Baaq cusub oo Isimadda
Beesha Sool koonfur sanaag iyo buuhoodle soo saareen
Waxaan idinla socodsiinaynaa in Isimada Beesha
Sool koonfurta Sanaag iyo Buuhoodle soo saareen baaq ay
kaga jawaabayaan hadalkii uu Suldaan Muuse Godaad ka sii
daayey idaacada BBCda waxuuna u qoran yahay sidan.
Ku:Dhamaan Cuqaasha, Waxgaradka aqoonyahanada Beesha
Sool, koonfurta Sanaag iyo Buuhoodle.
Ku:BBC= laanta afka Somaliga.
Ujeedo: Baaq.
Waxaan cadaynaynaa hadalkii uu idaacada BBCda ka sii daayey
aanuna ka dhegaysanay Suldaan Muuse Godaad.
Inaan waxba ka jirin.Wax siyaasada oo aan ka wadahadalay
majiraan.Anaguna ma nihin Somaliland mana noqon doono mana
ogolin. Mana ogolin cid dawlad sheeganaysa oo Somaliland
ka imanaysa.Mana ogolin doorashada oo wax u dhimi karta
Beelaha Somaliland.
Waxaa saxeexay.
1. Garaad Saleebaan Garaad Maxamed.
2. Ugaas Cabdilaaahi Ciise.
3. Boqor Cabdilaahi Axmed Cali.
4. Garaad Cali Buraale Xasan.
5. Garaad Cabdisalaan Xasan.
6. Garaad Cabdillaahi Garaad Soofe.
7. Wakiilka Garaad Abshir ( Maxamed Diiriye
Cali ).
Baaqan oo la saxeexay 22.11.02 waxaana telefoonka iiga akhriyey
Wasiirka Arimaha Gudaha Puntland mudane Axmed Cabdi Xaabsade.
wixii faahfaahin ah la xiriir Xaabsade Tel.002525236812
Osman Warsame
Norway.
Maanta iyo
Faaqidaada RadioGalkacyo
Waxaa ka mida Faaqidaada wararka
RadioGalkayo Maanta:
-
Madaxweynaha DG
Puntland Cabdulahi Yusuf oo booqoasho u aaday wadanka
Itoobiya.
-
Wararkii ugu dambeeyay ee shirkii Eldoret.
-
aqoon isweydaarsi lagu soo gabi gabeeyay
magaala madaxda Puntland ee Groroowe.
Shalay iyo Faaqidaada
RadioGalkacyo
Waxaa ka mida Faaqidaada wararka RadioGalkayo:
Saxaafada Muqdishu oo aad ugu diirsaday
is-afgaranwaaga ka aloosmay booqashada Wasiirada Ka socda
Maamulka Somaliland
MUQDISHU, 27 Nov 2002 (MOL) - Saxaaafada Magaalada Muqdishu
ayaa sidii lagu yaqiin waxay si aad ah wax uga qoreen una
dhiirigalinayaan shaqaaqada ka dhacday Magaalada Laascaanood
ka dib markii dad deegaanku ishortaageen Wasiiro ka socda
Maamulka Somaliland oo rabay inay magaalada Laascaanood ka
hirgaliyaan doorasho la filayo inay ka dhacdo Somaliland bisha
dembe.Saxaafada Muqdishu ayaa waxay maqaaladooda horudhac
uga dhigeen cinwaano naxdin leh oo ay ka mid yihiin "Laascaano
oo dagaal ka qarxay", "Puntland iyo Somaliland oo
dagaal qarka u saaran" iyo cinwaano kuwaas la mida. Saxaafada
Muqdishu oo inta badan ku salaysan qabiil ayaa waxay rajo
ka qabaan dagaal ka qarxa Laacaanood oo u dhaxeeya Puntland
iyo Somaliland inuu cimri dherer u keeni karo Dawlada Carta
ee ay taageeraan.
Waxaa iyana meesha aan ka maqnay xisdi saxaafada Muqdishu
ay jeclaan lahaayeen inay mar arkaan Puntland iyo Somaliland
oo dambas noqday oo nabad la'aan iyo boob ka dilaaco magaalooyinka
waaweyn sida hadda ka jirta magaalada Muqdishu. sidaas oo
ay u arkaan markaas inay u awood u siinayso inay Dawlada Carta
aduunku taageero iyo aqoonsiba siiyo. riyada Saxaafada Muqdishu
ayaa badanaaba ah riyo ee aan waxba ka naasacadaan. dadka
reer Puntland iyo Somalilandna iyaga ayay u taal haddii ay
door bidaan inay iska burburiyaan nabad galyada iyo kala dambeynta
ay ku soo hawshoodeen 13-kii sanno ee la soo dhaafay. saxaafada
Muqdishu iyo dadka qorana waxaan leenahay "god walaal
ha qodin hadaad qodidna ha dheerayn ku dhici doontaana ma
ogide"
Mudugonline.com