Ciidamo
Maraykan ah oo laayay haween iyo caruur
Ottawa, 01 April 2003 (MOL)-Maalintii shalay ayaa
ciidamo Maraykan ah oo isbaaro dhigtay meel u dhow magaalada Najaf
ee dalka ciraaq ayaa waxay rasaas ku fureen gaari bus yar ah oo
ay saaraayeen caruur iyo iyo haween Ciraaqiyiin ah. waxaa la soo
sheegay illaa 7 qof in halkaas ku nafwaayeen.
Ciidamada maraykanka ayaa sheegay in gaarigaasi
xabada lagu furay ka dib markii uu ku joogsan waayay xabado digniin
ah oo ciidanku cirka u rideen. Ciidamada Maraykan ayaa la sheegay
inay ka cabsi qabeen in gaariga ay saareeyeen dad nafti hurayaal
ah oo raba inay qarxiyaan ciidamada Maraykanka sidii dhawr maalin
ka hor ka dhacday goob aan ka fogayn isla meesha shilkaasi ka
dhacay. ciidamada Maraykanka ayaa amar lagu siiyay inay is difaacaan
taas oo laga cabsi qabo inay ku dhintaan dad masaakiin ah oo aan
waxba galabsan rasaasta aan la hubsan ee shicibka lagu ridayo.
madaxda ciidamada Maraykanka ayaa sheegay in ciidamadaas wax laayay
shaqadooda guteen xaalada lagu jiro awgeed.
Dhinaca kale wali waxaa socda weerar aan kala go'
lahayn oo ciidamada xulafadu ku wadaan kuwa ciraaq, meelaha dagaalada
ugu weyn ka dhacayaan ayaa la sheegay inay ka mid yihiin magaalada
Najaf, magaalada hindiya. weerarada ciidamada Maraykanka ayaa
asbuucaan u badnaa dhanka cirka iyagoo isku dayaya inay wiiqaan
ciidmada aadka looga boqo ee aadka u tababaran ee Jamhuuriga.
Mudugonline.com
Kooxda Carta oo ka shiray sidii loo badali
lahaa Hassan Abshir
Muqdishu, 01 April 2003 (MOL)-
Warar aan wali la xaqiijin ayaa sheegaya in shir ay shalay yeesheen
golaha wasiirada kooxda Carta looga wada hadlay sidii loo badali
lahaa Hasan abshir oo hadda kooxdaas u haya jagada wasiirka koowaad.
shirkaas oo albaabadu i xiraayeen ayaa la sheegay in waxyaabihii
laga wada hadlay oo dhan ay ahaayeen sir. waxaa kaloo la sheegay
in shirkaas looga hadlay sidii waqtiga loogu kordhin lahaa dawlada
KMG ah ee carta oo waqtigii uga harsan yahay in ka yar 5 bilood.
Hasan
Abshir oo isagu hadda ku sugan madasha shirka dib u heshiisiinta
ayaa la sheegay in aysan haatan isku si wax u arag isaga iyo madaxweynaha
Kooxda Carta Cabdiqasim Salad hasan oo sheegay in shirka dib u
heshiisiinta Somalida aan waxba ka soo baxayn uuna haatan qabanqaabinyo
sidii waqtiga loogu kordhin lahaa kooxdiisa. Hasan Abshir ayaa
isagu wali ku qanacsan inuu sii joogo shirka dib u heshiisiinta.
Wali lama oga inuu Hasan Abshir iska casili doono jagada uu u
hayo kooxda Carta iyo inuu noqon doono ra'iisal wasaare dibad
wareeg ah si dad badan filayaan.
Mudugonline.com
Shirkii hogaamiyaasha Muqdishu ee USC oo
durba ay haraysay khilaaf
Muqdishu, 01 April 2003 (MOL)-
Wararka ka imaanaya shir ay maalintii Axada isugu yimaadeen hogaamiyaasha
USC ee Muqdishu ku sugan ayaa sheegaya in durba khilaaf soo kala
dhex galay hogaamiyaashaas, Raga shirkaas ka qayb qaatay oo ay
ka mid ahaayeen Maxamed Qanyare, Cusmaan Caato iyo Cabdiqasim
Salad ayaa la sheegay in aan wax heshiis ah lagu gaarin.
Muhiimada
shirkaan laga lahaa oo ahayd sidii hogaamiyaasha beelaha USC ee
Muqdishu isugu afgaran lahaayeen sidii Kooxda Carta waqtiga loogu
kordhin lahaa iyo sidii loo fulin lahaa heshiis ay horey u gaareen
hogaamiyayaasha Muqdishu intii aysan ka soo caroon shirka dib
u heshiisiinta ee ka socda wadanka Kenya oo ahaa sidii loo furi
lahaa dekada iyo garoonka Muqdishu loona qaybsan lahaa raasalmaalka
ka soo baxa.
Caqabadii
ugu horeysay ayaa noqotay iyadoo hogaamiyaha Muuse Xaaji Suudi
uu diiday inuu shir la yeesho inta hogaamiyaha Kooxda Carta sheeganayo
magac madaxweynenimo oo aan Somali u aqoonsanayn. waxaana iyana
jira hogaamiyaal kale iyo beelo aan ku qanacsanayn sida ay kooxahaani
wax u rabaan inay u hirgaliyaan heshiiskaas oo aan markii horeba
loo dhamayn.
Mudugonline.com
Xaflad lagu soo bandhigay waxbarashada Dugsiga Farsamada Galkacyo
Gaalkacyo, Isniin, Mar 31, 2003 (AllPuntland)- Dugsiga farsamada
ee Hay’adda Gottenberg Initiative ee magaalada Gaalkacyo waxaa
saaka lagu qabtay xaflad lagu soo bandhigayay waxa ay ardayda
dhigata goobtaasi ay barteen . Waxaana bandhig aqooneedkaas ka
soo qayb galay madax ka kala socotay dawladda Puntland iyo maamulka
gobolka oo ay ka mid yihiin Wasiiru dawlaha aminga ee Puntland
Warsame Cabdi Shirwac (Seefta-banaanka), Wasiir ku xigeenka Ganacsiga
iyo warshadaha Cilmi Cali Guuleed iyo Gudoomiyaha gobolka Mudug
Cabdirashiid Cali Xaashi (Dhuubane). Waxaa ugu horayn hallkaasi
hadal dheer ka soo jeediyay maamulka Dugsiga farsmada oo ka war
bixiyay sidda ay waxbarashadu u socoto, waxayna sheegeen in waxbarashada
dugsigu oo soo socon doonta muddo 55 Asbuuc (Todobaad) ay ardaydu
soo qaateen 10 Asbuuc, ayna faa'iidaysteen wax yaabo kala duwan
oo ay ugu horayso Toornada iyo Biraha, ardayduna waxay halkaasi
ku soo bandhigeen qaar ka mid ah waxa ay ka barteen dugsigaasi
farsamada.
Allpuntland
