BANAANBAX NABADEED OO KA DHACAY
GALKACYO
GALKACYO,
6 Oct 2002 (MOL) Banaanbax nabadeed
oo looga soo horjeedo dagaalkii dhacay
maalintii jimcada 04/10/02 ayaa
Galabtay 05/10/02
ka dhacay magaalada
Galkacyo gudaheeda.
Waxaa soo abaabulay
mudaharaadkaan culumaa’udiinka magaalada, iyo dadwayne nabadda jecel, waxay culumaa’udiinku soo bandhigeen boorar ay ku qoran yihiin
aayado qur’aan
ah oo ka hadlaya dibu
heshiisiinta, waxayna
sidoo kale wateen calankii soomaaliyeed, kaasoo dadka xasuusinayey
midnimadii soomaaliyeed
ee indhawaydba lawaayey.
Waxay
culumadu socod ku mareen wadooyinka
magaalada, waqooyiga
iyo koonfurta, waxayna dadwaynihii isku soo baxay xusuusiyeen, shareecada Islaamku waxay ka qabto dulmiga iyo dhiigga muslimiinta oo la daadiyo, waxayna kadigeen dhibaato hor leh
oo ay dadku
gacantooda ku kasbadaan,
Haddii loo
hogaansami waayo shareecada Islaamka.
Mana
aha markii ugu
horaysay culumaa’udiinku ka qayb qaataan arimaha
nabadda iyo
dibu heshiisiinta, waxay in badanba culumadu ka qayb qaateen xasiloonida ka jirta Gobolka, laga soo bilaabo
xilligii is dhexgalka.
Waxaa
sidoo kale maanta
la filayaa inay isku yimaadaan
odayaal beeleed
kawada hadlaya wixii dhacay iyo
sidii loo
xalin lahaa.inkastoo warar
hadda na soo gaaray ay sheegayaan in wada hadalada dib loo dhigay
ka dib markii ay sidaas codsadeen odayaasha Koonfurta Magaalada.
Lama garanayo waxay
ku danbayn
doonto xaaladahan ka soo cusboonaaday, inkastoo aysan ka badalnayn kuwii horey u dhicin jiray oo in badan
laga heshiiyey.
Nabadda
magaalada Galkacyo
ayaa ah mid ay badali karto wiil
yar oo qori
wata, maadaama
aysan jirinin dowlad
soomaaliyeed ama
maamul midaysan oo labada dhinacba
ah.
Ganacsatada
magaalada ee
labada dhinac ayaa iyagu
aan marnaba
ka qayb qaadan dagaalada
noocaan oo
kale ah, iyagoo si isku
mid ah uga soo
horjeeda dhibaatooyin, isla mar ahaantaasna difaac midaysan lagala burcadda doonaysan inay bililiqaystaan hantidooda.
Wax
dagaal dambe ah kama dhicin magaalada Gaalkacyo oo ka dambeeyay
Dagaalkii Jimcaha, Wararka Muqdishu ka imaanaya aya sheegaya
in hogaamiye Kooxeedka Caato uu cambaarayn u soo jeediyay Maamulka
Puntland oo uu ku eedeeyay in ay dad masaakiin ah u adeegsadeen
hub culus, warkaas Caato soo saaray ayaa la sheegay in la rumaysan
yahay in uu ka dambeeyay war-qaldan oo la gaarsiiyay uusana
la socon in Ciidanka Puntland aysan ka qeyb galin dagaalkii
jimcaha dhacay ee u dhaxeeyay beelaha wada dega degaanka Mudug.
illaa hadda wax wara kama soo bixin dhinaca Dawlad goboleedka
Puntland ay uga jawaabayaan eedayntas loo soo jeediyay.
Mudugonline.com
Contact: webmaster@mudugonline.com
Copyright © Mudug
Online 2001
|