Gaalkacyo oo dagaal
ba'an ka dhacay maanta
GALAKCYO, 4 Oct 2002 (MOL)-Saaka waaberigii
ayaa waxaa magaalada Galkacyo hareeraheeda ka bilaamay dagaal
ba'an oo u dhaxeeya beelaha wada dega magaalada, dagaalka oo
markii hore ka bilaamay qilaaf ka dhashay ceel magaalada u dhaw
oo lagu magacaabo Barde-dheere ayaa waxaa la sheegayaa in dagaalku
markii dambe soo gaaray magaalada dhexdeeda. salaadii duhur
ka dib ayuu dagaalku aad u sii xoogaystay, waxaa ka dhashay
dagaalkaas qasaare naf iyo moodba leh, qasaaraha illaa hadda
la og yahay ayaa lagu sheegay 12 qof oo dhinac walba 6 qof ka
dhimatay iyo dhaawac gaaraya illaa 30 qofood.
Qorax dhicii salaada Maqrib ka dib ayuu dagaalku
istaagay sida caadada u ah dagaalaada Somaliya, magaaladuna
waa dagan tahay haatan, ciidama beeleedkuna wali waa ishor fadhiyaan,
odayaasha magaaladu wali umma helin fursad ay isku arkaan oo
ku kala qaadaan ciidan beeleedka, warar aan wali la xaqiijin
ayaa sheegaya in kooxda Carta ku lug leedahay dagaalkaan Gaalkacyo,
warar kalena waxay sheegayaan in arintu la xiriirto aanooyin
qabiil oo mudo soo jiitamayay oo dhawaanta soo cusboonaaday.
waxaan akhristayaasha la socod siin doonaa waxii
ku soo kordha dagaalka maanta ka dhacay Magaalada Galkacyo.
Mudugonline
Contact: webmaster@mudugonline.com
Copyright © Mudug
Online 2001
|