BAHAL SUMAYSAN OO WAX KU CUNAY DEGAAN
KA TIRSAN GOBALAKA BARI
Bosaaso, 22 April 2003 (MOL)- Waxaa galabta soo
gaaray cusbitaalka magaalada Bossaso laba qof oo qaba dhaawacyo
uu u gaystay bahal sida la sheegay sumaysan oo aan haybtiisa la
aqoon. Labadaasi bukaan ayaa ahaa kuwa miyir la'aan ah mar aan
ku booqday Isbitaalka magaalada Bossaso waxaana dhaqaatiirtu ay
ku hawlanaayeen sidii ay ula tacaali lahaayeen dhibka haysta dadkaas
bukaanka ah.
Oday Axmed oo ah nin ay qaraabo yihiin Dadka Bukaanka
ah ayaa Mudug online u sheegay in bahalkaani loo malaynaayo inuu
yahay dawaco ku sumawday ari halkaasi bahal ku cunay oo la sumeeyay
oo la rabay inuu ku dhinto bahalkaasi markii uu cuno hilibkaasi
waxaase nasiib daro ah inuu halibkaasi ka abuurmay bahal muhdi
ah oo dad cun ah oo anana la garanayn.
A/risaaq Sh. Aduun
mudugonline.com
Xasan Abshir: "
Cabdiqaasim xil igama qaadi karo..."
Muqdisho: (AllPuntland)- Ra'iisul wasaaraha maamulka Cabdiqaasin
Salaad Xasan, ayaa shaaca ka qaaday inuu sii hayn doono jagada
ra'iisul wasaaranimada maamulka TNGda .
Xasan Abshir Faarax oo u waramayay saxaafadda Muqdisho
ayaa sheegay inuusan C/qaasin ka qaadi karin jagada uu hayo ee
uu ku joogo rabitaanka shacabkiisa .
Xasan Abshir Faarax iyo Cabdalle Deeroow oo ka mid
ah masuuliyiinta ugu sareeya maamulka TNG-da ayaa C/qaasin uu
dhawaanahanba damacsanaa inuu jagooyinkooda ka qaado ka dib markii
ay ka horyimaadeen amarkiisii uu ku faray inay isaga soo baxaan
shirka Somalida uga socda Kenya.
Cabdiqaasin ayaa dadaal ugu jiro inuu helo tirada
xubanaha baarlamaanka ee suuro galin kara codaynta xilka qaadista,
isagoo kii yimaada ee fuliya amarkiisana loo balan qaaday lacag.
Waxaa sidoo kale amarkii C/qaasin ka hor yimid wasiirkii
ganacsiga C/raxmaan Diinaari oo sheegay inaan la casili karin.
Cabdulqaadir C. Cusmaan
AllPuntland Somaliya
