ISKU MURAN KA TAAGAN DHUL BANAAN MAGAALADA
BOOSSASO
Bosaaso, 12 April 2003 (MOL)-shir balaran oo ay
saaka isugu yimadeen Qaar ka mid ah isimada, odayaasha iyo xubno
ka socda maamulka puntland oo ay ku jiraan wasiiro iyo maamulka
gobolka bari ayaa saakay ka dhacay xarunta madaxtooyada ee magaalda
boosaso.
shirkaasi oo u jeedadiisu ahayd sidii loo kala saari
lahaa dad shacab ah iyo dawlada oo isku haya dhul banaan oo ay
horay u degenayd wakaaladii biyaha ee soomaaliya dhulkasi ayaa
waxaa sheegteen ilma siciid Adan oo sheegay in uu lahaa aabahood
ayana haystaan dukuminti cadaynaaya. sidoo kale maamulka gobolka
bari ayaa soo bandhigay dukuminti kaa la mid ah oo cadaynaya in
dawladu lahayd booskan.
isku qabshada dhulkaan ayaa keentay ka dib markii
maamulku sheegay in la xaraashayo boosaskii dawladii hore si wax
logaga qabto dhismaha hor marineed ee ayriboorka boosaso dood
dheer ka dib waxaa hadalkii qaatay ninka u ah kusimaha C/laahi
yuusuf madaxweynaha maamulka puntland Axmed Kasigaab oo ah wasiirka
Hawlaha guud iyo gaadiidka oo sheegay in go'aanka gaarista dhulkaani
ay dawlada u taal tasoo qaar badan oo dadkii dhulka sheeganaayey
aaney ku qancin.
gudoomiyaha gobolka bari xaaji bakiin oo aan wax
ka waydiiyey dhulkasi ayaa ka gaabsaday inuu faahfaahin ka bixiyo
walow gudomiye ku xigeenkiisu qiray in dhulkaasi yahay mid hanti
dawladeed ah.
Mudugonline.com
Ciraaq oo qaaday wadadii Somaliya ee 1991
Ottawa, 12 April 2003 (MOL)- Waxaa ka bilaamay wadanka
ciraaq xasuuq iyo bililaqo aad u ba'an, Bililaqada ka jirta Ciraaq
ayaa aad ugu eg tii ka bilaabatay wadanka Somaliya sannadkii 1991
markii la riday xukunkii kali taliska ahaa iyadoon la sii qorshayn
waxii lagu badali lahaa xukunka la riday.
Waxaa la bililaqaystay bangiyadii wadanka oo dhan,
waxaa sidoo kale la bililaqaystay xafiisyadii Dawlada, guryihii
saraakiishii Dawladii Sadaam. waxaa wax la bililaqaystay iyo wax
la gubay laga dhigay waxii qiimo leh oo yaalay meel kasta oo Dawladu
leedahay iyadoo loo aabayeelin hantidii qaranka oo qaarkood gubeen
qalabkii cusbitaalada.
Dad wax ma garata ah oo huaysan ayaa meel walba
galaya, waxaa bilaamay dil iyo aargoosi xaafadaha qaar dad lagu
laayay. waxaa xaqiiq ah haddii aan si de deg ah arintaan wax looga
qaban in Ciraaq noqonayso Somaliya oo kale.
Mudugonline.com
