Wararka Mudugonline

Dagaal Oagayaasha Somalida oo Digniin La Siiyay!

Ottawa , 4 Feb 2003 (MOL)- Ergayga Gaarka ah ee Kenya u Xilsaartay Shirka Dhexdhexaadinta Somalida uga socda Magaaladae Eldret iyo urur Goboleedka IGAD iyo Wasiirada Arrimaha Dibbadda Kenya, Djabouti iyo Ethopia ayaa ka codsaday Wafdiga ka soo qaybgalay shirka African Unionka uga socda magaalada Addisababa in cunaqabatayn lagu soo rago dagaal Oggayaasha Somalida ee ku xudgudba Xabadjoojintii shirka Edoret lagu saxiixay iyagoo intaasi ku sii daray in shirka laga cayriyo hogaamiyaasha lagu soo eedeeyo inay xabad joojinta ku xadgudbeen iyo in socdaalka laga joojiyo, waxay kaloo beesha Caalamka ka codsadeen in arrintaas garab lagu siiyo si loo soo afjaro dagaalada iyo dawlada la'aanta ka jirta somaliya muddo labo iyo toban sano ka badan.

Sanadkii la soo dhaafay ayaa Eldret waxaa heshiis xabad joojin ah ku saxiixay kooxda Carta oo ka talisay qayb yar oo xamar ka tirsan, Maamulka Puntland iyo Kow iyo labaadan Hogaamiye kooxeed oo kala duwan oo intooda badan aysan cidna matalin qaarkoodna qabiil lagu keenay heshiiskaas oo markii danbe lagu xadgubay ka dib markii ay dagaalo ka dheceen meelo badan oo wadanka ka tirsan.
Shirka Somalida uga socda Eldret waa kii 14 aad tan iyo intii wadanka laga cayriyay Madaxwaynihii Hore ee Somaliya Mohamed Siyaad Barre.

Mudugonline.com

Ra'iisal wasaaraha Ingiriiska oo Sheegay Markhaatiga ay hayaan Inaan lagu Khaldami Karin

Ottawa , 4 Feb 2003 (MOL)- Ka dib markii Madaxwayne Bush uu sheegay inay Iraq aysan haysan muddo bilaah ee ay haysato asbuucyo kaliya inay hubka ku dhigto ayaa maanta waxaa mar labaad Mr. Blair wuxuu yiri mar uu la hadlayay Baarlamaanka Ingriiska waa markhaati cad inaysan Iraq la shaqaynayn Kooxda Hub Baarista ee Qaramada Midoobay,isagoo isla markaasna ciidamadiisu ku qulqulayaan Khaliijka, wuxuuna sii raaciyay inuu hadda bilaabmay wajigii ugu danbeeyay ee wadanka Iraq hubka looga dhigi lahaa, wuxuu kaloo yiri siddeed asbuuc ayaa laga joogaa tan iyo intii Saddam Husien la siiyay fursadii ugu danbaysay oo uu hubka ku dhigi lahaa wadashaqayn la'aantiisuna maaha mid lagu khaldamo.

Washington iyo London in badan ayay ku celceliyeen in wadashaqyn la'aanta wadanka Iraq ee Kooxda Qaramada Midoobay ay tahay ku xadgudub ay Iraq ku xadgubtay heshiiskii ugu danbeeyay ee Golaha Amaanku ka soo saaray Iraq sidaas darteedna ay haystaan fasax inay weeraraan si ay hubka uga dhigaan Saddam Hussien.

Madaxwaynaha Dalka Russian President Vladimir Putin ayaa isaguna Roma ka sheegay maanta in loo baahanyahay in Kooxda Hub Baarista ee Qaramada Midoobay la siiyo wakhti dheeraad ah si ay howshooda u dhamaystaan, laakiin dadka siyaaysadda Maraykan u dhuundaloola waxay muujijeen inay Bush ka go'antahay inuu weeraro Iraq marka Xajka laga soo noqdo labo asbuuc ka dib, taasoo u suurta galinaysa inaan Iraq helin dad Muslinimo ugu hiiliya maadaama hadda ka hor la waayay wax Carabnimo ugu hiiliya, maalinta Arbacada ayaa Golaha Amaanka waxaa warbixin ka jeedin doona , Colin Powell si uu ugu qanciyo inay Iraq haysato hubka sida aadkaa wax u gumaada tilaabadaas oo ay dad badani u arkeen inay tahay in aduunka la tuso sida maraykanka ay uga go'antahay gacan u qaadidda Iraq maadaama Colin Powell oo ah ninka raga maraykan ka taliya u qunyar socodsan uu golaha amaanka hordhigi doono sawiro iyo warbixino lagala xishooday in loo dhiibo Kooxda Hub Baarista ee wadanka Iraq joogta oo in badan codsatay in markhaatiga iyo cadaymaha ay Maraykanka iyo Ingiriisku hayaan loo soo gudbiyo si ay ugu fududayso howsha ay Iraq ka hayaan.

Ninka u qaabilsan Iraq xiriirka Kooxda Hub Baarista ee Qaramada Midoobay ee Jooga wadanka Iraq oo magciisa la yirahdo General Hossam Mohammed Amin ayaa BBCda u sheegay Colin Powell inuu daboolka ka qaadi doono sawiro la been abuuray oo dayax gacmeed ah iyo kuwa kale oo meelo laga soo qaaday, wuxuuna ku tilmaamay dacaayad siyaasadeed oo raqiis ah.
Qorshaha dagaalka ee wadanka Iraq ayaa lagu sheegay inuu isugu jiri doono cir iyo dhul,waxaana lagu qiyaasay in labada maalmood oo dagaalka ugu horaysa lagu ridi doono 3,000 kun oo gandaal oo toban jeer ka badan gantaladii lagu furay dagaalkii 1991 ay ku qaaday xulufada Maraykanku wadanka Iraq, waxaana la qiyaasayaa in dhowrka maalmood oo ugu horaysa ay rabaan inay ku burburiyaan goobaha Militriga Iraq iyo maamulka wadanka.

Mudugonline.com

Cabdullaahi Yusuf iyo Wafdigiisa oo kasoo Nooqday Kimsuumu oo ay Booqdeen Shalay

Eldoret, Feb 03, 2003 , (AllPuntland )- Wararka ka imaanaya magaalada Eldoret ayaa xaqiijinaya inuusan Itoobiya aadin wafdi ka socda Puntland iyo golaha SRRC midnaba.

Cabdullaahi Yusuf iyo wafdi la socda ayaa iyagu shalay gaaray magaalada ku dhaw Eldoret ee lagu magacaabo Kimsuumu oo ku taal galbeedka Kenya, halkaas oo ay martiqaad qado ah ugu sameeyeen ganacsato iyo Siyaasiyiin reer Kenya ah, wuxuuna dib ugu soo noqday hoygiisa Eldoret xalay.

AllPuntland oo aad isugu dayday inay ogaato xaqiiqda wararka sheegayay safar Itoobiya uu ku tagayo wafdi uu hogaaminayo Cabdullaahi Yusuf iyo xubno golaha SRRC ah, ayaa ilo war gal ah kuna dhaw dhaw ergada Puntland iyo tan SRRC-ba ay u xaqiijiyeen inuusan Jirin safar ay damacsanaayeenba iyo mid hadda qorshaysan inay ku tagaan Itoobiya, ma jirto sabab aan u aadno Adis-Ababa ayuu yiri sargaal aan telefoonka kula hadalnay oo ka mid ah ergada Puntland ee Eldoret ku sugan, shalay ayaa sooryo qado ah waxaa noosameeyay Siyasityiin reer Kenya ah oo nagu casumay magaaladooda Kamsuuma, halkaas baan shalay gaarnay, markaan soo noqonay ayaana ugu nimid Eldoret warar la been abuuray oo sheegaya inaan Adis-Ababa aadnayba, warkaasina waa midaan wax ka jirin ayuu yiri sargaalkaasi.

Wuxuu sargaalkasi noo sheegay in iyaga iyo golaha SRRC-ba ay isku afgarteen inayan ka qayb galin wax shir ah oo loogu yeero Somalida inta natiijo laga gaarayo kan Eldoret loo fadhiyay 3-da bilood, ma jirto sabab aan hadba dal u tagno anagoo halkaan (Eldoret) raadinta xalka Somaliya u fadhinay 3 bilood, ninkii danayna xalka Somaliyana halkaan waa inuu yimaadaa, halkaan baa Soomaalidii ku shirsan tahayee, uma socono Adis-Ababa iyo meel kale toona ayuu ku jawabay sargalkaasi, mar aan waydiinay su'aal ahayd inay Adis-aba cidi ka aadayso.

Dhinaca kale AllPuntland oo isku dayday inay wax ka ogaato xaqiiqda safarka Cabdiqaasim ee Adis-Ababa ayaa la hadashay ilo diblamaasiyadeed oo ku sugan Adis Ababa oo u xaqiijiyay inuu halkaas gaaray Cabdiqaasim Salaad Xasan hogamiyanaha maamulka Carta, ilahaas diblaamisayadeed ayaa telefoonka noogu sheegay in Cabdiqaasim ku tagay Adis-Ababa casuumad shirka Midowga Afrika, mar aan waydiinay sidda Cabdiqaasim halkaas loogu soo dhaweeyay ayaa ilahaas diblamaasiyadeed noo xaqiijiyeen inayan jirin soo dhawayn heer dawladeed ah oo loo sameeyay, waxaana garoonka kaga hortagay xubno ay ka dhex muuqatay safaarada Liibiya iyo ergada Jabuuti iyo Masar, waxaa socota qalqaalo maamulka Cabdiqaasim ay ugu jiraan dawladahaasi inuu shirka kaga qayb galo magaca Somaliya ayay intaas racaiyeen, Ilahaas Diblaamaasiyadeed ayaa shaki galiyay in aan la hubi karin in Cabdiqaasim inkastoo uu yimid Adis-Ababa in si buuxda loogu ogalandoono inuu uga qaybgalo shirkaas, iyagoo taas sabab uga dhigaya iyadoo dalalka IGAd iyo Afrikaba ay shirka Eldoret ka sheegeen inayan jirin dawlad Somaliya cid loo aqoonsan yahay.

Cabdiqaasim ayaa ka qaybgalay kulankii kan ka horeeyay ee Midowga Afrika ee lagu qabtay Koonfur Afrika,

Magaalada Adis-Ababa ayaa waxaa ku taal xarunta Midowga Afrika oo iyada inta badan shirarka ururka lagu qabto.

Kulanka Madaxda Afrika ee Adis-Ababa ka akhri Halkaan

Qaybta Wararka AllPuntland

 





Contact: webmaster@mudugonline.com

Copyright © Mudug Online 2001