maamulka Puntland –iney si toos ugu dhiibaan Siyaasiyiinta iyo Isimada Reer Sool iyo Sanaag iyadana wey diideen , keliya waxaa haray in nala ku khasbo aqbalidda goosashada .

Soomaalida waxey ku mahmaahdaa ( Haddaad dhimaneyso dhareerka waa la iska duwaa ) , wax kasta aan ku waaynee katana zulimeyno midnimada Soomaaliyeed .waxeynu u sheegeynaa wiilasha gumeystayashii reer Yurub ee hadda UN Soomaaliya ka taliya iney qeyb libaax leh ay ku leeyihiin burburka Soomaaliya welina ay ku dhaqmayaan sidii aabbayaashooda fikraddii ( Qeybi oo xukun), tusaale dhacdadii ugu dambeysay ee labo bil muddo haatan laga joogo markuu Hoggaamiye kooxeedka Daahir Riyaale Kaahin uu soo weeraray magaallada Laascaanood oo uu halkaasi ku laayey dad fara badan oo rayid ah , waxey taasi tuseysaa qaabka ay wiilasha gumeystayaasha u dhiirri gelinayaan iska hor imaadka beelaha deriska ah .

DUQII HORE MAGAALADA BURCO OO LOO XIRAY CALANKA SOOMAALIYEED OO AY KA SUREEN BURCO.

Mushkiladda ugu ee ka jirta Soomaaliland waa ku xadgudubka xuquuqda aadaanaha , dhacdadii ugu dambeysay waxey tahay xariggii la xiray duqii magaallada Burco iyo 3 nin oo kale , sababta dhab ahaan loo xiray waxa weeye calankii Soomaaliyeed oo ay ka sureen magaalada Burco , waxaa la yaab leh sida ay BBC-da laanteeda Af-Soomaaliga u marin habaabisay ummadda Soomaaliyeed iyo Mujtamaca Caalamka markii ay ka been sheegtay xaqiiqda dhabta ah ee loo xiray duqa magaalada iyo saaxiibadii oo ay ku sheegtay in loo xiray kulankii ay la yeesheen madaxweynaha Puntland iyagoo kala hadlay iney dhexdhexaadiyaan fallaagada Puntland ee hadda ku sugan degaannada Soomaaliland meel ka tirsan , taa lafteeda haddii ay sameeyeen wey ku ammaanan yihiin .

Waxey Hey’adda Xuquuqda Aadanaha Soomaaliyeed ka codsaneysaa maamulka Soomaaliland inuu soo daayo Duqii hore magaalada Burco iyo saaxiibadii shuruud la’aan , waxey kaloo hey’adda ka codsaneysaa mujtamaca Caalamka iney deeqaha iyo taakulada ka jaraan maamulka Soomaali land ilaa ay u soo celinayaan xurriyaddii ay ka xayuubiyeen duqii hore ee magaalada Burco iyo saaxiibadii iyo in BBC-da laanta Afka –Soomaaliga lagu cadaadiyo maamulka hey’adda BBC-da iney cayriso shaqaalaha ka been sheega dhacdooyinka la xiriira ku tumashada xuquuqda aadanaha , oo ay shaqaale ka run sheegayo xaqiiqooyinka jira qorato , maadaama ay badatay ka been sheegidda dhacdooyinka Soomaaliya .

CUSMAAN CAATO OO CARQALAD CUSUB WADA

wuxuu abaabulay koox dumar iyo dhallinyaro si shirka khaakhuul ay u geliyaan oo la is maqli waayo una lunto nidaamkii iyo kala dambeyntii uu shirku ku socday markii ay ka qey gelayeen 23ka Hoggaamiye ee Siyaasadda oo keliya , waxaa kaloo shirka carqalad ku haya ka qeyb galka Axmed Cumar Jees oo uu Caato dabada ka wado waxey Jees siyaasiyiinta & Isimada beelaha Absame ay ku eedeynayaan inuu yahay xubin Al-Qaacidda ah iyo isagoo lug ku lahaa dilkii Xaaji C/ Laahi Qorraxey , isaguse wuxuu ku andacoonayaa arrimo aan caqli gal aheyn , arintuse sida uu ku andacoonayo wey ka duwan tahay oo wuxuu waayey kalsoonidii Beelaha Absame.

Caato waxey dhakhaatiirta kula taliyeen inuu muddo 10 sano ka nasto siyaasadda iyo ganacsiga , amarkaasi wuu jebiyey isagoo u heysta iney tahay khiyaamo ay dad kale ka dambeeyaan , si looga faa’iideysto inta uu siyaasadda ka maqan yahay , la arki doonee midda rumowda digniinta dhakhtar ka iyo khatarta uu uga imaani karta haddii uu fulin waayo amarrada dhakhtarka iyo iney socoto waxa isaga uu rabo inuu helo ayadoo uusan la kulmin wax dhibaato ah.

WAA CUSUB OO U BARYEY URURADA BULSHADA RAYIDKA BEEN ABUURKA AH .

Guddoomiyaha cusub ee Shirka Dib u Heshiisiinta Soomaalida Mudane Kipligaat ayaa kula shiray Ururada Bulshada Rayidka Soomaaliyeed magaalada Eldoret Arbaco 5tii Febraayo 2003 ayadoo ay goob joog ka ahaayeen labo wakiil oo ka socday EU- Soomaaliya hadafka kulankuna wuxuu ahaa in loo kuur galo xaqiiqda ururada bulshada Soomaaliyeed si loo ogaado waxa dhaliyey khilaafka . waxaa marka hore hadlay ururada bulshada been abuurka ah oo ku andacooday waxaa diidan inaan shirka ka qeyqaadanno Hoggaamiye kooxeedyada Soomaaliyeed oo iyaga neceb Ururada Bulshada , waxaa arrintaasi si car leh uga jawaabay Ururada Bulshada Dhabta ah oo sheegay ineyan waxba ka jirin sheegashadoodaas ee dhibka jiraa uu yahay qas iyo walaaq ay wadaan kuwa eedeynaya siyaasiyiinta oo liiska ka saaray dad ka tirsan xubnaha Ururada Bulshada dhabta ah ,iyagoo dane siyaasadeed wata ,necebna ururada Bulshadadhabta ah sida Suxufiyiinta& ururada u dooda Xuquuqda aadanaha ,Ururada bulshada been abuurka ah waxey ka kooban yihiin dambiilayaal dagaal sida Cali mahdi max’ediyo Xuseen xaaji Bood , Xubno ka tirsan baarlamaanka kooxda Carto sida : Caasho Xaaji Cilmi& zakiya , iyo Golaha wasiirada Carta sida : wasiirka gaanshaandhigga Jeneraal C/wahaab makaahiil , Kuwo mas’uul ka ah ururo siyaasadeed sida Shariif Saalax C/Laahi Caddow , &

Jeneraal Jaamac Max’ed Qaalib oo guddoomiye iyo ku xigeenno ka yihiin Ururka Siyaasadeed ee loo yaqaan : Golaha Heshiisiinta Qaranka Soomaaliyeed , ururkan wuu u qarsoonaa balse waxaa Assiyaasa u suura gashay iney caddeyn u hesho taasoo ah warqad arintaasi la xiriirta oo uu ku saxiixan yahay Shariif Saalax taa soo Shariifka iyo saaxiibabadii ay wadajir u qoreen 26kii Septembar ,2002dii iyagoo Muqdisho jooga . Max’ed Abshir Walde oo isaga halkaa ka Hadley wuxuu sheegay waxaa nimanakan loo diray iney ka soo taliyaan qaabka loo dhisayo ururada bulshada ee laguma oran idinku is magacaaba . waxaaisn meesha ka hadlay Waliid Muuse oo EU-da wakiil uga ah Shirka Eldoret wuxuu yiri yaa idin ku yiri siyaasiyiinta sirarkooda carqaladeeya oo jago ku qabsado soo idin kuma eeynaan oran ku dhiirri geliya dib u heshiisiinta .

Munade Kipligaat oo dhageystay dhaliilaha loo soo jeediyey ururada Bulshada Been Abuurka iyo khilaaka ay dhex dhigeen dumarka iyo dhallinyarada wuxuu go’aamiyey kala diridda ururada Bulshada Been Abuurka ah , isagoo intaa raaciyey in Ururuda bulshada Rayidka ee Soomaalida ay dib isugu laabtaan oo ay soo dhistaan waxey u dhan yihiin , Soomaalida isaga ayey ku celiyeen inuu go’aan ka gaaro .

MUDANE C/LAAHI CADDOW OO MUSHARAXNIMADIISA AY SOO FOOD SAARTAY DHIBAATOOYIN .

Mudane C/ Laahi Caddow oo ka mid ah murrashaxiinta u tartameysa madaxweynenimada Soomaaliya , oo ku guuldarreystay doorashadii shirkii Carta .Mudane Caddow wuxuu isku dayey inuu wax ka saxo khaladaadkii uu sabab ahaa guuldarradii ka raacday shirkii Carta , wuxuu magaalada Eldoret keenay xubno badan oo ka tirsan ururada Bulshada rayidka been Abuurka ah wuxuu isaga qudhiisa ku biiray ururkaasi isaga ,C/Raxmaan jaamac barre , Cali Mahdi & xuseen Xaaji Bood oo intooda ka mid ahaa maamulkii dowladdii keligii taliyihii geeriyooday ama kuwii ka qeyqaatay mashruucii la magac baxay ciribtirkii Daaroodka , taa ayaa keentay in lagu magacaabo Ururada Bulshada Been Abuurka ah , dhibaatooyinka asi waxaa ka mid ah :

1- mudane Caddow wuxuu u wakiishay u ololeynta doorashadiisa 4 dumar oo ay ka mid yihiin Zahro Ugaas iyo Caasho Xaaji Cilmi muddo dabadeed waxaa isku dhacay 4tii dumar oo isku qabtay qaabka loo maamulayo lacagta soo jiidashada dadka , labo ka mid ah dumarkaasi waxey mudane Caddow ku eedeeyeen inuu sad bursi iyo eex qabyaaladeed uu u sameeyey Zahro Ugaas iyo Caasho xaaji Cilmi waxey iska cazileen howshii ay ugu xil saarnaayeen .

2-Dhibaatada kale ee soo foodsaartay waxey tahay beddelaadda Mudane Mwangala oo laga qaaday jagadii guddoomiyenimadii shirka ,tani dhabar jab ayey ku noqotay qorshihiisa doorashada , gabadhii xiriirineysay isaga iyo Mwangala iyana bannaan cidla ah ayey ku soo dhacday oo kuma ayan jirin 5ta xubnood ee dumarka ee loo ogolaaday ka qeyb galka shirka , iyadoo ergeda shirka hore ugu eedeysay iney lunsatay $US15,000 doolar oo Mwangale ugu soo dhiibay iney qado ugu sameyso ergeda Soomaalida Ciiddii Soonfureed .

3- Ma heysto kalsoonida beesha uu ku abtirsado oo shirka Eldoret ku yimi 3 jabhadood oo mid kastaa gaarkeed wax u rabta .

4- Kala diriddii la kala diray Ururada bulshada Been Abuurka Arbaco 5tii Febraay oo ku doodayey iney 130 xubnood ay ku leeyihiin 300 ergo taasoo hadafka ka dambeeyo uu ahaa haddii ay intaasi ay helaan inta kale beelaha qaata ay ballan qaadyo lacageed ay u sheegaan si Mudane Caddow loo doorto , oo markaa Shariif Saalax laga dhigo Afhayeenka Baarlamaanka , Gaandi Ra’iisal Wasaare, Shirwac wasiirka arimaha dibadda , Caasho Xaaji Cilmi guddoomiyaha ururka Haweenka Soomaaliyeed , Xuseen xaaji Bood wasiirka Arimaha Gudaha , in katoo Caddow uu Xasan Ashir iyo Gaandi uu mid walba ballan qaad been ah siiyey oo mid kastaa ku yiraahdo adiga ayaan kaa dhigayaa Ra’isal Wasaare , tani waxey soo af jaran tay markii la kala ceyriyey Ururada Bulshada been Abuurka ah .

5- C/ Raxmaan Jaamac Barre oo la kulmay Caddow ayaa Caddow wuxuu C/Raxmaan ka codsaday inuu lacagtiisa ku biiriyo tartanka uu ugu jiro doorashada madaxweynaha Soomaaliya , C/Raxmaan wuxuu ku jawaabay haddii aan ku dhiso maxaad ii ogoshahay ,Caddow wuxuu ku jawaabay waxaan kaa dhigayaa wasiirka arimaha dibadda , c/Raxmaan Jaamac Barre oo arintaa la dhacsan ayaa dib ugu laabay beesha Sade oo ku yiri war Caddow ila dhisa , waxey ugu jawaabeen aan kula dhisnee muxuu ku ogol yahay , wuxuu ku jawaabay wasiirka arimaha dibadda , intey ku qosleen ayaa waxey ku yiraahdeen lacagta aad isaga ku diseysid maad adiga ku doonatid madaxweyne, maxaadse ka heysaa 10 sano ayaad aheyd wasiir arrimo dibadeed . Mudane Caddow halkaa fashal kale ayaa ka raacay .

6- Waxaa soo idil waxaa ka daran isagoo lagu shabadeeyey inuu xiriir fog la leeyahay ururka Argagixisada khatarta ah ee Al-Islaax oo mujtamaca caalamka ay gacanta ku hayaan sawirro uu la galay iyagoo hareerihiisa ay taagan yihiin Ibraahim Dasuuqi , Cali Baashi , Daahir Sheekh Axmed Abuubakar dhowr jeer oo kala duwan ay isku sawireen hotel Sirikwa iyagoo wada taagan , iyagaana inta badan bixiya lacagaha ololaha doorashadiisa . Haddii ay shaqeyneyso dowlad argagixiso ay hoggaankeeda sare ku jiraan shirakan lama qabteen oo wuxuu Caalamku taageeri lahaayeen Tii C/Qaasim oo Carta lagu soo dhisay oo ay Argagixisada ka buuxeen .

7- Hadda wuxuu naf bidayaa Ururka dhallinyarada ee ka soo qeybgalay shirka Eldoret oo iyaga marka hal qof laga reebo inta kale xubno la marti geliyey ma aha oo ergeda codeyneeysa ka ma mid aha ,waayo qabaa’ilkii ay ka dhasheen ugu ma qorna ergo ahaan ,sidaa aawadeed waxba uma kordhin karaan oo waa labo qaawan isma qaaddo .

WARGEYSKA KULMIYE OO AY SUMCADDIISA BAABA’DAY

Wargeyska Kulmiye ma aheyn wargeys shirka Eldoret ka hor ka jirey Soomaaliya , ee waxaa aasaastay hey’adda NOVIB waxey ugu talo gashay in ka soo qeybgalayaasha shirka Eldoret uu ku dhiirigeliyo dib u heshiisiinta , balse nasiib darro wuxuu wargeysku gacanta u galay wax magarato aqoon yar , caadifada qabiilkana ku weyn tahay , oo garab iyo musuqmaasuq lagu keenay ka dib markii laga ceyriyey aqoonyahannadii Soomaaliyeed ee billaabay qoraalka wargeyska , - oo sidii Assiyaasa loogu talo galay in lacag la’aan loogu qeybiyo dadka Soomaaliyeed ee shirka Eldoret jooga si ay wargeysyadu u siiyaan ergeda Soomaalida talo wax ku ool ah oo wax ka tari karta badbaadinta shirka- Tirsigiisii soo baxay toddobaadkan Axad 26/2/03 dadweynihii Soomaaliyeed ee shirka ka soo qeyb galay wey diideen iney qaataan oo ay akhristaan iyagoo ku tilmaamay iney cudur ka qaadayaan akhrintiisa , wuxuu dhooban yahay hoteellada ergada Soomaalida ay deggan tahay qeybta soo dhoweynta sida hotel Sirikwa, Wagon hotel , Aziz Hotel iwm qeybo ka mid ah ayaa la geyn jirey Nairobi xaafadda Islii dadweynihii fadhi ku dirirka iyana wey diideen waxeyna cillad uga dhigeen caku Kulmiye & buunbuuninta ururada Bulshada been abuurka ayeynu isku nacnay .

ASSIYAASA
NEWS PAPERS

---

4/2/03

Shir Jaraa’id
Hotel Sirikwa ,Eldoret Kenya

Beesha Dir ee shirka Eldoret oo bayaan wada jir ka soo saaray qaabka Soomaliland ay uga soo qeyb galeyso

Shirka dib u heshiisiinta Soomaalida ee Eldoret waxey Dirta Koonfureed iyo ta waqooyi isku waafaqeen in Somaliland maamulkeeda ,labada gole iyo mucaaradkooda in si wada jir ah loo marti geliyo , waxey kaloo sheegeen iney ka soo horjeedaan dad bannaanka laga soo ururiyey ayan wakiil ka noqon Karin Somali land, sidaa soo kale TNG-da ( kooxda Carta ) iyana wakiil kama aha Somali land , barnaamijkii nabad raadinta ee Carta looga soo dhibay wey ku guuldarreysatay , balse weeraro kala duwan ayey ku qaadday degaanno badan oo ka tirsan gobollada Koofureed ee Soomaaliya , haddana naxash ayey saran tahay oo in la aaso oo qura ayaa u harsan , 65% dadkii Carta wax ku soo dhisay waxey ahaayeen xubnaha beesha Dirta oo wada jirey waa sidey hadalka u dhigeen ,madaxweynaha iyo ra’iisul wasaarahaba wax baan ka soo dhisnay , kuwa ku hadlaya magaca TNG ee maanta oranaya haddii la keeni waayo Somali land shirka waan ka baxeynaa maxey u oran waayeen markii laga dhigaayey madaxweyne ama ra’iisul wasaare ama ra’iisul Baarlamaan maxey u oran waayeen Soomaliland ayaa maqan jagadaasi ma qaban karno .

Walaalahayaga Somaliland waxaan u sheegeynaa iney u diyaar noqdaan wafdi ka socda mujtamaca Caalamka oo hadafka socodkiisu yahay iney Somali land ka soo qeyb gasho , maxaa ka dhawaajiyey siyaasiyiinta - maanta oo shirka Eldoret uu gebogebo yahay oo keliya waxa harsan uu yahay wejigii 3aad –oo ay hadda u oranayaan waa in Somali land la keenaa .

Xasan Suudi Xirsi , Maxamed Warsame Cali , Xassan Max’ed Xassan & Cabdi Daahir Xassan Sheekh Yuusuf Direed oo shirkani jaraa’id si wada jir u qabtay waxey hoolka shirarka ee hotel Sirikwa ku qeybiyeen markuu shirka billaabanayey qoraal ka tarjumaya codkooda waxaana qoraalkaasi si wada jir u saxiixay 61 qof oo isagu jira siyaasiyiin , isimo , odayaal, iyo ka soo qeyb galayaasha shirka oo dhammaan ku abtirsada beesha Dir , waxey kaloo halkaasi ka qireen iney jiraan koox Dirta waqooyi oo shirka Eldoret jooga oo aragtidoodaan ka soo hor jeeda , waxaan kaloo ku arkay markaan dibadda u soo baxnay rag ku abtirsada Dirta koonfureed oo iyaga aan ka soo qeyb gelin waxna ka saxiixin bayaanka wada jirka ah , markaan weydiiyey sababta ay uga soo qeyb geli waayeen waxey ku jawaabeen annagu nuxurka iyo macnaha shirka uu xambaarsan yahay weynu taageesannahay ,balse dad ay xurgufi inaga dhaxeyso oo halkaa jooga darteed ayaan uga soo qeyb geli weynay .

Waxay ka soo qeyb galayaasha shirka Eldoret is weydiinayaan su’aashan haddii ay Somali land sidii hore looga bartay ay tiraahdo shirkaasi annaga inama khuseeyo , sidee laga yeelayaa 53kii ergo ee Dir loogu talo galay qeybtii Dirta waqooyi ay heli laheyd ? ma loo dhigayaa mustaqbalka dambe ,oo markii inta kale ay wax dhisato ayuu markaa caalamku soo khasbayaa ? ma Dirta koonfureed ayaa la wada siinayaa? Ma Soomaalida shirka timi ayaa loo qeybinayaa ?

C/Laahi Axmed caddow oo ka mid ah murrashixiinta madaxweynaha ee shirka Eldoret isagu wadnaha ayuu farta ku hayaa haddii ay Somali land shirkan ka soo qeyb gasho, oo wuxuu aminsan yahay inuu waaynayo wax weyn uu filanayey .

Qeybo ka tirsan Argagagixisada Caalamiga oo ku dhuumaaleysanaya hotel Lincolin

Markuu soo baxay tirsigii 37aad ee Assiyaasa ee looga hadlayey argagixisada Al-Islaax ,dabadeed loo qeybiyey ergada Soomaalida waxaa goobaha shirka ka cararay hoggaankii sare ee Al-islaax qaarkood ilaa iyo Muqdisho ma ayan istaagin ,waxaa hadda dhiirraday Ibraahim Dasuuqi oo isagu ku dhuumaaleysta qolka 10aad ee hotel Lincolin , ma yimaado hotel sirikwa inta badan hoteello uu is leeyahay Soomaalida ma timaaddo ayuu ku ballansadaa qeybo ka xirsan kooxda Carta , iyo dadka uu doonayo iney u codeeyaan C/laahi Caddow , si toos iyo si dadbana waa loogu sheegay iney argagixiso yihiin caalamkuna uu dabo taagan yahay iskaba dhaaf iney dowlad Soomaaliyeed jago ka qabtaan ,dalkiinna Itoobiya ku laabta ayaa lagu yiri iyaguna wax kale ayaa u muuqda , Soomaalida waxey ku maahmaahdaa ( Mukulaal meyshey macal uga baratay ayey macluul ugu bakhtidaa ), ma doonayaan iney qaataan awaamirta Caalamka waayo waxey u barteen iney dadka Soomaaliyeed sawirtaan dabadeed dalalka carabta geeyaan si ay deeq ugu helaan magaca dadkaasi , waxey ku yiraahdaan carabta dadkaan ayaa soo islaaminay ee deeq ayey u baahan yihiin ,haddii ay gaajoodaan diinta wey ka baxayaan

Nin Soomaali oo Kiristaan oo sheegtay inuu u doodayo xuquuqda dadka Kiristiyaanka ah
ASSIYAASA, Eldoret 6/2/03

Nin Soomaali ah oo ka codsaday madaxa Guddiga Farsamada IGAD in loo ogolaado iney shirka Eldoret ka qeyb galaan wuxuu ugu yeeray Mujtamaca Kiristiyaanka Soomaaliya ee laga tiro badan yahay , qoraalka ninkaasi nuqul ka mid ah oo uu ku illoobay ninkii codsigaasi qoray goobtii uu ku qortay ayaa wargeyska Assiyaasa uu helay , hase yeeshee inooma suurtoobin in aan ninkaasi helno si aynu wareysi uga qaadno waayo warqadda kuma qorna magaca ninkaasi , taariikhda madaxda IGAD loo geeyey ama la qoray warqadda .

Dadka Soomaalida shirka Eldoret argagax ayaa ku dhacay , ninkaasina waa nin is qarinayo sida muuqata hadda , balse siyaasiyiinta Soomaalida ee Eldoret jooga waxey aaminsan yihiin in ninkaasi iyo cidda uu magaceeda sheegtay aysan jirin balse ay tahay caqabad hor leh oo shirka lagu burburinayo . Xaqiiqda jirtaa waxey tahay mujtamac Soomaali Kiristiyaan ah oo aynu og nahay ma jiraan , balse waxaa jira dad damiir xumo iyo imaan la’aan ay u geyso iney Kiristiyaan sheegtaan si ay u helaan sandareerto gelin ku noolow oo Markey helaan fursaddey raadinayeena ku soo laabta diinta Islaamka .

Marka hore waxa is weydiin leh qof muslim ahaa ab ka ab ma la oran karaa waan kiristiyaan hadduu yiraahdo kiristiyaan baa ahay ? jawaabta waa maya waa Murtad ee Kiristiyaan waxaa la oran karaa qofkii ab ka ab kiristiyaan ahaa. Koobi ka mid codsigaasi ayaan idin kugu soo lifaaqnay warbixinta Assiyaasa si aad uga bogataan waxa ay warqaddaasi xambaarsan tahay .

SOMALI CHRISTIAN COMMUNITY MINORITY

FROM: SOMALIA CHRISTIAN COMMUNITY

TO: KENYA’S SPECIAL ENVOY TO SOMALIA

SUBJECT: CHRISTIAN INCLUSION IN THE SOMALIA NATIONAL RECONCILIATION CONFERENCE – ELDORET

This is to inform you that the above named is for the peace of the Nationa of Somalia.The Somalia Christianity Community has faced many difficulties in their country and as you are aware it is God who is holding the universal so if we are not included in the Government it will be difficulty for the peace which many are looking for to be found. God is the prince of peace.

Note that:If we are not included in the parliament, it will be difficult for us to be in the land of Somalia and this will force us to leave the country.

The Somalia constitution started in 1960 when we got independence up to now the constitution states that every Somalia has freedom of religion.

For a long time Christians have been represented in the Parliament as M.Ps and ministers e.g. Antony Mariama, Michael Maariama and others including myself.

We are fighting for the right of all the people even Kenyans because Christians are pillars of peace.

We are looking forward to have three members of Parliament in the Somalia Government one of them to Dr. Ahmed Abde Ahmed.

Finally this is what God is saying to the people of Somalia.

2 Chronicles 7:14

"If my people, which are called by my name, shall humble themselves, and pray and seek my face and leave and turn from their wicked ways then I will hear from heaven, and will forgive their sins and will heal their land".

Assiyaasa: waxey kula talineysaa kuwa Soomaalida ee kiristiyaan sheeganaya doonayana iney madax noqdaa ha aadeen dowladda Fetikaanka, halkaa ayey ka helayaan waxa ay rabaan .

Waxaan idin rajeyneynaa inaad ciid wanaagsan ciiddaan hadduu Alle idmo , waxeynu la socodsiineynaa akhristayaasha Assiyaasa news paper in shirka loo rarayo Nairobi 15/2/03 , hadduu Alle idmo waa sii wadi doonaa inaan idinla socodsiino hadba wixii soo kordha

©ASSIYAASA
NEWS PAPERS