Unitedkablalax Networks:
Taageerid
shirweynaha dib-u-heshiisiinta iyo qaran dhisidda Soomaaliyeed
ee Nairobi-Kenya.
Waxaa farxad baaxad weyn noo ah in aannu ku wargelinno
dhammaan beesha Kablalax Daarood ee gudaha iyo dibadda dalkaba
in uu si fiican, guul iyo niyad-sami xambaarsan uu ku dhammaaday
kulan hawleedkii muhiimka ahaa ee u socday in muddo ah guddiga
guud ee midnimada iyo iskaashiga beesha Kablalax Daarood ee
qaaradda Yurub.
Guddiga oo sida aynu ka warqabno socdaallo kala
duwan ku maray dalalka yurub gaar ahaanna dalalka UK, Denmar,
Swede, GermanyN orway iyo Holland waxay halkaasi kulanno iyo
wada tashi kula yeesheen waxgaradka jaaliyadaha beesha Kablalax
Daarood ee dalalkaasi gaar ahaanna sidii ay mawqaf muuqda uga
yeelan lahaayeen shirweynaha dib-u-heshiisiinta iyo qaran dhisidda
Soomaaliyeed ee ka socda dalka Kenya-Nairobi.
Kulannadaasi oo u dhacay si aad u qiimo badan,
dhaliyeyna weji cusub iyo iftiin weyn oo u sugan beesha Kablalax
Daarood waxaa halkaasi loo gartay guddiga in ay sii wadaan xilkooda
qaaradda Yurub isla markaasina si ku meel gaar ah u metelaan
codka iyo aragtida fog ee beesha Kablalax Daarood ee aduunweynaha
inta laga gaarayo shirweynaha caalamiga ah ee beesha oo la filayo
in uu qabsoomo dhowaan.
-
Adkaynta axdiga nabad raadinta Soomaaliya,
oo ah mabdaá asaasiga u ah abaabulka iyo qorshaha beesha
Kablalax Daarood dibadda iyo gudaha dalkaba.
-
Soo jeedin baaq nabadeed Soomaalinimo oo ku
saabsan in laga gudbo colaad dambe oo ka dhex dhacda dadweynaha
Soomaaliyeed, dhammaan wixii khilaafaad ahna lagu xaliyo
caqli iyo hab xadaari ah oo ku salaysan wada hadal Soomaalinimo,
dulqaad iyo isfaham.
-
In beesha Kablalax Daarood ay si midaysan
u siinayso taageero buuxda oo isugu jirta maadi iyo macnawiba
shirweynaha dib-u-heshiisiinta iyo qaran dhisidda Soomaaliyeed
ee ka socda magaala madaxda Nairobi ee dalka Kenya, una
mahad celinayso dawladda dalka Kenya sida xilkasnimada leh
ee ay u daadahaynayso shirweynaha iyo arrimaha la xiriira.
-
In gudoomiyaha guddiga guud ee midnimada iyo
iskaashiga beesha Kablalax Daarood ee Yurub uu socdaal hawleed
mihiim ah ugu kicitimi doono qaar ka mid ah dalalka deriska,
kulanno kala duwanna la yeelan doono jaaliyadaha beesha
Kablalax ee dalalkaasi, hogaanka shirweynaha dib-u-heshiisiinta
iyo qaran dhisidda Soomaaliyeed ee dalka Kenya-Neirobi,hogaan
dhaqameedyada, ganacsatada iyo waxgaradka beesha Kablalax
Daarood ee ku sugan shirweynaha, hogaan dhaqameedyada iyo
waxgaradka walaalaha Daarood Ismaaciil, mudanayaasha
hogaan dhaqameedyada iyo ergooyinka Soomaaliyeed iyo sidoo
kale madaxda iyo wakiillada ururada bulsho(Rayadka) ee sida
qiimaha badan ugu hawlan qabanqaabada iyo socodsiinta hawlaha
shirweynaha.
-
In si buuxda loo goáansaday, laguna rajo weyn
yahay qabanqaabadiisa dhowaan iyo ka qayb gal ergooyin iyo
waxgarad tiro badan oo ka socda gudaha iyo dibadda dalka
goobta lagu qaban doono shirweynaha koowaad ee caalamiga
ah ee beesha Kablalax Daarood, goobtaasi oo lagu heshiiyey
in ay noqoto magaala madaxda dalka Kenya ee Nairobi.
Dhammaad,,,
Unitedkablalax Networks
Guddiga guud ee midnimada iyo iskaashiga beesha
Kablalax Daarood-Yurub.
unitedkablalax@yahoo.com
