Riyaale oo ka hadley
doorashada iyo arrimo kale
Madaxweynaha Jamhuuriyda la magac baxdey Somaliland,
Daahir Riyaale Kaahin ayaa ay BBCdu ku wareysatey khadka telefoohka.
Waxuuna Riyaale sheegey in uu ku faraxsan yahay sida ay doorashadu
u dhacdey.
Mar wax laga weydiiyey tilaabada xigta ee uu qaadayo
waxaa uu Riyaale sheegey in uu mustaqbalka dhow uu dhisayo dowlad
caaqibo leh. Waxuunna sheegey in maadaama ay dhameystireen nidaamkii
dimuquraadiga ahaa, in uu ugu baaqayo caalamka in ay aqoonsadaan
Somaliland.
Waxaa Riyaale la weydiiyey in xisbiga Kulumiye
uusan ku qancin natiijadii ka soo baxdey doorashada, marka sidee
baa uu u xalinayaa arrintaa. Waxuun ku jawaabey Riyeele, in
uu isagu qabo in danaha umaddu ay ka weyn tahay madaxtinimada.
Waxuuna xusey in xisbiyada oo dhan ay hore u balan
qaadeen in ay oofiyaan natiijada ka soo baxda doorashada, ayna
waajib tahay in loo hogaansamo balanqaadkaa.
Daahir Riyaale waxaa kale oo la weydiiyey maadaama
uu xisbiga Udub caqlabiyad weyn uusan kaga adkaan xisbiga kulmiye
in uu xisbgaa meelleenayo iyo in kalae. Riyaale waxaa uu sheegey
in uu diyaar u yahaya in uu la kulmo xisbiyada kale ee Ucid
iyo Kulmiye oo ay ka wada hadlaan danaha ummadda. Waxaa uu intaa
ku darey in aysan wanaagsaneyn in uu ku deg dego go'aan ah waxaas
ayaa yeelayaa in waxaas ee marka hore uu la kulmo xisbiyada
kale, lana wadahadlo.
Mar wax laga weydiiyey gobolada Bariga ee Sool
iyo Sagaag oo meelaha qaarkood aan doorashada laga qaban waxaa
uu sheegey, in ay dhibaato badan uu Cabdullaahi Yusuf uga
hayo jiida barri, hase yeeshee buu yiri, waxaa ku dadaalney
in aysan dagaalo dhicin inta doorashada lagu howlanaa. Waxaa
uu intaa ku darey in mustaqbalka dhow in maamulkoodu uu gaari
doono dhamaan xuduudada Somaliland.
Mar wax laga weydiiyey shanta sanno ee socota
waxyaabaha ugu mihiimsan ee uu meel marin doono, waxaa uu sheegey
in maamulkiisu uu gaari doono meel walba, in dowladda ay u howlgali
doonto horumarinta bushada iyo in uu lagu dagaalayo in maamulkiisu
uu aqoonsi ka helo caalamka.
BBC Somali
GUDDOOMIYE KU XIGEENKII
MAXKAMADDA SIINAAY OO SAAKAY LA AFDUUBTAY
Talaado , April 22-2003
Guddoomiye ku xigeenkii Maxkamadda Islaamiga ee Siinaay Sheekh
Cabdi Cosoble ayaa saakay Maleeshiyo hubeysan ku afduubteen
meel u dhaw Girigiisa oo ku yaal Garoonka Kubadda Cagta ee Stadio
Muqdisho.
Afduubka Guddoomiye ku xiegeenka ayaa lala xariinayaa inuu
ka dambeeyay khilaaf la sheegay inuu ka dhashay Dhul iyo Ceel
laysku haystay oo Deegaanka Turdho ah, iyadoo ay jiraan dad
u xernaa arrintaas oo ku jira Maxkamadda Siinaay, ayaa waxaa
dhacay falkan oo isagna la xariira, Dad joob joogayaal ah ayaa
Midnimo u sheegay in Sheekh Cabdi Cosoble lagu afduubtay Gaari
Toyota ah oo ay wateen Maleeshiyada.
In kastoo ay caddeyn meesha la geeyay Sheekha ayaa waxaa la
sheegayaa iney jiraan dad kale oo loo afduubay arrinta ka dhacday
Deegaanka Turdho oo ku dhow Magaalada Kismaayo.
Ma aha markii ugu horeysay oo dad lagu afduubto Magaalada Muqdisho,
waxaana Bishii Janaaayo la afduubtay Ilmo sideed bil jir ah
oo aabahooda laga doonayay in laga qaado lacag lagu sameyn lahaa
Baabuurta loo yaqaan Tiknikada.
Midnimo Information Center
Xafiiska Midnimo ee Muqdisho
panorama100@hotmail.com
