Allaah
ha u naxriistee Madaxweunihii hore ee Somaliland Maxmed
Ibrahim Cigaal ayaa waxaa lagu saluugey dawalddii ugu horreysey
ee uu dhisay 93dii iyadadoo la dhaliilsnayaa tayada ragga
uu la baxay. Dabeed wuxuu ku jawaabey dawladdeydu "XUL
ma ahee waa
XAL" Hadda maanta dawladda Madaxweynaha Puntland ku
dhawaaqey maxay noqon kartaa?
Aniga aragtideyda waxay iila muuqataa in aaney xul iyo xal
toonna ahayn!!!.
dabcan
ragga intooda badini wax sumcad ah kuma laha bulshada dhexdeeda
umana muuqdaan kuwa ka soo mira dhalin kara waxna ku soo
kordhin kara xaaladda weli
murugsan ee Puntland. taaso u baahan ninkarmeedyo loo arki
karo in ay wax dhexaadin karaan amaba loo soo fadhiisto
haddiiba ay qorshe la yimaadaan.
Waxaan
xusuustaa sidii ay ugu yaraan uu miisaannayd dawladdii u
horreysey ee Puntland ee Cabdillaahi dhisay.iyadoo inta
ka wasiirro yareyd. laakiin tan maanta waxay uu muuqataa
nin dagaal ku adkaadey oo aan cidna talo uga baahnayn.Yacni
anaa iri iyo qancin saaxiibbo gaar ah. iyadoo la dhinac
maray tixgelintii beelaha iyo cidda wax loo magcaabayo.
Haddaan
sii yare wado ragga intooda badan waxaa aad loogu sheegaa
in aan meel loogusoo hagaago ayan lahayn, hadba dhinacii
ay dan u arkaanna isu daad-raaciyaan.
Malaha
waxaa habboonayd in dib loo gu noqdo.
Ummadda
Somaliyeed oo ah dad walaala ah oo wada dhashay, ayaa dhowr
iyo tobankii sanno ee ina soo-dhaaftay waxaa soo baxay dad
caadaystay ku tagri-falka falal xun xun sida: Dhaca, dilka
dad aan waxba galabsan, kufsiga dumarka iyo mararka qaarkood
carruurta saqiirka ah, cunidda xoolo xaaraan ah, xoog ku haysasho
guryo iyo beero dadkii lahaa laga bara-kiciyey iyo waliba
xaasidnimo cuqdadi weheliso.
Qowmiyaddaan
waxaa hadda madax u ah Cabdulqaasim Salaad Xasan oo ahaan
jiray mid ka mid ah gacan yarayaashii Afweyne, muddo dhowr
iyo labaatan sanno ahna gacan ku siinaayey Ina Siyaad Barre
siduu u dabar-gown lahaa dadweynihii Somaliyeed ee aan waxba
galabsan, sida uu hadda u gacanta xaqdarada ah u siinaayo
kuwa xoogga ku haysta Kismaanyo, Shabeelada Hoose, Shabeelada
dhexe qaybo ka mid ah iyo waliba qaybo ka mid ah Mogadishu;
Dadkaan oo ka kooban calooshooda u shaqaystayaal iyo wiilashii
walaalihiis ahaa ee qoyska uu ka dhashay kasoo jeeda ee ilma
Cayr ah. Haddaba, Akhristow, dadkaan goormay garan-doonaan
danbiyadaan foosha xun ee ay faraha kula jiraan, maxayse ku
danbayn?
Waxaa hubaal ah cidwalba oo gardaro iyo axmaqnimo ku dagaalamaysa
in cimrigoodu noqondoono mid cawaaqib-xumo ku dhamaada, tusaalena
waxaa inoogu filan dagaalkii R.R.A. la-gashay Ina Caydiid
iyo wuxuu ku danbeeyey.
Waxaa
kaloo xusid mudan midkii Jaahilnimada ahaa ee loo adeegsaday
inuu fuliyo Jamac Caliga reer Punta ee maalin cad cagaha wax
ka dayey asagoon meel uu u ciirsado aqoon, waayo dadkiisii
baa gartay caqligiisa iyo cidduu u adeegaayey. Haddaba, Carte
iyo inta xaqdarada kula heshiiyey waxay ku danbayn-doonaan
taariikh madow oo la wada xusuusan-doono, waxaana soo dhawaaday
jabkoodii iyo waqtigii laga abaal marin lahaa xaqdaradii iyo
xumaantii ay geysteen, waxaana ku dhici-doonta caradii Alle
iyo ciilka reer Punta. Meesha ay u cararidoonaana la arki-doonee,!
waxayna ahaan-doonaan kuwo lays-weydiiyo oo la yiraahdo ma
arage ma aragteen, sidii Ina Cali Jamac.
Raage Jamac
ragejma@aol.com
U.S.A
