Sawirada iyo Mudaharaadka  Puntland State Ma runbaa Mise?

London: Waxaa bogga Internet-ka ee PuntlandState.com uu baahiyay sawiro uu been abuuray oo uu ku sheegay banaabax balaaran oo ka dhacay London waa sidda uu u dhigay qoraalkiisee.

Waxay igu noqotay la yaab, shaki baana naftayda ka galay halka ay ka waramayaan inay tahay goobtii aan aniga laftigaygu joogay, waxaan garan waayay sidda indhahaygu u arki waayeen tirada dadka ay sheegeen inay meesha isugu yimaadeen oo ay ku sheegeen 300 oo qof.

Run ahaan intii joogtay iyo iyaga laftigooduba waa og yihiin tirada dadka meesha joogtay, dadka reer Londona war iskuma seegana, meesha Somalida isugu timid tiradoodu intay ahayd iyo kuwa ay ahaayeena waa wax lawada og yahay, tiradaas oo xaqiiqdii aan ka badnayn 20 qof oo ahaa dad lagu yaqaanay mucaaradnimadooda maamulka Puntland, tiradaas oo ka yar toban laab tan ay baahisay Puntlandstate.com oo iyadu isku qaladay runta iyo beenta, runtii London waxaa ku nool 100,000 wax ka badan oo Soomaali ah, 20 qofna ma matali karto Somalidaas kumanaankun ah iyadoo jaaliyada Puntland ee London ku noolna ay tahay kumanaan kun oo qof.

Ma aha markii ugu horaysay ee Puntlandstate lagu arko been abuur cad, xagga sawiarada Xusuuso sawirkii been abuurka ahaa oo  nin Mayd ah oo Wardhiiglay, Muqdisho yaal ay ku sheegi jireen  inuu yahay Mayd Qardho yaal taasi oo markii dambe runteedii la helay).Akhristoow Beenlow nin dhintay iyo nin dheeraaday ayuu markhaati gashtaa ee bal aad ugu fiirso sawirada been abuurka PuntlandState.com ay ku sheegeen maanta mudaharaad ka dhacay London.

Waa Sawiro mudaaharaad Been abuur ah , waa Sawiro mudaharaadayo dhawro sanno ka hor la sameeyey, oo ujeedooyin kala duwana loo sameeyey , waxay ka xadeen meelo lagu kaydiyey oo Iternet-ka ah, iyagoo markaan u ekaysiiyay inuu yahay mudaharaad London ay Somaliyi ka samaysay shalay,   Akhristoow sawirkaan hoose aad u fiiri, waliba si ay kuugu sahlanaato boorarka aan falaarta ku calaamadaynay akhri waxa ku qoran, ereyo ay ka mid yihiin "NEVER FORGET SEPT 11", mid kale waxaa ku qoran NO WAR ON IRAQ maxaa kuu soo baxay akhriste? Beeni waa lug gaaban tahay 

Qoraalka khadka cas ku qoran  waa waraaq ay qoreen oo ay dusha kaga dhajiyeen Boor sawir hore, aad ugu fiirso waxaad arkaysaa in waraaqda qoraalka ay ku qoreen uusan ka mid ahayn Boorka ay dul dhigeen, eeg Boorkaas dhinaciisa bidix warqad cad oo ay ka iloobeen wixii ay ku qori lahaayeen ayaa kuu muuqata. Kaasi waa uun tusaale yar oo aan ka soo qaadnay sawirada ay dadka tuseen oo kuligood ay dusha sawiro mudaharaadyo hore ay boorarkii dadku siteen kaga dhajiyeen sawirka Cabdullaahi Yusuf iyo qoraalo ay qoreen, runtii waxaas oo dhami maaha mudaharaad  dad Somaliyeed ka samayeen London shalay ee kaliya waa been abuur  si ay indhaha Somalida u qaldaan. Aad Akhriste ugu fiirso Sawiradooda kaloo dhan, Boorarka mudaharaadyo hore ee dadku sitaan bay waxay ku dul dhajiyeen boor ay sameeyeen iyagoo masawirka Cabdullahi Yusuf  ku dul dhajiyey, iyagoo isticmaalay Photo digital ama Scanner iwm,   aad ugu Fiirso Akhriste sawiradooda, sawirka Cabdulahi waxa uu dhinac ka saaran yahay boorar ay warar kale ku qoran yihiin, isla markaasna sidda kuu muuqata boorarka iyo sawirka dusha laga saaray isma laha, eeg boorka Cabdullahi ku sawiran yahay hal gacan oo isku  mid ah baa haysa oo ah ninkii markii ugu horreysey lagu sawiray ah oo kolba boor la dul dhigay.. Run ahaan xiligaan qofku wax walba waa been abuuri karaa, foojarina waa la samayn karaa, waxaase xaqiiqo ah in been kasta ay runi ka dabayn doonto, indhaha dadkuna yihiin kuwa ka gudbay xiligii la qaldi jiray, aqoontuna maskaxda dadka waa ka buuxda. Akhriste maaha markii ugu horaysay oo PuntlandState.com ay samayso sawiro Been abuur ah, waxaa horay AllSomali.com u kashifmay sawirkii maydka degmada Wardhiiglay ee 1991 ninka Talyaani soo sawiray oo ay ku sheegeen inuu yahay Maydka nin ciidanka Daraawiishta Puntland ay ku dileen Qardho bartankeeda, kaasi oo aakhirkii rintiisa uu helay akhriste AllPuntland akhri halkaan Riix Halkaan WQ:Muuse Cilmi

Contact: webmaster@mudugonline.com

Copyright © Mudug Online 2001