Wararka Mudugonline

Afhayeenka Beesha Cumar Maxamuud ee Magaalada Manchester/UK
Xuseen Maxamed (Xuubsireed).

Asalaama Calaykum

Marka hore waan ku salaamay, marka xiga waanu wada aragnay qoraalkaagii ku qornaa Punt/state, waxaana hubaala in ay aad u wanaagsantahay dadku in ay fikradooda soo bandhigaan ama banaanka u soo saaraan, walaale aduunka aanu ku noolnahay afartiisa geesood umad waliba oo meel wada dagan wax uun bay tabanayaan laakiin waxa la isku dhaafay waxay tahay horumar caafimaada oo aan marnaba dhiig ku daadan, waxaan filayaa nin caafimaad qaba ama caqli leh ama wax garada in uu san ku farxin dilkii (Suldaan Axmed maxamuud Hure, iyo Faarax dheere) Alaha U naxariisto iyo nin waliba oo magac iyo sharaf iyo horumar u soo jiidaya dadkayaga iyo dalkayaga waa Puntillane.

Qoraalkaagana walaale waxaa ka muuqda waa guubaabo dagaal kicina ama iska horkeen dadka ah, wuxuuna u egyahay nin caadifad iyo ciil uu hogaaminayo laakiin aan caqliga kaashan oo meel fogna aan wax ka fiirin oo markaa waxa horyaala ku cabir qaatay, Runtiina kuma khaldanid in aad fikirkaaga dhiibato laakiin wax waliba oo iska hor imaad keenaya adeer waa laga wanaagsan yahay, walaale Maamulka puntilland ka jira ma aha jabhad Cumar maxamuuda oo meesha maamulaysa ee waa maamul umada reer puntilland ku abtirsada oo dhan ay ku jiraan haday Ciidan noqon lahayd iyo haday maamul dawladeed noqon lahaydba, adeer Harti oo dhan ayaa ku midaysan maamulkaan ee ma ahan jabhad Cumar maxamuud ay leedahay oo Mudug laga maamulo oo Gobolada Puntilland wada haysta ,adeer Cumar maxamuud kama tira badna dadka birana ma, aha hadaan beesha Ciise maxamuud maamulkaan wax ka wadin ama aysan raali ka'ahayn marnaba Garoowe kama uusan socdeen mana ay hawaysteen in ay ka taliyaan, hadaan beelaha reer bari maamulkaan aysan raali ka'ahayn ama aysan wax ka wadin marnaba kama socdeen kamana jireen mana ay haweysteen.

Markii Boosaaso kacdoonku ka dhacay waanu wada ogsoonayn sidii mudada gaaban ay isaga soo cayrsheen diideena maamulkaan barqa cad, waxaa lawada ogsoon yahay in aan xoog cidina lagu qabsan karin, markii danbena waxaan filayaa in aad daawatay cajaladihii laga soo duubay oo ka markhaati kacaysay in ay raali ka yihiin maamulkan iyaguna ay uyeerteen kuna soo dhaweeyeen magaalooyinkooda, adeer nabadu waa qaali dadka in lagu guubaabiyo in ay kala fogaadaan ama ay ku abuuranto Cuqdad aad u kala fogaysa waa wax laga fiican yahay.

Beel aan wax tirsanayn ma jirto , adigoo sheeganaya beesha maamulka madaxda u ah puntilland hadaad wax tirsanaysid maxaad moodaysaa beelaha kale ee aanu wada dhalanay, iska daa Puntilland e Soomaali oo dhan ayaa qof waliba oo aad xog waraysato gobolkuu doono ha kasoo jeedee uu wax tabanayaa dhibaatda badan keedna waa gaajada wadanka ka jirta oo dadka is tusaysa iyo dagaalka sokeeye oo saamayn ku wada yeeshay nolol maalmeedka umada soomaaliyeed oo dhan adiga aan kula hadlayo oo aan ku noolayn wadanka gudihiisa ayaa ku hadlayay hadalo ay ka mid yihiin hal reer ayaa dhaqaalihii umada ay gacanta ugu jirtaa iyo Beeshayda ayaa dad qabsatay, marka adeer is eedaynta dagaal kicinta ah bur bur hor leh mooyee wanaag iyo horumar ma keenayso umadaa ilaahay isku si wax uma wada aragto oo aniga iyo wiilkayga ayaa kala aragti duwanaan karna laakiin waxaa lama huraana waa nabada, isu soo dhawaynta dadka wada dhashay oo xag aduun iyo xag aakhiraba aad wanaag ka helaysid iyo dal jacaylka oo aad muhiim ugu ah dadkayaga maxaa yeelay hadaad wax waliba ka hor marisid horumarka dhulkaaga adeer dawlad adaa ah, ku mashquul horumarka dhulka intaad ku mashquuli lahayd eedayn iyo kala fogayn dadkaaga ah.

Halkaan ka akhri qoraalka Cali Ciise Salwe

Wabilaahi tawfiiq
Afhayeenka Beesha Cumar Maxamuud ee Magaalada Manchester/UK
Xuseen Maxamed (Xuubsireed).
E-mail = Mohamoud_hussein@yahoo.co.uk
Tel = 44./7985525950

Asalaamu caleekum.

Waxaan akhriyay qoraal ku soo baxay puntlandstate oo uu qoray nin lagu magacaabo, Ali ciise salwe qoraalkaas oo ciwaan looga dhigay talada murugtay aa bahweynta cumar maxamuud.

Hadaba walaalayaalow, waxaan layaabay dhibaatada wayn oo xambaarsan yahay qoraalkan labaxay talo, lakiin ah in umadda laysku gubo lana huriyo colaad isagoo adeegsanaya ficil sheedaan, ficilkaas oo ah gubaabo, isku dir qabiil, been abuurasho qabiil, dhiig la daadiyo, bur burin magaca beesha cumar maxamud.

Wuxuu sharaf dhac ku sameeyay, haybaddii, sharaftii, wanaagii, magacii waynaa, beesha cumar maxamuud. isagoo dambi ay galin beeshu madaxa u saaray oo yiri waxay ku duuleen walaalahood, cismaan maxamud iyo walaalahooda kale, yaan ku sii dheeraan faalade, in yar haddaan iraahdo.

Cali ciise salwe, ina ciise salwow,yurub baad joogtaa, dab baad rabtaa inaad shiddo iyo diradirayn jaane, muslinka ha isku dirin yaan iblays dowyo kaa ridin.

Cali ciise salwe, ina ciise salwow, Inkastoo dalku kala fog yahay hadalku soo duulye, kumana diirsan taladu haday dunida aafaynayso.

Cali ciise salwe, ina ciise salwow, awoowgaa salwe kuma suubbanayn diradiraallle, muslin nabad ah baad balo la doonaysaa.

Hadalka kaa soo yeeray, ma aqoon daribaa mise waa nacaybnimo, anigu waxaan u arkay aqoon dari, sabab too ah waxaad ka hadlaysid uma lihid aqoon, hadaad u leedahay aqoon saas uma aad hadasheen, oo maad aflagaadesan ummad dhan ama qabiilo leh shiikh iyo shariif.

Qabiil dhan baad ku sheegtay doqomo, hadaba hadaan kuu soo qaato hadal yar nin la yiraahdo ciise dheeg ayaa u yeeray walaalkiis oo uu ku tuhmayay doqoniimo, wuxuuna yiri walaale waxaan kuu tirinayaa doqomada cumar maxamuud, isna wuxuu yiri haye, ciise wuxuu yiri adiga kow dheh, markaasu yiri anigu ma ahi doqon, ciise wuxuu yiri waan kaa reebayaa bal kow dheh, isna wuxu yiri kow, ciise wuxuu yiri xilahay dalaaqan adiga ma ahee doqon kale oo cumar maxamuud ah majiro, waxaan ka wadaa xilahay dalaaqan qarnigaan doqon adiga ahayn malaha cumar maxamud, sababa too ah nin rag ah waxaa kuma hadlo.

Waxaad sharafta ka qaaday magacaad sheeganayso oo ah gudoomiyaha beesha maxamed cumar, laakiin waxaan markhaati ka ahay nin saas u hadla inuu ka dhalan maxamed cumar, iskaba dhaafe inuu sheekto gudoomiye.

CALI CIISE SALWE, INA CIISE SALWOW, TALADU WAA AYDIN KAA MAQANE.

Qore.G.Y. abdiasis khalif xaaji .........................10/04/003.
Email.abdiasisjama@yahoo.com

---

KU LAABO BOGAA HORE

Contact: webmaster@mudugonline.com

Copyright © Mudug Online 2001

---