Jawaab Warqaddii Been abuurka iyo Faaladii Cabdi waxid Khaliif

Dulkaad joogto waan kula dacwiyi doodna waan odhane.

Mudane C/waaxid.Nuxurkii qoraalkaaga waxaad Ishaartay Saxnimada warqadda iyo
ka darane suurtaglnimada raggaas magacyadooda lagu been
abuurtay uu ka suurto galo fal caynkkas ahi.

Haddaba si aynu akhristayaasha wax ugu sii iftiimino aan tilmaanno
qoysaska raggaan la xusay.
Axmed Sulaymaan Cabdalla, Dhulbahante
Axmed Cabdi Xaabsade, Dulbahante

Saciid Cadduur, Dashiishe
Prof. Cabdirisaaqa Juurile, Dashiishe

Cawad Axmed Cashara,Warsangeli
Yusuf Xaaji Saciid ,Warsangeli

Haddaba iyadoo ay jiri karto in siyaasad ahaan isku mabda'a la wadagi karo. ayaan hadda waxaan meesha ool sabab keeni karta in rag ka soo kala jeeda beealaha kala duwani aysanna jirin waxa ay iyagu gaar isugu xigaan amaba dhibaato gaar ahaaneed ama guud ahaaneed ee ka dhaxaysa Majeerteen in ay ku farxaan is-dil dhexmara amase dhibaato ku dhacdo curadkii reerka. (Majeerteen).

Saaxiib waxaan aad la soo shir tagteen ee beenabuurka ah iyo buun- buuninta aad kala dabo tagtay adigu ayaa ah wax aad looga naxo. sidee baad ku fekerteen warqad lahjad Bari salkiis nin u dhashay uu qoray in aad u nisbaysaan nin aad ugua lahjad duwan .
waxba u dhumi mayaso sharafta odayaashan iyo guud ahaanba walaalnimada beelahooda ee dabcan idinka uun baa bannaanka is keenay.

Bal Caqaligaagu dib wax ha umaareeyo oo adigoo deggan si kale amaba nacayb reer ahaaneed ama shakhsi ahaneed kugu jirin dib u dheeho warqadda adiga iyo saaxiibadaa (Puntland post) aad la soo shir tagteen. sida aad qortay af-jooga looma adeego. maangaabnimadaada saaxiib ma waxaad sugeysey in Dafle ama Prof. Juurile adiin soo jawaabo..Dabcan waxay u arkaan wax aan meelna jirin ee caruuri abuuratay.

bal eeg haddii la idin weydiiyo qofka aad tiraahdeen ha la i qariyo buu yidhi/yiri oo Gal uu leeyahay nin raagga lagu been abuurtay leeyahay buu ka soo bixiyey warqadda. sheega ninka Warqadda ninka galkiisa ka soo bixiyey isna ha sheego ninka galka lahaa
ee warqadda laga soo bixiyey. illeen waa arrin aad weyn eh. dabeedna arrini halkaa ku caddaato. Sidaa ma yeeli kartaan? Hubaal maya!!!!


Hadal iyo dhammaantiis CabdiWaaxid adiga iyo saaxiibadaa dadka maskaxdooda ha u gafina...

Haddii adan dammiin iyo ahayn doqon la soofeeyey
ama aadan diiraddiyo la'ayn daaqaddiyo laabta
dib u fiirso xaajada wax badan baa qalbigu dibaada kaa yiille.

Maxammed Saalax (Cawl-mareero)

---

Waxa Jirtay Been abuur laga sameeyay Axmad Saleebaan Cabdale oo Mudo laga joogo laba iyo toban Sanadoodba ku jirin Siyaasadda Soomaalida.Lama yaabin qofka Boosaaso ka soo qoray qoraalkaa balse waxa iga yaabisay Bogan la yidhaahdoPuntlandpost oo soo daabacday warqadaa "Rakhiiska"ah ee loogu talagalay in la isku diro beesha puntland degan.

Warqada qofkii qoray ma ahayn qof labadiisa dhagood wax u dhaxeeyaan waayo waxa uu ku xisaabtami lahaa ................

1.lahjada nin la yidhaahdo Axmad Saleebaan ku hadlo oo aad uga fog tan qoraalka ku xusan.

2.Waxa uu ku xisaabtami lahaa in meesha uu hada ku siman yahay Axmed Saleebaan in aan laga isticmaalin "Type" writer ama makiinada qoraalka loo adeegsaday oo aad moodo wakhtigii Ciise (Nabi Ciise Ma aha)uu dhashay tii la isticmaali jiray.

Su'aashaydii aan u soo noqdee.....Puntlandpost ma Musqulbaa Maangaab kastaa adeegsado mise waxay ahayd in ay iska hubiso waxii ay ku soo daabacayso Bogeedan............

Talo "Reer Saciid"aan siiyo qolada Riyoole ee reer London ee bogan iska leh.........

Ka fiirso waxa aad soo qorayso dadka aad la hadlaysaa ma aha reer miyi aan Internet(Ka)

wax kala socon.

Hadii ay tagto tii miyigana xagayaga Riyaha si ba'an baa loo cunaaye War ninkow Ninkow Ninkow.......

abdinasir haginur
ahaginur@hotmail.com

---

Waxaan ku dhashay magaaladii quruxda badnayd ee Muqdisho, haddana haaraha, burburka, fool-xumada, ammaan-darada iyo ibtilada ku habsatay cid horay u taqaanay aanay marnaba qiyaasi karin, inteeda badanna waa bahala-galeen maanta.
Waalidkay, qaar waxay ka yimaadeen gobolada dhexe, qaarkoodna waxay kasoo jeedaan gobolada Waqooyi Galbeed. Walaalahay, ilma adeeraday iyo ilma abtiyaashay waxay ku kala firirsan yihiin Bosaso, Laas-aanood, Muqdisho, Hargeysa, Gado iyo kuwa dibadaha firxad ku tagay oo adduunka daafihiisa igala soo xiriira. Qowsa reerka aan ka dhashay wuxuu kasoo jeedaa oo uu galaa qabiilooyinka Somalidu ku abtirsato intooda badan, qabiil aanan xigaalo ku lahayna waa yar yahay. Waxaan hubaa in qofwalba oo Somali ahi uu ila mid yahay oo aan walaalo nahay.

Haddaba, walaalayaal, yaa danbi ka galay Walaalaheen Isaaq oo ay ka cabanayaan oo ay leeyihiin dib danbe ula midoobimayno? Haddaan yare jaleecno dhibaatadii Siyaad Barre u gaystay ummadda Somaliyeed intii uu xoogga ku xukumaayey. Dagaalkii ugu horreeyey wuxuu ku qaaday gobalada dhexe iyo kuwa Waqooyi Bari, asagoo ceelasha xooluhu uga cabi jireen sun ugu shubay, wiilkii qaar-gaar ah oo ay qabtaana in la qisaaso askartiisa amar ku siiyey, walibana u fasaxay gabdhoohii yar yaraa in la kufsan karo. Markii ay dhibaatadaasu dhacaysay xaggee Somalidii kale iyo walaalahay Isaaq ku maqnaayeen?
Siyaad Barre xooggiisu wuxuu ahaa midkii ummadda Somaliyeed oo uu maalinba mid adeegsan jiray, markuu burburinaayey gobolada dhexe iyo kuwa Waqooyi Bari askartiisa waxaa ka mid ahaa oo hogaaminaayey qaar walaalahay ka mid ah oo kasoo jeeda Waqooyi Galbeed. Xumaan uma xasuuqayn ee waxaa laga dhaadhiciyey inay kacaan diid yihiin iyo waxay markaa ugu yeeri jireen oo ahaa magac aad u fool xun oo ahaa Qurmis, ayagoo ula jeeday inay Ina Siyaad diidan yihiin dadkaan ay laynayaan.
Markuu Siyaad ka wabxay dhiiggii walaalihii aan ku lahaa gobolaa asagoo adeegsaday walaalkaygii W.Galbeed iyo Somalidii kale ee aan fahan-sanayn aragtida guracnayd ee Barre adeegsaday, ayuu mar labaad mindida kula soo jeestay walaalkay Isaaq, dhibaataduu u gaystana waa la ogaa. Intuu toban toban isu xiray ayuu xeebta Jesiira ku gowracay dad aan waxba galabsan, Wuxuu burburshay guryahoodii dad shicib ah oo danbi lahayn, magac qabiil daraadeed. Intii ka badbaaday xabaddii xanuunka badnayd ee Siyaad la beegsadayd walaalahay W.Galbeed waxay firxad ku galeen Itoobiya iyo Muqdisho ayagoo naftooda la baxsanaaya.
Intaa aabihii Kacaankii habaarnaa kuma ha kane wuxuu mar sadexaad dabka saaray dadkii daganaa magalaadaan ku dhashay iyo agagaarkeeda ee Koonfurta Somaliya, dadkaan oo uu marar badan u adeegsaday caburinta walaalahooda Somaliyeed ayuu maalintaa go'aansaday inuu maanta ay maalintoodii ay tahay oo uu cagta saaro.

Haddii aan usoo daadago dulucdayda oo ahayd yaa dulmiyey Isaaq? Waa Maxamed Siyaad Barre iyo Kacaankii halaagga baday dadkii Somaliyeed, waxaana Siyaad Barre adeegsaday Somali dhammaanteed, walaalahay Isaaqna qayb bay ka qaateen u adeegii Ina Barre.

Walaalaheen Isaaq, markaan weydiiso sababta ay u rabaan inay calankii quruxda badnaa ee loo soo wada halgamay inay mid kale ku badashaan, waxay ku orayaan "waa nala xumeeyey oo nala xasuuqay".
Haddaba, ayaa xumeeyey oo xasuuqay? Miyuusan Daahir Riyaale Kaahin ka mid ahayn hogaamiyayaashii ugu dhawaa Ina Siyaad ee sirdoonka u ahaa. Kuwii usoo tabin jiray wararka iyo sidii loo caburin lahaa walaalahay Isaaq. Haddii walaalahay Isaaq ay cafiyeen Riyaale, ogaadeena in Barre adeegsaday Somaliya oo dhan si uu u noolaado, haddaba walaalaheen W.Galbeed, maxay u cafin waayeen walaalahayga kale ee Koonfur ku nool?

Walaalayaal, aan isweheshano, kuwa Koonfur ku nool iyo Waqooyi nool waa walaalo, waana is-wada dhaleen, danbiga Isaaq Ina Barre ka galayna Somali oo dhan buu ka galay, raggii hogaaminaayey halaagaa oo halbowlayaalka u ahaana maanta Walaalahay Isaaq bay hogaaminaayaan oo ay igu beer-laxawsanayaan waa nala guumaaday ayagoo gumaadkaas hormood ka ahaa!.
U malayn maayo in Somaali kala go'ayso, waayo ma kala maaranto, dhibaatana ma dhextaalo, kuwa kala gownaya waa kuwo aan meel dheer wax ka arkayn oo la mid ah kuwa Afweyne adeegsan jiray, ayagoon ka fiirsan jirin cawaaqibka kasoo bixidoona ficilada ay u fulin jireen.
Waxaan nahay hal qows ee yaan nala kala qaybin!

Raage Jama
jamarage@aol.com
USA.