Waxaana cadaan ah in markasta oo ay Maamulka Puntland bilaaban Qorshiihii Kismanyo lagu soo celin lahaa oo ay Arintaa si fiican u guda galaan, in cawowga Kismanyo haysaan ee Carte bilaabaan sidii ay u fashilin lahaayeen, waxayna sidaas darteed Carte diyaar u noqdaan bixinta Kharash badan oo xasarad Puntland dhexdeeda looga abuuro.

Mana ahayn Dagaalkii uu Morgan Kismanyo ku qabsan rabay iyo kii uu Jamac Cali Jamac sanad ka hor Boosaaso ku qaaday wax si kadis ah isugu soo beegmaan, maxaa yeelay way cadayd in uu ahaa Qorshe laga soo shaqeeyey oo ay Alitixaad, Isbahaysiga Dooxatada Jubo iyo kooxda Carte si wada jir ah uga soo wada shaqeeyen, ujeedada laga lahaana ahaa in si kismanyo loo xalaashado puntland xasarad looga ridaan, taas oo keentay in puntland waqti ay kismanyo ugu gurmato weydo.

Kuma yara Puntland dhexdeeda iyo dibadeedaba awoodo reer Puntland ah oo qandaraas ku qaadashada fulinta arintaas diyaar u ah, waxaana waliba jooga gudaha iyo dibadaba kooxda Alitaxaad iyo Carte taageerayaashooda iyo waliba Odayaal iyo Siyaasiyiin reer Puntland ah oo meheradooda koobad noqotay u shaqaynta shisheeyaha.oo si Carte u hirgalo Kismanyana Carte u xalaalshado diyaar u ah in ay Puntland sandereero la siiyey darteed u sadqeeyaan

Sidii markii hore ee Puntland xasarada laga abuurayeey ay raga Kooxda Carte u shaqeeyaan ee dibadaha iyo gudahaba jooga, Qoobka iyo Qaylada isugu dhareen una abaabuleen Dagaal sokeeye oo Puntland ka dhaca si taasi u hirgashana Baaq Beeleedyo badan iyo Qaylo dhanyo badan oo Maamulka Puntland dhan ka ah u soo saareen, yaad moodaa in sidii waagaa ay muuqato in marka rogala celiyeen waxaana markale haddeer soo if baxaysa in ay Carte Casharkii ay Maalintii hore xoraynta Kismanyo ku fashiliyeen mar labaad rabaan in ay nakhtiin ahaan ugu soo celiyaan.

Ku celinta Casharkan Carabkaa bartay oo cidna culays kuma hayo waxa kaliya ee loo baahan yahay waa Dabka shidan oo baasiin lagu sii daro, sidaa darteed waxay bilaabeen taagerayaasha Carte in ay Boogaha furun Baaq Beeleed iyo Qaylo Dhan ku danqiyaan.

Waxa kaliya ee marakan ku soo biiray dardar cusub oo ay Alitixaad iyo Carte rabaan in ay ku Darkii iyaga Liiska Argagixisada Aduunka lagu daray kaga aargoostaan, taas oo ah in ay Maamulka Puntland ku dhaleeceeyan ku xadgubub xuquuqda bin aadmiga.

Si marka taas loo hirgaliyo waxay taageerayaasha Kooxdaa ee dibadu bilaabeen Mudaaharadyo iyagoo waliba ku gabanayaan Erayga Xuquuqda bin Aadmiga oo ay ma gudbe ka yihiin, ku gabashada Erayga Xuquuqda bin Aadmiga ujeedad ay Carte iyo Alitixaad ka leeyihiin waa Jawaab u dhiganta Erayga iyaga lagu eedeeyey oo ah argagiso helid.
Taasina waa Makhraati ma doonto oo Somaliya labo iyo toban sano ayuu xadgudub Xuquuda bin Aadmiga ka dhacayey walina ka socday sida waxa kismayno haddeer ka socda iyada oo waliba kuwii galay danbigaa oo Kumanyaalkun oo Qof gumaadeen, kumanyaalku oo kalena soo barokiciyey, Beerohoodii iyo Guryahoodiina xalaashadeen hal mudaaharaad oo ku eedaynaya ku xadgudub xuquuqda bin aadmiga. lagu samayn
Waxaa kale oo cadaynaya waxaa Mudaharaadka ka qayb qaateen oo wax ka soo qorsheeyeen kuwii bililaqad Dadka ay dheceen ku soo dhoofeen, Dhiig boqolaal Qofna qaba, soona kufsadeeny boqolaal Gabdhood, kuwaas oo ay caadi ahaan ahayd iska daa in ay xuquuq bin aadam u doodaane in iyaga Maxkamad Aduunka la soo taago sidii Ciidankii Hutuuda ee Ruwanda

Carte waxaa markaan u cadaatay in ay Puntland Qorshaha ay doonaan haddii ay Qarashkiisa bixinkaro ka fushankaro, si marka Qorshaha cusub kharash ku filan u helaan waxay Carte u qaraab tageen Wadamada Carata oo ay mood iyo noolba ka soo heleen.
Markii uu ku filaan waayey wixii lacag ahaan loo soo helay in uu baahida Qorshaha cusub buuxiyo waxay Carte Jabuuti ka gadeen kaalmadii Liibiya Dadka masaakiinta ee Somaliyeed u soo dhiibtay ah, waxaana cad in Kharash mar labaad Puntland lagu gubo Kismanyana lagu xalaashado la isu keenay, maxaa yeelay waxaa bilowday Baaq soo saar kii iyo Ciidan abaabul iyo carcar cusub oo puntland lagu curyaaminaayo, xoraynta Kismanyana lagu hor joogsanaayo, taas oo keentay Su´aasha Dad badan is weydiinayaan ee ah.
"Carte ma lacag bay soo heleen? waa maxay?" Carcartaan.cusub

Mahadsanid
Maxamed Sh. Hasan dahir

Contact: webmaster@mudugonline.com

Copyright © Mudug Online 2001