Waa bilow guul xambaarsan waa bilow u baahan dhamaystir wacan oo ay ku dheehantahay siyaasad ku salaysan ixtiraamka ra'yiga kale iyo degdeg oo laga fogaado ,waa arrin u baahan la tashiyo dhinac walbo leh si loo helo dad kala ra'yi duwan oo haddana ka mideysan gaarida hadafka guud ee gobalkan, hadafkooduna ku salaysan yahay ka mira dhalinta maamul mideeyo dadwenaha Banaadiriga,Mudulood iyo dadyowga kale saamigooda inta uu la ekaadaba ee ku nool gobalka bariga iyo bartamaha Soomaliya waa sida ay ugu magac daraan odayaasha isu xilqaamay sameynta maamul mideeyo ummad ballaran ee mudda dheer lagu bah dilay Soomali doon baan nahay.

Gujinta naaska neef caana diid ah waxaa ku wiil iyo walaal waayay, dhulkoodina ku dayacay niman aan bah wadaag nahay , Akhyaareey arrintan aad ka dhawaajiseen waxaan idinka ka codsanaynaa (annaga oo ah taageerayaasha siyaasada ah gobal walbo oo Soomaaliyeed ha u dhaqaaqo sameynta maamul u gaar ah iyada oo midnimada Soomaaliyeed tahay mid ka sareyso maamul walbo oo laga dhawaajiyo) in aad si qun yar socoda ugu howl gashaan lana tashataan dhamaan siyaasiyiinta dadyowga gobalkan horboodo ,culamaa'udiinka,oday dhaqmeedka, indheergaratda, ganaacsatada iyo bushada qeybaheeda kala duwan mid idin taageersan iyo mid idin diidanba .

Arrintan waxaay ummada gobalkan ku nool iyo dadweynaha Soomaaliyeed guud ahaan u horseedaysaa in lasoo gabagabeeyo dayacnaanti iyo kala daadsanaanti salka u ahayd deganaansha la'aanta wadaankeena ka jirto guud ahaan iyo Gobalka Banaadir iyo deeganada ku xeeran gaar ahaan. Waxaa kale oo ay geed ku soo xireyso in yar oo ummadda Soomaaliyeed ku marin habaabisay waxaay nahay Soomaali doon haddana qorshahooda uunan dhaafsiisneyn hunguri gaaban oo ka galay meel ciriiri ah imaan la'aan awgeed.

akhyareey, waa ragga ku dhawaaqay in ay ku guda jiraan howshan waxaan idinku war gelineynaa in aynan howshan ahayn mid sahlan oo isku soo bood ah waayo waxaay taabanaeysaa dhinacya badan oo diidan horumarkiina, in mudda ahna ummada soomaliyeed ka hortaagnaa in ay gaaraan Dowlad loo dhan yahay umamaddana ka soo saarto mugdigi ay ku jirtay 13sano dana gaar ah oo daahsan awgood, sidaa darteed waxaan mar kale idinka codsnaynaa tilaabo walbo oo aad qaadaan in ay ku tiirsanaato xisaab laga baaran degay xalkeeda halka uu ku jiro iyo dheefteeda iyo dhibkeeda inta uu la eg yahay .

Waxaa jirto in maalin dhoweyd uu taabtay abwaan soomaaliyeed dhibatada magaalada Muqdisho ka jirto in ay salka ku heyso xisaab la'aanta dadka deegaanka degan sidaa darteed waa in aad ogaataan in ay idinka hor imaaneysa horistaagya badan iyo debandaabyo la idiin dhigo,si looga badbaado turunturooyinka la idiin maleegi doono waa in aad howshiina saldhig uga dhigtaan dulqaad iyo la tashiyo badan .

Ugu danbeyn waxaan idiin rajeynanaa, ilaaheey idinkiis guul iyo maamulkan aad ka dhawaajiseen oo dadweynaha gobalkan iyo dhamaan ummadda Soomaaliyeed u horseedo helitaanka dowlad Soomaaliyeed oo loo dhan yahay saami wadaageeda.

Abdallah Moallim Mahamud
(Siyaasi)
moallem10@hotmail.com

Contact: webmaster@mudugonline.com

Copyright © Mudug Online 2001