Kooxaha siyaasada
Somaliya oo ku sii qulqulaya Kenya
MUQDISHU, 14 Oct 2002 (MOL) -Wararka ka imaanaya
magaalada Muqdishu ayaa sheegaya in kooxaha siyaasada ay illaa
maalintii shalay ku sii qulqulayeen safaro ay ugu socdaan wadanka
Kenya si ay uga qeybgalaan shirka dib u heshiisiinta Somalida
ee lagu qabanayo magaalada ELdoret ee dalka Kenya oo lagu wado
inuu furmo 15-ka bishaan. kooxda Carta ayaa waxay shirka u direen
wafti xoogan oo ay kala hogaaminayaan ra'iisal wasaaraha Kooxda
Carta Hassan Abshir iyo Cabadalla deeroow oo ah madaxa golaha
shicbiga kooxda Carta. wali lama oga in madaxweyneha kooxda
Carta Abdiqasim Salad ka qeyb gali doono shirka iyo in booskiisa
uu badali doono Hassan Abshir. Kooxda Carta ayaa waxaa la sheegayaa
inay heleen ergada ugu badan ee shirka ka qeyb galaysa, sadbursigaas
ayaa loo tiriyay ka dib markii xulafadoodu ku guuleysteen inay
qabsadaan deegaan balaaran oo ka mida Koonfurta Somaliya.
Muse Suude Yalaxow ayaa isna la filaaa in uu ka
qeyb galo shirka Kenya, waxaase illaa hadda qaadacay shirkaas
dhawr hogaamiye oo aan xoog sidaas ah ku lahayn magaalada Muqdishu,
kooxahaas oo ay ugu firficoon yihiin Cismaan Caato iyo Mawliid
macaane ayaa la sheegayaa in aysan kooxahaani ku qanacsanayn
ergada loo qoondeeyay kooxahaan oo ay filayeen in ay helaan
ergo ka badan tirada la siiyay. warar la isla dhexmarayo Magaalada
Muqdishu ayaa sheegaya in qabiilada qaarkood loo sadburiyay
ergada loo qoondeeyay taas oo ka timid ka dib markii qabiilada
qaarkood ay xoog ku haystaan deegaano aysan u dhalan, Dalwadaha
IGAD-na ay ergadii ku qaybin si xaq oo dad deegaankoodii la
haysto la xaqiray. ururka SPM oo ka mida ururada deegaankooda
xooga lagu haysto ayaa ergadii loo qosheeyay waxaa shirka uga
qeyb gali doona beesha Cayr oo uu ka dhashay Cabdiqasim Salad
oo ah madaxweynaha Dawlada KMG ah ee Kooxda Carta. Taas oo dhalisay
in ururka SPM qaadaco shirka Kenya.
Dhinaca Puntland ayaan wali war rasmi ahi ka soo
bixin sida ay ka yeeli doonaan deegaanka Kismaayo oo ergadiisi
lagu maslaxay beelaha xooga ku haysta magaalada Kismayo, horey
ayaa Dawlada Puntland u sheegtay in aysan marnaba aqbalayn xaqdarada
lagu hayo dadka dhiban ee Kismaayo kana qeyb qaadan doonaan
sidii dadkaas dhulkooda looga xorayn lahaa xulafada walaalaha
Galgaduud oo dadka deegaankaas kula kacay waxyaabo ka baxsan
xaquuqda bini-adamka. Dad badan ayaan rajo badan ka qabin shirka
Kenya oo aad moodo inuusan muhiimad siinin dadka dhulkooda laga
haysto. Dawlada goboleedka Puntland ayaa iyaguna waxay heleen
ergo aad uga yar intay xaqa u lahaayeen iyagoo la sheegayo in
la siiyay ergo dhan 28. waxaa la filayaa in ergada Puntland
uu hogaamin doono madaxweynaha Puntland Cabdulahi Yusuf iyo
madaxweyne ku xigeenkiisa.
Mudugonline.com
Dawlada
KMG ah ee Carta oo ay soo kala dhex galeen khilaaf
MUQDISHU, 14 Oct 2002 (MOL) -Wararka ka imaanaya Magaalada
Muqdishu ayaa sheegaya in khilaaf ba;an soo kala dhex galay
Dawlada KMG ah ee kooxda Carta, khilaafkaan oo loo malaynayo
inuu ku lug leeyahay Shirka ka dhici doona Kenya ayaa waxaa
la soo sheegayaa in Kooxdu wal-wal weyn ka qabto inay ku
kala furfurmaan shirka Kenya, Kooxda ayaa la sheegay in
labadii Beri ee u dambaysay ay shaqadii ka eryeen hay'adihii
Garsoorka oo ay u rakeen in ay sharciga wax ka badli karaan
loona adeegsan karo in lagu majaxaabiyo Dawlada Carta inta
uu socdo shirka Kenya.
Warar kale ayaa sheegaya in ergada shirka Kenya ka qeyb
galaysa loo soo xulay si taxadar leh si ay isaga illaaliyaan
in ergada qaarkood ka xiriir furtaan kooxda haddii ay arkaan
in ay soo bixi karaan awood siyaasadeed oo isku keeni karta
wadanka. warar kale ayaa sheegaya in kooxdu isku kala qeybisay
laba dhinac, dhinac ka qeyb galaya shirka iyo dhinac sii
illaalin doona hawlahooda magaalada Muqdishu inaysan wax
is bedelin inta uu socdo shirka Kenya, arintu si kastaba
ha ahaatee waxaa laga dareemay kooxda Carta inay ku muaqatay
labdii beri ee la soo dhaafay wal-wal iyo walaac iyo isku
kalsooni la'aan badan.
Mudugonline.com
Contact: webmaster@mudugonline.com
Copyright © Mudug
Online 2001
|