Wararka Mudugonline

Gudiga Hanuuninta dadweynaha ee Koaxda Carta iyo warka la sheegay in Cabdulahi Yusuf Jiro la ildaran yahay maxaa ka dhexeeya?

MUQDISHU, 24 Sep 2002 (MOL) -Warar ay isla dhex marayaan Wargaysyada Muqdishu ee ku hadla afka dawlada ayaa labadii beri ee u dambeeyay waxaa lagu soo qoray in Madaxweynaha Dawlada Goboleedka Puntland Cabdulahi Yusuf uu la il-daran yahay xanuun Ba'an oo qarka u saaran yahay dhimasho, Wargeysyadaas oo siyaalo kala duwan wararka u qoray iyadoo qaarba si u sharxay Caafimaad xumida ay yiraahdeen waxay soo wajahday Cabdulahi Yusuf ayaa hadaba waxay farta ku fiiqi waayeen meesha warkaas ay ka heleen iyo meesha uu joogo Cabdulahi Yusuf.

Haddaba warkaas ka soo yeeray Wargeysyada iyo saxaafada Kooxda Carta ayaa waxaa ay la kowsatay samaynta Gudi lagu magacaabay gudiga Hanuuninta Dadweynaha, gudigaan oo maalintii shalay lagu magacaabay wareegto ka soo baxday Madax weynaha Kooxda Carta ayaa loo sameeyay faafinta propogandada Kooxda Carta iyo sidii loo gadi lahaa kooxdaas aragtideeda, Haddaba waxaa muuqata warkaan illaa shalay la waday ee loo dardaar wariyay Cabdulahi Yusuf ayaa u muuqda mid ka yimid gudigaas cusub oo haatan ku soo daray arimaha Somaliya faafinta iyo hirgalinta warar aan jirin si qal qal iyo wal wal loogu abuuro dadweynaha aan aqoonta u lahayn shirqoolada kooxda Carta. ka sakoow faafinta warkaas beentaa ayaa saxaafada kooxda Carta ee Muqdishu waxay bilaabeen in ay telefoono ku wacaan dad jooga meelo ka mida Puntland iyagoo faafinaya in Cabdulahi Yusuf sakaarad yahay oo uu god qarki saaran yahay, arintaan oo dad badan ka yaabisay in dad Muslim sheeganaya faafiyaan warar noocaan oo kala ah qof walbana illaahay ogyahay markuu dhimanayo..

Warar Mudugonline maanta soo gaaray ayaa sheegaya in Cabdulahi Yusuf Caafimaadkiisu uu fiican yahay aysan waxba iska badalin tan iyo intii uu ka soo dhoofay magaalada Bosaaso, Warkaas naga soo gaaray wargal aan rabin in magaciisa la xuso ayaa noo sheegay in waqti dhaw la ogaan doono wararka beenta ah ee la faafinyo Cabdulahi Yusuf-na iminka ku sugan yahay wadan ka mida Yurub, waxaana la filayaa in uu dhawaanba ka dib booqashada Yurub uu aadi doono wadanka Maraykanka iyadoo la filayo inuu la kulmo saraakiil ka mida Dawlada Maraykanka, waxaa kaloo la filayaa in uu la kulmo Jaaliyada Puntland ee Magaalooyinka Maraykanka.

Mudugonline

Kooxda Carta oo sahay ciidan u diray labadii gudoomiye ku xigeen ee shaati Gaduud

BAYDHABO, 24 Sep 2002 (MOL)- Wararka ka imaanaya magaalada Baydhaba ayaa sheegaya in sahay ciidan oo fara badan soo gaaray maleeshiyada teegaarta Shiikh Adam Madoobe iyo Xaabsade oo labaduba dagaal uga soo horjeedo maamulka DG Koonfur Galbeed ee uu hogaamiyo Xasan Maxamed Nuur "Shaati-Gaduud" ka dib markii ay ka falaagoobeen maamulkii la sameeyay, labadaan nin ayaa isla markiiba waxay iskaashi hoose la samaysteen kooxda Carta halkaasna waxay ka soo heleen balan qaadyo badan oo hub iyo lacag isugu jira. balanqaadyadaas qeyb ka mida ayaa la sheegay in uu hadda soo gaaray labada gudoomiye.

Labada gudoomiye ku xigeen ayaa la sheegay in ay heshiis milatary la soo saxiixdeen isbahaysiga dooxada Jubba oo xooga ku haysta magaalada Dekada ah ee Kismaayo, Isbahasiga dooxada Jubba ayaa damac ka galay bililaqo ay u doontaan magaalada Baydhabo haddii dagaal halkaas ka dhaco sidii awalba ay ku qabsadeen magaalada Kismayo. labada ciidan ee iska soo hor jeeda ayaa la sheegayaa in ay Baydhabo u Jiraaan illaa 50KM, ciidamaduna iskuba muuqdaan qatarta dagaal qarxaana uu labadii bari ee la soo dhaafay aad u siyaaday illaahay oo qabooja mooyee.

Mudugonline

Wadaado Tabliiq ah oo laga sii daayay Xabsiga magaalaada Galkacyo

GALKACYO, 24 Sep 2002 (MOL)- Waxaa maalintii shalay magaalada Galkacyo laga sii daayay niman wadaado tabliiq ah kana yimid wadanka Pakistan ka dib markii ay u xiraayeen maamulka Gobolka Mudug intii mudo ah, nimankaas oo u socday in ay diin faafiyaan, ayaa maamulku u arkay in ay yihiin argagixiso. wadaada Tabliiqa ayaa waxay sannad walba safar ku maraan wadamo kala duwan iyogoo meeshii ay tagaanba faafiya diinta Islamka. wadamada ay tabliiqu tagaan ayaan ku koobnayn wadamaada Muslimka ee waxay tagaan wadamada laga haysto diimaha kale.

maamulka Gobolka Mudug ayaan war cad ka soo saarin sababta wadaada loo xiray iyo waxii lagu tuhmay, waxaa iyaamahan caado noqtay qofkii lagu arko muuqaal diineed in maamulka Puntland ka shakiyo, arintaan ayaa bulshada reer Mudug u arkaan aqoon yari xaga diinta ee maamulka, maamulka ayaa waxaa markasta waxuu shaki ka qabaa wadaada arin la xiriirta xinif soo jireen ah oo wadaada Puntland badankoodu u arkaan wax la soo dhaafay. wadaad neceybka maamulka iyo eedaynta joogtada ah ayaa ah arin keeni karta mid bulshada Puntland aysan aqbili karin abuurtana xasarad iyo ishaysasho joogto ah, maamulka ayay tahay markaas in uu kor u qaado aqoonta iyo wacyigalinta saraakiisha maamulka.

Waxaa sidaas oo kale dhawaanta la soo daayay oo Bosaaso ku soo noqday labo nin oo Carab ah oo xiritaankoodii dadka dhami ka xumaadeen, haatana markii wax dambi ah lagu waayay la soo daayay.

Mudugonline

Islam Attracting Many Survivors of Rwanda Genocide
By Emily Wax
Washington Foreign Post Service
Monday, September 23, 2002; Page A10


RUHENGERI, Rwanda -- The villagers with their forest green head wraps and forest green Korans arrived at the mosque on a rainy Sunday afternoon for a lecture for new converts. There was one main topic: jihad.

They found their seats and flipped to the right page. Hands flew in the air. People read passages aloud. And the word jihad -- holy struggle -- echoed again and again through the dark, leaky room.

It wasn't the kind of jihad that has been in the news since Sept. 11, 2001. There were no references to Osama bin Laden, the World Trade Center or suicide bombers. Instead there was only talk of April 6, 1994, the first day of the state-sponsored genocide in which ethnic Hutu extremists killed 800,000 minority Tutsis and Hutu moderates.

"We have our own jihad, and that is our war against ignorance between Hutu and Tutsi. It is our struggle to heal," said Saleh Habimana, the head mufti of Rwanda. "Our jihad is to start respecting each other and living as Rwandans and as Muslims."

More.....




Contact: webmaster@mudugonline.com

Copyright © Mudug Online 2001